Праваабарончы цэнтр «ВЯСНА»

Навіны за 31 ліпеня 2013

31.07.2013 Гарадзенскіх праваабаронцаў чыноўнікі не лічаць патрэбным інфармаваць пра лёс заяўкі на пікет у падтрымку Алеся Бяляцкага

Паводле закону, які рэгулюе правядзенне масавых мерапрыемстваў, органы мясцовай улады абавязаны даць адказ заяўнікам не пазней чым за 5 дзён да плануемага пікету ці мітынгу. У іншых мясцовасцях праваабаронцы адказы, хоць і адмоўныя, атрымалі. У Гародні ж чыноўнікі не лічаць патрэбным нават інфармаваць заяўнікаў і выконваць нормы заканадаўства.

31.07.2013 Толькі 36% апытаных жыхароў Брагінскага раёна цалкам давяраюць міліцыі

Штаб МУС у чэрвені 2013 году правёў ананімнае анкетаванне жыхароў Брагінскага раёна з мэтай вывучэння грамадскага меркавання адносна працы міліцыі. У анкетаванні прынялі ўдзел 150 чалавек. Вынікі апытання надрукавала раённая газета «Маяк Палесся».

31.07.2013 Калінкавічы: актывіст АГП Дзяніс Рабянок патрабуе даць прававую адзнаку дзеянням міліцыі

31 ліпеня актывіст АГП з Калінкавічаў Дзяніс Рабянок накіраваў заяву начальніку Гомельскага абласнога ўпраўлення Следчага камітэта з прапановай даць прававую адзнаку дзеянням міліцыянераў і прыцягнуць іх да крымінальнай адказнасці. Скарга была напісана на супрацоўнікаў Калінкавіцкага РАУС, якія складалі адміністрацыйны пратакол на актывіста.

31.07.2013 Пікеты ў падтрымку Алеся Бяляцкага ў Віцебску забароненыя

Заяўкі былі пададзеныя на 4 пікеты, якія віцебскія праваабаронцы меркавалі зладзіць 4 жніўня. У гэты дзень споўніцца два гады, як кіраўнік Праваабарончага цэнтру «Вясна» Алесь Бяляцкі знаходзіцца за кратамі. Заяўнікам Паўлу Левінаву і Леаніду Свеціку мясцовыя ўлады не далі дазволу на пікеты салідарнасці з Бяляцкім.

31.07.2013 Камісаваны актывіст партыі «Іншая Расія» Ігар Шчука

Пасля двух месяцаў абследаванняў у салдата выявілі гепатыт В і С. Ён кажа, што пры залічэнні ў войска медкамісіі толкам і не было.

31.07.2013 Захаваем дакументы найноўшай гісторыі Беларусі

Пра гэта гаворыцца ў звароце да дэмакратычнай грамадскасці краіны шэрагу грамадскіх арганізацый, у тым ліку “Дыярыушу”, “Гісторыкі” (my-historica.org) і вэб-архіву “Вытокі” (vytoki.net).

31.07.2013 ДПЧ у Вільні будзе насіць імя праваабаронцы Барыса Звозскава

Сёння Літоўскі цэнтр рэгістраў паведаміў, што афіцыйна зацверджаная новая назва ўстановы, а менавіта - Беларускі дом правоў чалавека імя Барыса Звозскава.

31.07.2013 Мікалай Аўтуховіч з-за кратаў падтрымлівае сваіх землякоў

Палітвязень Мікалай Аўтуховіч, які цяпер у гарадзенскай турме, лістуецца з землякамі – жыхарамі Ваўкавыска. Землякоў, якія выказваюць словы падтрымкі ў лістах, – адзінкі. Але за кратамі ў Мікалая Аўтуховіча хапае сілаў, каб падтрымаць сваіх новых знаёмых, якія яму пішуць.

31.07.2013 Вярхоўны суд разглядае скаргу аб’яднання «За справядлівыя выбары»

31 ліпеня ў Вярхоўным судзе Беларусі пачнецца разгляд скаргі на Міністэрства юстыцыі, якое адмовіла ў дзяржаўнай рэгістрацыі праваабарончаму грамадскаму аб’яднанню «За справядлівыя выбары». Пачатак у 10 гадзін.

31.07.2013 Празь месяц Зьміцер Дашкевіч і Аляксандар Францкевіч павінны быць на волі

Да вызваленьня Зьмітра Дашкевіча з Гарадзенскай «крытай» турмы засталося менш за месяц. На пачатку верасьня вызваляецца і Аляксандар Францкевіч. Арцём Пракапенка на дзень народзінаў атрымаў падарунак — кароткатэрміновае спатканьне з бацькамі і малодшай сястрой.