Праваабарончы цэнтр «ВЯСНА»

Навіны за 24 траўня 2012

24.05.2012 Прысуд Алегу Воўчаку — 9 сутак

Судовы працэс завершаны. У судзе дапытаныя сьведкі – міліцыянты і Зьміцер Кухлей. Судзьдзя пайшла выносіць рашэньне, якое павінна быць агучанае праз паўгадзіны. Алега Воўчака асудзілі на 9 сутак арышту.

24.05.2012 Вызвалення Алеся Бяляцкага патрабавалі ў Санкт-Пецярбургу. Фотарэпартаж

24 траўня на адной з пешаходных вуліц Піцера разгарнуўся пікет з лозунгамі "Свободу Алесю Беляцкому!", "Нет политическим репрессиям!", беларускамоўнымі - "Вясна прыйдзе і ў Беларусь" і "Не - паліцэйскай дзяржаве" ды іншымі. І ўсё - пад жалезным наглядам паліцэйскага.

24.05.2012 Уладзіміра Яроменка пакаралі 10 суткамі арышту

Уладзімір Яроменак пакараны 10 суткамі арышту. Таксама стала вядома, што з ЦІП на Акрэсціна своечасова не выйшаў актывіст "Маладога фронту" Зміцер Крэмянецкі.

24.05.2012 Скарга грамадскага аб’яднання “За справядлівыя выбары” зарэгістраваная ў ААН

У сярэдзіне мінулага года Міністэрства юстыцыі Беларусі адмовіла заснавальнікам Сяргею Калякіну, Валерыю Ухналёву і Віктару Карняенку ў дзяржаўнай рэгістрацыі грамадскага аб'яднання “За справядлівыя выбары”. Вярхоўны суд пацвердзіў высновы рэгіструючага органа, тым самым паставіўшы сябраў аб'яднання ў нелегальнае становішча.

24.05.2012 «Жыве Беларусь» у Канах

Кінастужка «Жыве Беларусь» польскага рэжысэра Кшыштафа Лукашэвіча пабудаваная на рэальных падзеях. Яна апавядае пра змаганьне беларускае моладзі супраць дыктатуры. Сярод беларускіх патронаў фільму, каму значыцца падзяка ў тытрах, - Алесь Бяляцкі.

24.05.2012 Праваабаронца папрасіў міліцыю забяспечыць права на распаўсюд інфармацыі

Праваабаронца, актывіст кампаніі «Наш Дом» Мікалай Петрушэнка накіраваў ліст начальніку УУС Віцебскага аблвыканкама Аляксандру Найдзенка, у якім патрабуе растлумачыць прычыны канфіскацыі друкаванай прадукцыі ў журналісткі «Віцебскага кур'ера» Юліі Канаплёвай.

24.05.2012 Прапагандыст бачыць пагрозу "крушэння краіны" ў адзначэнні дня памяці ахвяраў СНІДу

Карэспандэнта газеты гомельскай райадміністрацыі «Савецкі раён» Аляксандра Яўсеенку абурае адзначэнне Сусветнага Дня памяці ахвяраў ВІЧ/СНІДу. “Не прымем пагрозу нашым падрастаючым пакаленням сур'ёзна, увальемся добраахвотна ў каламутны паток ўсеагульнай «талерантнасці» - праз дзесятак гадоў нас возьмуць голымі рукамі”, - папярэджвае грамадскасць журналіст.

24.05.2012 Лукашэнка ня вызваліць палітвязьняў

Беларусь чакае «канкрэтных крокаў» ад Захаду і афіцыйны Менск ня будзе мяняць сваю пазыцыю што да «вызваленьня палітвязьняў», заявіў прэзыдэнт Беларусі Аляксандар Лукашэнка.

24.05.2012 Затрыманы праваабаронца Алег Воўчак

Гэта адбылося ў 14:30 у Мінску ля парку Дружбы народаў.

24.05.2012 ЛТП: прымусовая праца ў жахлівых умовах

Мінчука Сяргея Макойця, які быў змешчаны па рашэньні суду Фрунзенскага раёна Менска ў ЛТП тэрмінам на 1 год, яшчэ ў сакавіку мінулага года проста з месца працы забралі супрацоўнікі міліцыі, паведаміўшы, што нібыта ён рэгулярна спажывае алкагольныя напоі.

24.05.2012 Сёння ў Санкт-Пецярбургу пікет у абарону Алеся Бяляцкага

24 траўня АДЦ «Мемарыял» арганізуе ў Санкт-Пецярбургу пікет у абарону беларускага палітычнага зняволенага, праваабаронцы і намінанта на Нобелеўскую прэмію міру, Алеся Бяляцкага. Праваабарончая арганізацыя звяртаецца да ўсіх людзей добрай волі, запрашаючы іх выйсці на пікет, які адбудзецца з 15 да 17 гадзін.

24.05.2012 Жыхары Берліна падтрымалі акцыю супраць смяротнага пакарання ў Беларусі

Аддзяленне міжнароднай арганізацыі Amnesty International у Берліне правяло сярод жыхароў нямецкай сталіцы акцыю па зборы петыцый супраць смяротнага пакарання ў Беларусі. Кожны ўдзельнік падпісаў адмысловую паштоўку з заклікам да беларускіх уладаў адмяніць гэты жорсткі від пакарання.

24.05.2012 Імёны стваральнікаў фільма "Метро" – дзяржаўная таямніца?

Кіраўнік Белтэлерадыёкампаніі Генадзь Давыдзька адмовіўся назваць тых, хто працаваў над фільмам "Метро", паказаным да ўгодкаў трагедыі 11 красавіка. І параіў Любові Кавалёвай і Барысу Хамайду, якія лічаць фільм паклёпніцкім і мяркуюць звярнуцца ў суд, абскардзіць яго адказ, звярнуўшыся "у вышэйстаячы орган (Адміністрацыю Прэзідэнта Рэспублікі Беларусь)".

24.05.2012 Беларуская амбасада раіць палякам паглядзець фільм "Метро"

Беларуская амбасада зрабіла адпаведную заяву неўзабаве пасля таго, як Польшчу па запрашэнні тэлеканала TVN наведалі сястра і маці Уладзіслава Кавалёва і па канале 8 траўня быў паказаны тэлефільм "Як выглядае справядлівасць у Беларусі".

24.05.2012 "Прафілактычная" матарызна ад міліцэйскага начальніка

Актывіст "Маладога фронта" Павел Сяргей абскардзіць дзеянні намесніка начальніка аддзела аховы правапарадку і прафілактыкі Фрунзенскага РУУС Андрэя Галавіна. 23 траўня "ахоўнік правапарадку" нарэшце вярнуў актывісту яго асабістыя рэчы, за якімі той паездіў у РУУС. Разам з рэчамі Павел атрымаў добрую порцыю матных абразаў у свой адрас. Напэўна, для "прафілактыкі".