Праваабарончы цэнтр «ВЯСНА»

Навіны за 28 лістапада 2012

28.11.2012 Шматпавярховікі замест бярэзьніка. Пратэст у Магілёве

Жыхары магілёўскага мікрараёну «Юбілейны» выступаюць супраць высечкі бярэзьніка і ўзьвядзеньня на яго месцы шматпавярховых дамоў. 28 лістапада каля сотні чалавек сабраліся на стыхійны сход і заяўлялі, што будуць бараніць гаёк да апошняй магчымасьці і гатовыя блякаваць працу будаўнічай арганізацыі.

28.11.2012 Платформа Грамадзянскай Салідарнасці асуджае канфіскацыю офіса "Вясны"

Платформа Грамадзянскай Салідарнасці асуджае канфіскацыю офіса адной з арганізацый-удзельніц, Праваабарончага Цэнтра “Вясна”, праведзеную 26 лістапада. Раніцай таго дня судовыя выканаўцы ў суправаджэнні міліцыі ўвайшлі ў офіс, загадалі прысутным супрацоўнікам пакінуць памяшканне і канфіскавалі ўсё абсталяванне, уключаючы паліцы, сталы, кухонную пліту, аконныя жалюзі і шторы. Пасля гэтага офіс быў апячатаны міліцыяй.

28.11.2012 Таццяну Рэвяку правяраюць адносна атрымання сродкаў ад Алеся Бяляцкага

Праверка даходаў і маёмасці Таццяны Рэвяка не выявіла ў прадстаўленых ёю дакументах парушэнняў, звязаных з утойваннем прыбыткаў. Аднак падчас праверкі высветлілася, што ў падатковы орган перададзены дадзеныя з крымінальнай справы кіраўніка Праваабарончага цэнтру “Вясна” Алеся Бяляцкага.

28.11.2012 Як высялялі “Вясну” (відэа)

26 лістапада судовыя выканаўцы сканфіскавалі маёмасць і апячаталі памяшканне Праваабарончага цэнтру “Вясна”, дзе цягам апошніх 12 год аказвалася дапамога рэпрэсаваным грамадзянам, ладзіліся прэсавыя канфэрэнцыі аб парушэннях правоў чалавека ды іншыя праваабарончыя мерапрыемствы.

28.11.2012 Брэст: “жывы шчыт” каля шматпавярхоўкі на Набярэжнай

Раніцай 28 лістапада жыхары дома №32 па вуліцы Набярэжнай, у межкалоннай прасторы якога запланавана з’яўленне прыватнай аптэкі, спрабавалі ўласнымі сіламі перашкодзіць працы будаўнікоў.

28.11.2012 У Магілёве не хапае міліцыянтаў

Да прыкладу, у Дэпартаменце аховы Кастрычніцкага раёна горада не хапае амаль 30 чалавек радавога і сяржанцкага складу. Не хапае ў горадзе таксама і ўчастковых. З-за нізкіх заробкаў супрацоўнікі міліцыі звальняюцца і едуць на працу ў Расію.

28.11.2012 Ці панясе адказнасць магілёўскі ідэолаг за дазвол антыканстытуцыйнага “Славянскага маршу”?

Намеснік старшыні БСДП (Грамады) Ігар Барысаў напісаў скаргі ў пракуратуру, КДБ, гарвыканкам і Адміністрацыю прэзідэнта з патрабаваннем прыцягнуць да адказнасці намесніка старшыні гарвыканкаму Мікалая Міхаленю за яго неабачлівасць.

28.11.2012 Мінскім студэнтам льготны праезд вяртаць не збіраюцца

Мінгарвыканкам не плануе вяртацца да тэмы льготнага праезду ў грамадскім транспарце для студэнтаў. Аб гэтым заявіў старшыня Мінгарвыканкама Мікалай Ладуцька 28 лістапада падчас прамой лініі ў сталічнай адміністрацыі.

28.11.2012 У Слуцку змагаюцца з небяспечнымі пешаходнымі пераходамі

Зварот на імя начальніка аддзялення ДАІ Слуцкага РАУС Віталя Прылішча і старшыні пастаяннай камісіі па эканоміцы і бюджэту раённага Савета дэпутатаў Аляксандра Жылко падпісалі 90 случчакоў. Гараджане ўнеслі канкрэтныя прапановы і просяць правесці маніторынг асвятлення нерэгулюемых пешаходных пераходаў.

28.11.2012 Высяляюць царкву «Новае жыццё»

27 лістапада вернікі атрымалі адпаведную судовую позву. Паводле рашэння Вышэйшага гаспадарчага суда, яны павінны вызваліць будынак да 5 снежня.

28.11.2012 Слуцкі райвыканкам адмовіў Партыі БНФ праводзіць мітынг, прысвечаны ўшанаванню памяці ўдзельнікаў Слуцкага паўстання

Акцыя была запланаваная 1 снежня на гарадскім стадыёне. Прычына адмовы – правядзенне мясцовымі ўладамі мерапрыемстваў з нагоды Сусветнага дня барацьбы са СНІДам.

28.11.2012 Беларускі дэсантнік Эдуард Лобаў (відэа)

У інтэрнэце зьявіўся новы міні-фільм, прысвечаны палітвязьню Эдуарду Лобаву. Сябра моладзевай арганізацыі "Малады фронт" Эдуард Лобаў быў затрыманы разам з лідарам гэтай арганізацыі Змітром Дашкевічам амаль два гады таму, напярэдадні прэзідэнцкіх выбараў 2010 года.

28.11.2012 Алесь Бяляцкі віншуе Паўла Сапелку з прэстыжнай узнагародай

Зьняволены старшыня Праваабарончага цэнтру “Вясна” Алесь Бяляцкі 27 лістапада павіншаваў юрыста-праваабаронцу Паўла Сапелку з уганараваньнем яго прэстыжнай еўрапейскай прэміяй “За абарону правоў чалавека”.

28.11.2012 Брэст: грамадзянам Туркменістана не дазволілі наведаць начны клуб

Пра факт дыскрымінацыі паводле нацыянальнай прыналежнасці ў мясцовыя сродкі масавай інфармацыі паведамілі студэнты і выкладчыкі юрыдычнага факультэта Брэсцкага дзяржаўнага універсітэта імя Пушкіна.

28.11.2012 Вяскоўцы выступаюць супраць складзіравання хімікатаў у Мізгірах

Жыхары аддаленых вёсак Слонімскага раёна Сасноўка, Мізгіры, Балты, Грынкоўшчына, Яруцічы выступаюць супраць складзіравання 4 тысяч бочак хімікатаў на складзе ў вёсцы Мізгіры. Вяскоўцы звяртаюцца ў розныя інстанцыі і просяць дапамогі. Людзей хвалюе, што хімікаты наносяць шкоду іх здароўю, а таксама экалогіі.