Праваабарончы цэнтр «ВЯСНА»

Навіны за 5 лістапада 2013

05.11.2013 На Магілёўшчыне ПКБ і ідэолагі разам пачалі падрыхтоўку да мясцовых выбараў

Днямі ў Асіповічах прайшоў пашыраны пленум Магілёўскага абкама Камуністычнай партыі Беларусі і ідэалагічнага актыву вобласці. Як паведамляе інтэрнэт-сайт асіповіцкай раённай газеты “Асіповіцкі край”, ідэалагічны актыў вобласці і праўладныя камуністы “выразна вызначылі сабе задачы на кожны этап стартуючай у снежні выбарчай кампаніі”.

05.11.2013 Слабых не чапаюць

Працяг лістоў зняволенага праваабаронцы Алеся Бяляцкага, напісаных ім у бабруйскай калоніі. З блогу на “Беларуском партизане”.Першыя лісты-успаміны з гэтай серыі былі напісаныя ў верасні 2012 года, апошнія – у чэрвені 2013:

05.11.2013 У Быхаве нядбайны міліцыянт атрымаў афіцыйную вымову

Участковым Стэльмаховым быў парушаны двухмесячны тэрмін перадачы матэрыялаў адміністрацыйнай справы ў суд і цяпер да адказнасці немагчыма прыцягнуць вінаватую асобу.

05.11.2013 «Журналісты – не экстрэмісты». ГА «БАЖ» звярнулася да друкарні “Карандаш” па тлумачэнні

ГА “Беларуская асацыяцыя журналістаў” накіравала ў прыватнае прадпрыемства “ДатаПрынт” афіцыйны запыт адносна адмовы паліграфічнай фірмы надрукаваць карту Усходніх могілак на замову Радыё “Свабода”.

05.11.2013 Былога кіраўніка Гомеля Піліпца судзяць у Магілёве

Вядзе працэс суддзя Сяргей Конеў, абвінаваўца — пракурор Кічыгін. Суд ідзе ў адкрытым рэжыме.

05.11.2013 На канферэнцыі Нацплатформы прагучалі планы пра Плошчу-2015

Адзін з удзельнікаў — 25-гадовы Яўген Бойка з Магілёва – агучыў на мерапрыемстве сваю ініцыятыву пад працоўнай назвай «Стратэгія-2015». Ключавое месца ў ёй займае падрыхтоўка людзей да вулічнай барацьбы, ці Плошчы, на будучых прэзідэнцкіх выбарах.

05.11.2013 Змаганне з беспакаранасцю светлагорскіх міліцыянераў працягваецца

Скаргі праваабаронцаў “Вясны” прымусілі пракурора Светлагорскага раёна Уладзіміра Тарасенку адмяніць пастанову пра адмову ва ўзбуджэнні крымінальнай справы ў сувязі са смерцю ў ІЧУ Светлагорскага РАУС Аляксандра Акуліча.

05.11.2013 Кіраўнікі дыпламатычных місій краін ЕС наведалі Курапаты і Трасцянец

Дыпламаты традыцыйна наведваюць гэтыя месцы з нагоды Дзядоў, Дня памінання продкаў, каб аддаць даніну павагі памяці ахвяраў.

05.11.2013 Тыдзень асветніцкіх дзеянняў «Крыштальная ноч - Ніколі зноў»

Адкрыццё тыдня асветніцкіх дзеянняў «Крыштальная ноч - Ніколі зноў» ў Беларусі адбудзецца 8 лістапада. Каманда “Правы чалавека “на пальцах” падрыхтавала шэраг мерапрыемстваў і запрасіла вядомых гісторыкаў, праваабаронцаў, арт-актывістаў і людзей культуры, каб пагаварыць пра тое, чаму трэба навучыцца ў гісторыі і ці ёсць у нашым сёння тое, што павінна насцярожыць.

05.11.2013 Гародня: судовая “сцяна” пакуль непрабівальная

У Гарадзенскім абласным судзе прайшоў разгляд касацыйнай скаргі грамадскіх праваабаронцаў Віктара Сазонава, Уладзіміра Хільмановіча і Рамана Юргеля на рашэнне суда Ленінскага раёну Гародні па адмове гарвыканкамам правесці пікет у падтрымку Алеся Бяляцкага 4 жніўня.

05.11.2013 Павел Сапелка: У зняволеных забіраюць апошнія драбкі

Пасля збірання 90% заробку ў асуджаных не застанецца грошай нават на базавыя патрэбы. Такое меркаванне выказаў былы адвакат, праваабаронца Павел Сапелка, каментуючы сайту charter97.org пастанову Мінюста аб спагнанні 90% заробку ў зняволеных.

05.11.2013 Статкевіча катуюць бяссонніцай (відэа)

Тыповае катаванне сталінскага НКВД – пазбаўленне сну – зазнае гэтымі днямі былы кандыдат у прэзідэнты, а цяпер палітвязень Мікалай Статкевіч. Пра новыя спробы ціску з боку адміністрацыі магілёўскай турмы № 4 паведаміла жонка палітвязня Марына Адамовіч.

05.11.2013 Праваабарончая праграма “Людзьмі звацца!” на Беларускім Радыё Рацыя

"Падзея тыдня": абмеркаванне ў ААН дакладу Міклаша Харашці з удзелам беларускіх і міжнародных праваабаронцаў. "Асоба. Дзяржава. Грамадства": госць рубрыкі - Павел Сапелка, эксперт у маніторынгу месцаў прымусовага ўтрымання грамадзянаў у Беларусі.

05.11.2013 Віцебская міліцыя адмаўляецца падпарадкоўвацца рашэнню гарвыканкама

Гэта вынікае з адказа, дасланага актывістам Аляксею Гаўруцікаву і Хрыстафору Жаляпаву, якія паспрабавалі заключыць дамову з міліцыяй на ахову ўдзельнікаў масавай акцыі. Папярэднага заключэння дамоваў патрабуе Віцебскі гарвыканкам.