Праваабарончы цэнтр «ВЯСНА»

Навіны за 13 жніўня 2012

13.08.2012 Конкурс на ўдзел у Другім Міжнародным адукацыйным Курсе па абароне правоў чалавека для моладзі

Да ўдзелу ў праграме запрашаюцца маладыя людзі з Беларусі, зацікаўленыя ў паглыбленні ведаў у галіне правоў чалавека, якія з’яўляюцца выпускнікамі Летніх школ па правах чалавека для моладзі і адукатараў, а таксама іншых адукацыйных мерапрыемстваў, праведзеных у межах праграмы “Беларуская праваабарончая школа” .

13.08.2012 За згадку пра байкот – выклік у пракуратуру

Незалежнага журналіста Кастуся Шыталя выклікалі ў Глыбоцкую раённую пракуратуру, каб атрымаць тлумачэнні наконт артыкула, змешчанага пад ягоным прозвішчам на рэгіянальным сайце http://westki.info. Гаворка ішла пра артыкул "Яраслаў Берніковіч прапанаваў дапамогу прыхільнікам байкоту".

13.08.2012 У Пінску “перадвыбарчы распродаж” (фота)

Нецікавая ў інфармацыйным плане выбарчая кампанія часам ажыўляецца нетрывіяльным падыходам да выкарыстання нагляднай інфармацыі. Так, супрацоўнікі адной з пінскіх крамаў размясцілі плакат з інфармацыяй аб вераснёўскіх выбарах побач з рэкламай аб распрадажы, у выніку чаго перадвыбарчы постэр набыў дзвухсэнсоўны змест.

13.08.2012 У Светлагорску пададзены дакументы на рэгістрацыю кандыдатаў

13 жніўня кіраўнік Светлагорскай раённай арганізацыі партыі “Справядлівы свет” С. Дайнека і прадстаўнік грамадскай кампаніі “Гавары праўду” І. Песікаў наведалі Светлагорскую акруговую выбарчую камісію. Нічога невядома аб тым, як ідзе вылучэнне па збору подпісаў у старшыні Светлагорскага райсавета Галіны Філіповіч.

13.08.2012 Брэст: Салідарная прабежка праваабаронцы Уладзіміра Малея з Алесем Бяляцкім зацікавіла міліцыю

Прабежку праваабаронца праводзіў у чорнай майцы з выявай Бяляцкага і трымаў яго партрэт у руках. Бег быў прысвячаны салідарнасці са зняволеным калегам і ўсімі беларускімі палітзняволенымі. 14 жніўня ў 11 раніцы Малей павінен з’явіцца У Ленінскі РАУС.

13.08.2012 У Шклоўскай выбарчай акрузе з’явіўся чацверты прэтэндэнт у кандыдаты

Сёння дакументы на рэгістрацыю ў якасці кандыдата ў дэпутаты ў акруговую камісію Шклоўскай выбарчай акругі № 90 падала сябар Беларускай партыі левых “Справядлівы свет” Зінаіда Мілешчанка. Па яе словах, яна была чацвёртым прэтэндэнтам у кандыдаты.

13.08.2012 Гомель: Падлічваць галасы за начальніка аддзела адукацыі будуць настаўнікі

Каля двух тыдняў таму на сайце адміністрацыі Цэнтральнага раёна Гомеля з'явілася інфармацыя, што акруговая камісія зарэгістравала ініцыятыўную групу па збору подпісаў у падтрымку вылучэння кандыдатам у дэпутаты начальніка аддзела адукацыі адміністрацыі Цэнтральнага раёна Алега Леўшунова. Потым дадзеная інфармацыя знікла з сайту - як і не было.

13.08.2012 Слонім: толькі тры месцы для перадвыбарчых сходаў

Гэта ў кінатэатры “Мір”, у Доме культуры ў мікрараёне Альбярцін і ў памяшканні Слонімскай дзіцячай школы мастацтваў. І ўсё. А вось у самым вялікім і густанаселеным мікрараёне на вуліцах Брэсцкай, Ф. Скарыны, праспекце Незалежнасці такіх месцаў не адведзена.

13.08.2012 Горкі: дакументы на рэгістрацыю ў якасці кандыдатаў падалі тры прэтэндэнты

У акруговую камісію Горацкай выбарчай акругі № 82 дакументы на рэгістрацыю ў якасці кадыдатаў у дэпутаты Палаты прадстаўнікоў пакуль падалі тры чалавекі. Пра гэта паведаміла незалежны назіральнік Галіна Будная.

13.08.2012 Аршанскі суд адмовіў у скаргах на неўключэнне ва ўчастковыя камісіі

Суд Аршанскага раёна і горада Орша адмовіў Беларускай партыі левых "Справядлівы свет" у скарзе на неўключэнне іх прадстаўнікоў у склад участковых камісій па горадзе Орша. Судовае паседжанне праходзіла пад старшынствам Наталлі Архіпавай, на ім прысутнічала памочнік пракурора Вікторыя Корсак.

13.08.2012 Бабруйск: Маладыя сябры АГП падалі дакументы на рэгістрацыю кандыдатамі

Рэгістрацыя Андрэя Казлова па Першамайскай выбарчай акрузе № 79 прайшла хутка, і без лішніх пытанняў. А з Матвеем Хатары, які прынёс дакументы ў Ленінскую выбарчую акругу № 78, вырашыў паразмаўляць нязменны кіраўнік гэтай камісіі, бабруйскі лідэр "Белай Русі" Уладзімір Вяткін.

13.08.2012 Брэст: партыйцы падалі дакументы на рэгістрацыю кандыдатамі

У прыватнасці, крыху больш за тысячу подпісаў было падазена ў выбарчыя камісіі Брэсцкай-Заходняй акругі №1 і Брэсцкай-Цэнтральнай акругі №2 адпаведна за вылучэнне старшыні гарадской суполкі Беларускай сацыял–дэмакратычнай партыі (Грамада) Ганны Канюс і кіраўніка абласной арганізацыі гэтай партыі Ігара Маслоўскага.

13.08.2012 Пінскі раён: рашэнні па месцах сустрэч з выбаршчыкамі і размяшчэння перадвыбарчых матэрыялаў – даволі ліберальныя

Пінскі райвыканкам прыняў рашэнні № 739 і № 740, якімі вызначыў месцы для правядзення перадвыбарчай агітацыі: арганізацыі сустрэч кандыдатаў і іх давераных асобаў з выбаршчыкамі, а таксама месцы для размяшчэння перадвыбарчых матэрыялаў.

13.08.2012 Карэспандэнта Радыё Рацыя выклікаюць у пракуратуру

Карэспандэнта Радыё Рацыя выклікаюць у Мінскую гарадскую пракуратуру па састарэлай позве. Узяць тлумачэнні ў Генадзя Барбарыча хоча Дзмітрый Пастаялка, а ў выпадку няяўкі пракурор пагражае журналісту штрафам альбо адміністрацыйным арыштам.

13.08.2012 Жлобін: сябрам “Справядлівага свету” пагражаюць звальненнем за вылучэнне ва УВК

Нягледзячы на тое, што ніводны з дванаццаці прэтэндэнтаў “Справядлівага свету” не трапіў у камісіі, да іх з боку працадаўцаў узніклі прэтэнзіі. З райвыканкама на прадпрыемсты паведамілі прозвішчы тых, хто спрабаваў трапіць у камісіі.