Праваабарончы цэнтр «ВЯСНА»

Навіны за 14 красавіка 2014

14.04.2014 Віцебскі аблвыканкам прынцыпова не ўжывае беларускую мову на ўласным сайце

Актывіст Партыі БНФ Канстанцін Смолікаў напісаў электронны зварот: прапанаваў, каб на інтэрнэт-сайце аблвыканкаму была беларускамоўная версія. Адказ ад ідэалагічнага аддзелу быў кароткі: сайт быў і будзе толькі на рускай мове. Бо гэта не супярэчыць заканадаўству.

14.04.2014 Лідзія Ярмошына “адфутболіла” скаргу апазіцыйнага кандыдата ў дэпутаты

У адказе за подпісам старшыні Цэнтрвыбаркама Лідзіі Ярмошынай паведамляецца, што “ў сувязі з Вашым зваротам у Цэнтральную камісію з просьбай прызначыць паўторны пералік галасоў на ўчастках №№1, 2, 3 г.п. Хоцімск тлумачым, што разгляд заяў дадзенай катэгорыі да кампетэнцыі Цэнтральнай камісіі не адносіцца”.

14.04.2014 Эксперт пра прынцыпы расследавання катаванняў

Юрыст Павел Сапелка абагульніў палажэнні міжнародных дакументаў пра эфектыўнае расследаванне катаванняў і іншых жорсткіх, бесчалавечных відаў абыходжання і пакарання, а таксама нормы юрыдычнай і медыцынскай этыкі адносна гэтай праблемы.

14.04.2014 Шэраг лістоў палітвязня Міколы Статкевіча канфіскавала магілёўская турма

Пасля даволі працяглай паўзы ў ліставанні, Марына Адамовіч атрымала ад свайго мужа-палітвязня Міколы Статкевіча адразу некалькі лістоў. У іх вязень як звычайна бадзёра выказваецца пра сваё здароўе, а таксама закранае шэраг актуальных праблем. Кіраўніцтва магілёўскай турмы адмаўляецца тлумачыць, чаму некаторыя лісты Статкевіча былі канфіскаваныя, - кажаМарына Адамовіч:

14.04.2014 Яўгена Васьковіча цкуюць праз асуджаных

Як стала вядома аргкамітэту па стварэнні партыі "Беларуская Хрысціянская Дэмакратыя" з крыніцаў у магілёўскай турме № 4, на Яўгена Васьковіча адміністрацыя пачала аказваць усебаковы ціск праз асуджаных.

14.04.2014 Ціск на актывістаў у Мікашэвічах

Былы кандыдат у дэпутаты ад кампаніі "Гавары Праўду" і сябра Беларускай сацыял-дэмакратычнай партыі (Грамада) Наталля Стражэвіч з Мікашэвіч у хуткім часе можа застацца без працы.

14.04.2014 Свабода асацыяцый у Беларусі за І квартал 2014 году

Асамблея НДА і Цэнтар прававой трансфармацыі падрыхтавалі маніторынг “Свабода асацыяцыяў і прававы стан некамэрцыйных арганізацыяў у Беларусі” за першы квартал 2014 году (пэрыяд агляду: 1 студзеня – 31 сакавіка).