Праваабарончы цэнтр «ВЯСНА»

Навіны за Студзень 2013

17.01.2013 Мазырскі аддзел статыстыкі патрабуе ад Уладзіміра Целяпуна даведку аб дзейнасці аддзялення зліквідаванага ПЦ «Вясна»

Штогод аддзел статыстыкі па Мазырскаму раёну Гомельскага абласнога аддзела статыстыкі патрабуе ад праваабаронцы Уладзіміра Целяпуна даведку аб дзейнасці Мазырскага аддзялення грамадскага аб’яднання «Праваабарончы цэнтр «Вясна». Не стаў выключэннем і 2013 год.

17.01.2013 Андрэя Дзмітрыева выклікаюць у КДБ, каб вярнуць канфіскаваныя грошы

Камітэт дзяржаўнай бяспекі вяртае актывісту грамадзянскай кампаніі "Гавары праўду" грошы канфіскаваныя два гады таму.

17.01.2013 Суд па скарзе Таццяны Новікавай на забарону ўезду ў Літву адкладзены да 25 лютага

Суд па скарзе каардынатара Беларускай антыядзернай кампаніі Таццяны Новікавай на трохмесячную забарону ўезду ў Літву адкладзены да 25 лютага.

17.01.2013 У Баранавічах арганізацыю “Кабзар” не зарэгістравалі, затое прынялі ў склад Севастопальскага аб’яднання “Просвіта”

Баранавіцкі прадпрымальнік і грамадскі актывіст Мікалай Чарнавус 16 студзеня 2013 года атрымаў ліст ад Севастопальскай Рады аб’яднання “Просвіта” імя Тараса Шаўчэнкі. У ім паведамляецца, што 12 снежня 2012 года Севастопальская Рада “Просвіта” зацвердзіла статут Баранавіцкага таварыства “Кабзар” у складзе аб’яднання.

17.01.2013 Зацемкі з няволі. Метамарфоза “нефармала”

Пад агульнай назвай “Зацемкі з няволі” сабраныя рознага кшталту ўспаміны, развагі, лірычныя адступленні з лістоў Алеся Бяляцкага, дасланых з бабруйскай калоніі. "Раней, за саветамі, такіх, як я, ды іншых прадстаўнікоў беларускіх няўрадавых арганізацыяў называлі “нефармаламі”. Але вось такая дзіўная ў Беларусі склалася сітуацыя..."

17.01.2013 Група ветэранаў нагадала сілавікам пра гонар афіцэра

З адкрытым лістом да супрацоўнікаў сілавых структур Беларусі выступіла група людзей старэйшага ўзросту, пераважна ветэранаў працы і пенсіянераў, абураных нападам на Юлію Сцяпанаву.

17.01.2013 Бялыніцкія чыноўнікі ад ідэалогіі перашкаджаюць людзям працаваць

Паказальна, што, згодна зацверджанаму графіку, абсалютную большасць сустрэч у працоўных калектывах Бялыніцкага раёна чыноўнікі ад ідэалогіі будуць праводзіць у працоўны час, адрываючы людзей ад непасрэднага выканання сваіх працоўных абавязкаў.

17.01.2013 У Магілёве насуперак пратэсту гараджан будаўнікі пачалі вырубку бярозавага гаю

16 студзеня будаўнікі спілавалі першыя дрэвы, якія замінаюць будаўніцтву элітнага 10-павярховага дома ў мікрараёне “Юбілейны”. Першы дом, як і тры наступныя, мусяць паўстаць на месцы бярозавага гайка, які, па падліках мясцовых жыхароў, налічвае не меней за 560 дрэваў.

17.01.2013 Атрымаць дазвол на пікет не ўдаецца, нават выканаўшы ўсе патрабаванні

Актывісты з Наваполацку ўжо тройчы падавалі заяўкі на пікеты салідарнасці з палітзняволенымі і супраць збяднення беларускага насельніцта ва ўмовах сучаснай эканамічнай палітыкі. Актывісты вырашылі выканаць усе патрабаванні гарадскіх уладаў, але дамоваў з міліцыянтамі і медыкамі ім заключыць так і не ўдалося.

17.01.2013 У Ленінскім судзе Магілёва даюць адказы, якія не маюць юрыдычнай сілы

У адказе, які атрымаў на свой зварот актывіст незалежнага прафсаюза РЭП Аляксей Паўлоўскі не стаіць рэгістрацыйны індэкс і адсутнічае дата. Праваабаронца Барыс Бухель кажа, што ў адказах дзяржаўных органах падобныя памылкі не адзінкавыя.

17.01.2013 Алесь Бяляцкі пажадаў слонімцам жыццёвай актыўнасці

Кіраўнік Слонімскай суполкі БХД Іван Бедка атрымаў паштоўку ад Алеся Бяляцкага. Паштоўка была адпраўлена 27 снежня, а прыйшла з Бабруйска ў Слонім толькі 15 студзеня.

17.01.2013 Суддзю Вольгу Комар, што запомнілася палітычнымі працэсамі, адхілілі ад пасады

Такі ўказ падпісаў Аляксандр Лукашэнка 14 студзеня.

17.01.2013 Свабода прэзэнтуе кнігу «Справа Бяляцкага» (+відэа)

«Справа Бяляцкага» — так называецца кніга, якая нядаўна выйшла ў сэрыі Бібліятэка Свабоды. Гэта раман-рэпартаж нашага калегі Валера Каліноўскага пра чалавека, якога адныя параўноўваюць з Вацлавам Гаўлам, другія мяркуюць, што ён павінен сядзець у турме, а трэція ня бачаць між гэтымі думкамі супярэчнасьці.

16.01.2013 Зацемкі з няволі. Пра адзін жыцьцёвы шлях да беларушчыны

Пад агульнай назвай “Зацемкі з няволі” сабраныя рознага кшталту ўспаміны, развагі, лірычныя адступленьні з лістоў Алеся Бяляцкага, дасланых з бабруйскай калоніі. "Мой даўні сябра Г. апісаў працэс ягонага ўсьведамленьня, прыходу да беларушчыны, у якім, як аказалася, я адыграў ролю, як ён піша, “галоўнага абуджальніка”. Але ж ён ніколі за гэтыя 30 гадоў не казаў мне пра гэта!"

16.01.2013 Арганізатара “Славянскага марша” Дзмітрыя Дзенісенку пакаралі штрафам

Такое рашэнне было прынята сёння, 16 студзеня, суддзёй Тацянай Рубіс. Яна прызнала Дзмітрыя Дзенісенку вінаватым у парушэнні Закону “Аб масавых мерапрыемствах”. Нагодай для пакарання стала тое, штоўдзельнікі мерапрыемства хавалі свае твары за маскамі, што забаронена законам.