Праваабарончы цэнтр «ВЯСНА»

Навіны за 20 жніўня 2012

20.08.2012 Абсерваторыя па абароне праваабаронцаў асуджае пераслед Таццяны Рэвяка

20 жніўня Абсерваторыя па абароне правоў праваабаронцаў распаўсюдзіла заяву з асуджэннем пераследу Таццяны Рэвяка, "бо ён, як падаецца, проста накіраваны на санкцыянаванне яе дзейнасці ў галіне правоў чалавека". Абсерваторыя асабліва занепакоеная тым, што ціск на праваабаронцаў наогул узмацніўся ў той час, як ПЦ “Вясна” і БХК праводзяць маніторынг выбарчага працэсу ў межах кампаніі «Праваабаронцы за свабодныя выбары».

20.08.2012 Адвакат тройчы не змог сустрэцца з Яўгенам Васьковічам

Пасля адмовы палітвязня, сябра Беларускай Хрысціянскай Дэмакратыі Яўгена Васьковіча двойчы напісаць прашэнне аб памілаванні на яго ўзмацніўся ціск з боку турэмнай адміністрацыі.

20.08.2012 Быхаў: Акруговая камісія запрасіла прэтэндэнтаў на паседжанне па рэгістрацыі

Сёння пасля абеда прэтэндэнту ў кандыдаты па Быхаўскай выбарчай акрузе № 81 Сяргею Антонаву патэлефанавалі з акруговай выбарчай камсісіі і запрасілі на паседжанне, якое пройдзе 22 жніўня. Як кажа спадар Антонаў, ён да гэтага часу не ведае дакладна, колькі прэтэндэнтаў у кандыдаты падавалі дакументы на рэгістрацыю па ягонай акрузе.

20.08.2012 Старшыні Магілёўскага аблсавета не падабаецца апазіцыя

“Нясмелыя спробы апанентаў улады разгарнуць незразумелыя дэбаты былі, але ўсе іх целаварушэнні скончыліся нічым, і гэтыя патугі ў чарговы раз толькі пацвердзілі, якую вагу ў нашым здаровым грамадстве мае апазіцыя і што ўяўляюць яе лідары”.

20.08.2012 Магілёў: на ініцыятыўныя групы паступаюць скаргі ў акруговыя камісіі

Ужо вядома, што скаргі ў акруговыя выбарчыя камісіі №84 і №85 паступілі ад адміністрацый інтэрнатаў па вуліцы Ціміразеўская, 11 і вуліцы Касманаўтаў, 45 адпаведна, на прэтэндэнтаў у дэпутаты ад “Гавары праўду” Леаніда Падбярэцкага і “Руха за свабоду” Уладзіміра Пунчанка.

Рэдактар «Гомельскіх ведамасцей» прыцягнуў да адказнасці свайго карэспандэнта за заўчаснае паведамленне пра стварэнне ўчастковых камісій

20.08.2012 Рэдактар «Гомельскіх ведамасцей» прыцягнуў да адказнасці свайго карэспандэнта за заўчаснае паведамленне пра стварэнне ўчастковых камісій

Як вядома, 8 жніўня ў адміністрацыях раёнаў Гомеля праходзілі паседжанні па фармаванні ўчастковых выбарчых камісій. А тым часам карэспандэнты газеты «Гомельскія ведамасці» яшчэ 7 жніўня, напярэдадні паседжанняў, інфармавалі чытачоў, што камісіі ўжо ўтвораны.

20.08.2012 У Магілёве для агітацыі вызначана 18 адкрытых пляцовак

12 такіх месцаў знаходзіцца на тэрыторыі Ленінскага раёна горада, 6 – на тэрыторыі Кастрычніцкага. Па рашэнню адміністрацый раёнаў сустрэцца з выбаршчыкамі кандыдаты ў дэпутаты і іх давераныя асобы здолеюць і ў актавых залах шэрагу прамысловых прадпрыемстваў і вучэбных установаў Магілёва. Такіх памяшканняў вызначана 17.

20.08.2012 «Голас Сенненшчыны» правёў уласную “рэгістрацыю” кандыдата

Сенненская раёнка, не дачакаўшыся рэгістрацыі кандыдатаў, распачала раскрутку Аляксандра Папкова. Днямі газета выйшла з перадавіцай “Дэпутат Палаты прадстаўнікоў Нацыянальнага сходу РБ 4-га склікання Аляксандр Папкоў дапаможа пабудаваць у Багушэўску перасоўную АЗС”.

20.08.2012 Баранавічы: заўтра суд над праваабаронцам Сяргеем Гоўшам

Назіральнік Сяргей Гоўша атрымаў позву у суд Баранавіцкага раёна і г.Баранавічы па адміністрацыйнай справе, заведзенай адносна яго 2 жніўня капітанам міліцыі Мікалаем Кудраўцавым па арт.17/1 (дробнае хуліганства) КаАП.

20.08.2012 Таварыства «Веды» правядзе ў Гомелі працу па «інфармацыйна-ідэалагічнаму» забеспячэнню выбараў

Кіраўніцтва абласнога аддзялення Таварыства «Веды» разаслала кіраўнікам прадпрыемстваў і старшыням участковых камісій прапанову правесці «карпаратыўныя адукацыйныя семінары» на тэму працы назіральнікаў і членаў участковых камісій. Кошт семінара – 1,2 мільёна рублёў.

20.08.2012 Слонім: з вылучэння прадстаўніка ад ЛДПБ акруговая камісія зрабіла таямніцу

Старшыня акруговай камісіі Слонімскай выбарчай акругі № 58 Алена Мачаліна заяўляла, што прэтэндэнтаў - чатыры, але хто канкрэтна, даведацца ад старшыні камісіі не ўдавалася, яна проста не адказвала на гэтае пытанне.

20.08.2012 У Жодзіне і Лагойску назіральнікаў не дапусцілі да працэсу праверкі подпісаў (дакумент)

Акруговыя камісіі Жодзіна і Лагойску не дапусцілі назіральнікаў кампаніі «Праваабаронцы за свабодныя выбары» да працэсу праверкі подпісаў і дакументаў вылучэнцаў у кандыдаты. Назіральніца па Лагойскай акрузе №75 не атрымала аніякага адказу, назіральніку па Жодзінскай выбарчай акрузе №64 з камісіі прыйшла пісьмовая адмова.

20.08.2012 Раёнкі маўчаць наконт мясцовых прэтэндэнтаў у кандыдаты

Выбаршчыкаў Вілейскай выбарчай акругі інфармацыяй павінны забяспечваць мядзельская газета “Нарачанская зара” і вілейская “Шлях перамогі”. Да гэтага часу выданні не паведамляюць чытачам пра асобаў, якія збіраюцца прадстаўляць раён у парламенце.

20.08.2012 Брэст: гарвыканкам прапануе агітаваць на стрэльбішчы

Брэсцкія прадстаўнікі апазіцыйных партый выказваюць незадаволеннасць рашэннем мясцовага гарвыканкаму, якім вызначаны месцы, дзе можна ладзіць масавыя мерапрыемствы падчас агітацыйнага этапу цяперашняй выбарчай кампаніі.

20.08.2012 У Гомелі затрыманы распаўсюднік газеты "Новы Час"

Прыкладна ў 9 раніцы ў Гомелі на прывакзальнай плошчы затрыманы грамадскі распаўсюднік газеты "Новы Час" Аляксандр Процка. Яго даставілі ў аддзяленне міліцыі па Чыгуначным раёне і абвінавачваюць у парушэнні Правілаў гандлю.