Праваабарончы цэнтр «ВЯСНА»

Навіны за 23 жніўня 2012

23.08.2012 Рэгістрацыя кандыдатаў у дэпутаты: дадзеныя з рэгіёнаў (дадаецца)

Мазыр: альтэрнатыве на выбарах быць. Ваўкавыск: рэгістрацыю не прайшлі сябра БНФ Севасцьян і граф Прушынскі. Баранавічы: у сельскай выбарчай акрузе выбары будуць безальтэрнатыўнымі. Салігорск: абодва дэмакратычныя кандыдаты зарэгістраваныя. Віцебск: найбольшы “адсеў” – у Віцебскай-Кастрычніцкай акрузе. Асіповічы: сярод трох кандыдатаў – сябра БНФ. Пінскі раён: кандыдатамі зарэгістраваныя беспартыйныя.

23.08.2012 Незрэгістраваныя кандыдатамі жыхары Віцебшчыны скардзяцца ў ЦВК

Пісьмовую скаргу ў Цэнтарвыбаркам накіравала актывістка кампаніі "Гавары праўду" Лідзія Сагідуліна, якой адмовіла ў рэгістрацыі камісія Полацкай выбарчай акругі №28. Сяргей Парсюкевіч і Уладзімір Правальскі, якіх не зарэгістравала камісія Віцебскай-Кастрычніцкай акругі №20, звярнуліся ў ЦВК асабіста.

23.08.2012 Еўрадэпутат патрабуе ад Міжнароднай Амністыі і еўрапейскіх палітыкаў умяшання ў справу Каваленкі

Дэпутат Еўрапарламента ад Польшчы Марэк Мігальскі накіраваў лісты Генпракурору РБ Аляксандру Канюку, Старшыні Еўрапарламента Марціну Шульцу і кіраўніку прадстаўніцтва Еўрасаюза ў Беларусі Майры Мора, выказаўшы занепакоенасць сітуацыяй вакол Сяргея Каваленкі. Падставай для гэтага паслужыла новая інфармацыя, якая паступіла ад жонкі палітвязня.

23.08.2012 Жлобін: супернікі не падтрымалі ініцыятыву кандыдата ад “Справядлівага свету” па павелічэнні месцаў для агітацыі

Кандыдат у дэпутаты ад партыі “Справядлівы свет” Валеры Рыбчанка накіраваў скаргу ў райвыканкам, які вызначыў на мінулым тыдні месцы для правядзення агітацыйнай кампаніі ў Жлобіне. Спадар Рыбчанка лічыць, што месцы для сустрэч з выбаршчыкамі нязручныя.

23.08.2012 Журналіст Міхась Янчук – выязны

23 жніўня журналіста выклікалі ў Дэпартамент па грамадзянству і міграцыі МУС і ўручылі даведку-выпіску, што ў яго «адсутнічаюць абмежаванні для выезду за мяжу».

23.08.2012 Рагачоў: незарэгістраванага прэтэндэнта ад “Гавары праўду!” Дзяніса Дашкевіча выклікалі ў КДБ

Сёння актывіста з Рагачова Дзяніса Дашкевіча выклікалі ў мясцовы КДБ, патэлефанаваўшы на хатні нумар. Дзянісу прапанавалі прыехаць для “размовы”, прычым “як мага хутчэй”, узяўшы з сабою пашпарт. Супрацоўнік КДБ не ўдакладніў, па якой справе будзе праходзіць размова і ў якасці каго Дашкевіча выкліваюць ў раённы Камітэт дзяржаўнай бяспекі.

23.08.2012 Вілейка: супрацоўнік КДБ -- без альтэрнатывы

У Вілейскай акрузе №74 з пяці прэтэндэнтаў у кандытаты раптам застаўся толькі адзін – начальнік галоўнага ўпраўллення эканамічнай бяспекі КДБ Русак Віктар Уладзіміравіч. Па словах аднаго з прэтэндэнтаў Уладзіміра Малярчука, паседжанне камісіі па рэгістрацыі, якое адбывалася 22 жніўня, праходзіла вельмі нервова і хутчэй нагадвала трыбунал.

23.08.2012 Судовая калегія не задаволіла скаргу Гары Паганяйлы

Праваабаронца абскарджваў рашэнне суда Маскоўскага раёна. Ён прасіў прызнаць незаконнымі дзеянні Мінюста і МУС, якія прывялі да неабгрунтаванага ўключэння яго ў банк дадзеных аб “невыяздных”.

23.08.2012 Мікола Дземідзенка знайшоўся на Акрэсціна, сёньня – суд (дадаецца)

Міколу Дземідзенку пакаралі адміністрацыйным арыштам на 7 сутак

23.08.2012 Нататкі Алеся Бяляцкага пра беларускую “турэмную” літаратуру (дадаецца)

Алесь Бяляцкі, апынуўшыся за кратамі, як і шматлікія яго папярэднікі – беларускія літаратары-вязьні розных часоў, сярод якіх Вінцэнт Дунін-Марцінкевіч, Карусь Каганец, Алесь Гарун, Якуб Колас … Уладзімір Някляеў, напісаў нататкі пра беларускую “турэмную” літаратуру. Яны ўвойдуць у кнігу, якую Алесь пачаў рыхтаваць у 2011-м годзе і планаваў выдаць да свайго 50-годдзя.

23.08.2012 Брэст: кандыдат скардзіцца на абмежаванасць месцаў для агітацыі

Кандыдат у дэпутаты па Брэсцкай-Цэнтральнай выбарчай акрузе №2 Ігар Маслоўскі накіраваў скаргу ў Брэсцкі аблвыканкам наконт вызначаных у абласным цэнтры месцаў для правядзення масавых мерапрыемстваў падчас агітацыйнай кампаніі.

23.08.2012 Маладэчна: Якасць подпісаў – пад сумневам, але кандыдатка зарэгістраваная

Назіральнік Эдуард Баланчук так і не дачакаўся адказу на сваю скаргу, накіраваную яшчэ 16 жніўня ў ЦВК і пракуратуру. Скарга датычылася парушэнняў працэдуры праверкі подпісаў за прэтэндэнтку ў кандыдаты Галіну Лазоўскую.

23.08.2012 Віцебскі аблсуд адхіліў касацыйную скаргу Яніны Ляснеўскай

Суддзя абласнога суда Ірына Смалякова адмовіла Яніне Ляснеўскай у задавальненні скаргі на пастанову суда Аршанскага раёна і горада Оршы па адміністратыўнай справе па артыкуле “Распаўсюд твораў, што прапагандуюць культ гвалту і жорсткасці”.

23.08.2012 Ярмошына незадаволена вялікай колькасцю назіральнікаў ад АБСЕ

Старшыня Цэнтрвыбаркама лічыць несправядлівым, што ў Беларусь прыязджае некалькі сотняў назіральнікаў, а ў краіны Заходняй Еўропы толькі 15-40 чалавек. Па яе меркаванні, гэта сведчыць пра перадузятасць місіі.

23.08.2012 Новая крымінальная справа супраць журналіста

Аршанскі гарадскі аддзел Следчага камітэта РБ завёў крымінальную справу ў дачыненні да журналіста Мікалая Петрушэнкі за “знявагу прадстаўніка ўлады” (арт. арт. 369 КК РБ).