Праваабарончы цэнтр «ВЯСНА»

Навіны за 9 ліпеня 2013

09.07.2013 Генадзь Давыдзька: Аўтары “Таямніцаў следства” дапусцілі неабачлівасць, але не мэтанакіравана

Кіраўнік Белтэлерадыёкампаніі Генадзь Давыдзька даслаў адказ на зварот намесніка старшыні ПЦ “Вясна” Валянціна Стэфановіча аб недапушчальнасці праяваў знявагі з боку журналістаў тэлеканала “Беларусь 1” да асобаў цыганскай нацыянальнасці.

09.07.2013 Пракурор Слонімскага лічыць забарону пікета законнай

“На працягу дзесяці гадоў Слонімскі райвыканкам не дазволіў ніводнага масавага мерапарыемства дэмакратычных сіл у Слоніме. Гэтым самым чыноўнікі пастаянна парушаюць маё канстытуцыйнае права на правяденне масавых мерапрыемстваў”, — напісаў у заяве спадар Бедка.

09.07.2013 Сivil Rights Defenders: Дашліце паведамленне Алесю Бяляцкаму!

Міжнародная праваабарончая арганізацыя Сivil Rights Defenders праводзіць акцыю “Дашліце паведамленне Алесю Бяляцкаму да 12 ліпеня”

09.07.2013 Зміцер Дашкевіч: “Як ні было цяжка і беспрасветна, але наш час набліжаецца, а іхні сыходзіць”

Палітвязень Зміцер Дашкевіч спадзяецца на вызваленне ў наступным месяцы, пасля сканчэння дадатковага тэрміну за “злоснае непадпарадкаванне патрабаванням адміністрацыі калоніі”. Пра гэта Зміцер напісаў у лісце да бялыніцкага журналіста Барыса Вырвіча.

09.07.2013 Гомель: Толькі праз год незаконна асуджаны ўрач-псіхіятр змог дамагчыся кампенсацыі матэрыяльнай шкоды

Практычна год дамагаўся праз суды кампенсацыі матэрыяльнай шкоды гомельскі ўрач-псіхіятр, які быў незаконна асуджаны і адбываў пакаранне ў месцах пазбаўлення волі за злачынства, якое не здзяйсняў.

09.07.2013 Гомельскія актывісты просяць кіраўніцтва РПЦ дапамагчы ў захаванні памяці ахвяраў сталінскіх рэпрэсій

Некалькі гадоў таму актывісты ўсталявалі ахвярны крыж каля шашы «Гомель-Чарнігаў» на месцы масавых расстрэлаў людзей, каб ушанаваць памяць ахвяр сталінскіх рэпрэсій. У 2013 годзе расійская кампанія «Русские сладости» пачала будаваць непадалёк ад крыжа лагістычны цэнтр.

09.07.2013 Папярэджанне актывісту кампаніі “Гавары праўду” пакінута ў сіле

Актывіст кампаніі “Гавары праўду” Аляксандр Кузьмін з Белаазёрска атрымаў адказ на сваю скаргу з пракуратуры Брэсцкай вобласці за подпісам намесніка пракурора, старэйшага дарадцы юстыцыі Аляксандра Точка.

09.07.2013 Адвакат Андрэя Гайдукова абскардзіў прысуд

Абарона Андрэя Гайдукова абскардзіла ў вышэйшай судовай інстанцыі прысуд, які на мінулым тыдні вынес грамадзкаму актывісту Віцебскі абласны суд.

09.07.2013 Будуць судзіць незалежную журналістку Алену Сцяпанаву

Віцебскую сябру ГА “БАЖ” Алену Сцяпанаву вінавацяць у парушэнні заканадаўства аб СМІ. У міліцыі лічаць, што Алена супрацоўнічае з замежным СМІ без акрэдытацыі.

09.07.2013 Медвыцвярэзнікі перайменуюць у СІЗА, каб не было негатыву

У Беларусі рэарганізуюць цэнтры ізаляцыі правапарушальнікаў і медвыцвярэзнікі. Адпаведны ўказ № 307 «Аб пытаннях удасканалення дзейнасці органаў унутраных спраў Рэспублікі Беларусь» Аляксандр Лукашэнка падпісаў 8 ліпеня.

09.07.2013 Парушэнні правоў прызыўнікоў – у цэнтры увагі кампаніі “За альтэрнатыўную грамадзянскую службу ў Беларусі”

Цэнтр правоў прызыўніка кампаніі «За Альтэрнатыўную грамадзянскую службу ў Беларусі” падрыхтаваў “Маніторынг прызыву на тэрміновую службу ў лютым - траўні 2013” (у адпаведнасці з Указам Прэзідэнта Рэспублікі Беларусь ад 1 лютага 2013 г. № 53).

09.07.2013 Праваабарончая праграма “Людзьмі звацца!” на Беларускім Радыё Рацыя

"Падзея тыдня” - новыя крокі ў межах кампаніі “Праваабаронцы супраць смяротнага пакарання ў Беларусі”, скіраваныя на замену меры пакарання для Рыгора Юзэпчука. Госць рубрыкі "Асоба. Дзяржава. Грамадства" - беларускі дысідэнт і праваабаронца Міхась Кукабака.

09.07.2013 Журналіста Сержука Серабро хацелі пабіць цаглінай

5 ліпеня фотакарэспандэнт інтэрнэт-газеты "Народныя навіны Віцебска"Сяржук Серабро рыхтаваў фотарэпартаж пра наступствы моцнага ліўня, які прайшоў напярэдадні ў Віцебску. У прыватнасці, яго зацікавіла яма, якая ўтварылася ў самым цэнтры горада, насупраць гандлёвага цэнтра "Марка-сіці".