Праваабарончы цэнтр «ВЯСНА»

Навіны за 1 жніўня 2012

01.08.2012 Алена Красоўская-Каспяровіч знайшлася на Акрэсціна

Намеснік дырэктара інфармацыйна-асветніцкай установы «Платформа» Алена Красоўская-Каспяровіч знаходзіцца ў турме на Акрэсціна.

01.08.2012 Збор подпісаў пад бел-чырвона-белым сцягам (відэа)

27 ліпеня сябра Партыі БНФ Леанід Аўтухоў арганізаваў збор подпісаў за вылучэнне яго кандыдатам у Палату прадстаўнікоў Нацыянальнага сходу Рэспублікі Беларусь. Над намётам, які ён паставіў у цэнтры Гарадка (Віцебская вобл.), цягам трох гадзінаў лунаў нацыянальны бел-чырвона-белы сцяг....

01.08.2012 Ян Дзяржаўцаў пра суды над віцебскімі актывістамі (відэа)

Апошнім часам суды Віцебску сталі выносіць надзвычай жорсткія пакаранні актывістам грамадзянскай супольнасці. Па меркаванні палітыка Яна Дзяржаўцава, гэта непасрэдна звязана з выбарчай кампаніяй у Палату прадстаўнікоў.

01.08.2012 Любоў Кавалёва мае намер дамагацца ад старшыні КДБ пісьмовага адказу на патрабаванне вяртання ёй запісаў сына

Як паведаміла жанчына, яе паўторны зварот да Зайцава быщ атрыманы ў КДБ 16 ліпеня, пра што яе праинфармавали, аднак адказу пакуль не было.

01.08.2012 “Грамадзяне Беларусі пазбаўлены права мець правы”

Да такой высновы прыйшоў праваабаронца з Мазыра Уладзімір Целяпун у выніку сваёй судовай эпапеі. Ужо год як ён абскарджвае адмовы ў правядзенні пікетаў у падтрымку кіраўніка Праваабарончага цэнтра “Вясна” Алеся Бяляцкага і ўсіх палітычных вязняў Беларусі.

01.08.2012 Цяжка хворы Вячаслаў Дашкевіч баіцца не дачакацца свайго сына з турмы

На мінулым тыдні журналіста і галоўнага рэдактара са шматгадовым стажам наведалі сябры ГА“Беларуская асацыяцыя журналістаў”.

01.08.2012 Уладзімір Яроменак: На Акрэсціна спалі па чарзе

Сёння актывіста «Маладога фронту» вызвалілі пасля 15-ці сутак арышту.

01.08.2012 Скаргу Сяргея Каваленкі разгледзяць у ААН

Камітэт па правах чалавека ААН прыняў да разгляду скаргу палітзняволенага Сяргея Каваленкі на яго першы прысуд. 7-га студзеня 2010 года ён узняў нацыянальны бел-чырвона-белы сцяг на навагодняй елцы ў Віцебску.

01.08.2012 Сайт palitviazni.info - і на замежных мовах

Неўзабаве з’явяцца новыя моўныя версіі сайту – англійская, польская і руская. Гэта дазволіць пашырыць інфармацыю аб парушэнні правоў чалавека ў Беларусі, аб стане палітычных вязняў.

01.08.2012 Брэст: Суд не пакарае чыноўнікаў

Суд Ленінскага раёна Брэста палічыў неабгрунтаванай скаргу мясцовага актывіста Руху “За Свабоду” Дзяніса Турчаняка, які патрабаваў пакараць адказных чыноўнікаў аблвыканкаму за адмову ў прадастаўленні інфармацыі. Адначасова Турчаняк атрымаў адказ з Брэсцкага абласнога Савету дэпутатаў, з якога вынікае, што народныя абраннікі таксама не маюць магчымасці кантраляваць дзеянні выканаўчай улады.

01.08.2012 Мікалай Лазавік не ведае пра вылучэнне кандыдатаў ад “Белай Русі”?

Сакратар ЦВК выказаў незадаволенасць наконт справаздачы БДІПЧ АБСЕ. У дакуменце акцэнтуецца ўвага на тым, што “Белая Русь” мае намер вылучыць сваіх кандыдатаў практычна на ўсіх выбарчых акругах. Па меркаванні Лазавіка, гэта немагчыма. Тым часам прадстаўнікі “Белай Русі” ўжо пачалі збор подпісаў за сваіх прыхільнікаў.

01.08.2012 Магілёў: Cельская выбарчая камісія не ведае межаў сваёй акругі

Назіральнік ад Беларускага Хельсінкскага камітэта Васіль Ліпскі кажа, што старшыня Сельскай акруговай выбарчай камісіі №88 сп. Яленскі і сакратар камісіі спн. Валянцюк не здолелі на мапе паказаць межы сваёй выбарчай акругі, спаслаўшыся на тое, што самі дакладна не ведаюць і яшчэ не да канца разабраліся.

01.08.2012 Пінск. “Страху няма!”

У Пінску ізноў з’явіліся постэры з грамадскім мэсыджам “Страху няма!”, якія яскрава ілюструюць змены ў беларускім заканадаўстве, якія значна абмяжоўваюць правы і свабоды грамадзянаў - найперш свабоду мірных сходаў, і значна пашыраюць паўнамоцтвы сілавых структур.

01.08.2012 Намесьніца дырэктара «Платформы» не выходзіць на сувязь

Намесьніца дырэктара інфармацыйна-асьветніцкай установы «Платформа» Алена Красоўская-Касьпяровіч з вечара 31 ліпеня перастала выходзіць на сувязь. Пайшла на сустрэчу - і з тых часоў ніхто яе не бачыў, паведаміў "Беларускаму партызану" дырэктар "Платформы" Андрэй Бандарэнка.

01.08.2012 У Брэсце актыўнічае БСДП (Г)

Сярод ініцыятыўных груп, зарэгістраваных у Брэсце для збору подпісаў, найбольшую актыўнасць праяўляюць актывісты, якія ладзяць пікеты за вылучэнне кандыдатамі ў дэпутаты мясцовых лідараў БСДП (Грамада) - Ганны Канюс і Ігара Маслоўскага.