Праваабарончы цэнтр «ВЯСНА»

Навіны за 2 красавіка 2014

02.04.2014 Гродна: 4 красавіка пройдзе суд над Алесем Дзянісавым

4 красавіка а 11.40 у Ленінскім раённым судзе Гродна адбудзецца разгляд адміністрацыйнай справы мясцовага журналіста-фрылансера Алеся Дзянісава. Гарадзенская міліцыя абвінавачвае яго ў парушэнні часткі 2 артыкулу 22.9 КаАП – незаконны выраб і распаўсюд інфармацыі.

02.04.2014 У Брэсце кандыдат у дэпутаты дамагаецца прызнання несапраўднымі выбараў у гарсавет па выбарчай акрузе №3

Валянціна Мальцава, якая балатавалася па гэтай акрузе, накіравала адпаведную скаргу ў Брэсцкую абласную тэрытарыяльную выбарчую камісію. Раней яна ўжо звярталася з аналагічнай заявай у гарадскі выбаркам, але там адмовіліся задаволіць яе заяву.

02.04.2014 Civil Rights Defenders абвясціла Алеся Бяляцкага Абаронцам Грамадзянскіх Правоў Года (відэа)

Кіраўнік ПЦ "Вясна" і віцэ-прэзідэнт Міжнароднай федэрацыі за правы чалавека Алесь Бяляцкі стаў лаўрэатам узнагароды "Абаронца Грамадзянскіх Правоў года". Пра гэта 2 красавіка паведаміла шведская праваабарончая арганізацыя Civil Rights Defenders.

02.04.2014 Прадстаўнікі “Вясны” бяруць удзел у мерапрыемствах для праваабаронцаў у Швецыі

У Стакгольме праходзяць Дні Беларусі, арганізаваныя праваабарончай арганізацыяй Östgruppen, а таксама другая штогадовая канферэнцыя Дні праваабаронцаў - 2014, арганізаваная Civil Rights Defenders.

02.04.2014 Гарадзенскіх праваабаронцаў зноў выклікаюць у міліцыю

Гарадзенскіх грамадскіх праваабаронцаў Віктара Сазонава, Уладзіміра Хільмановіча і Рамана Юргеля выклікаюць 3 красавіка ў Ленінскі РАУС Гародні.

02.04.2014 Чарговы студэнт адлічаны за грамадскую актыўнасць

З інстытута журналістыкі Беларускага дзяржаўнага ўніверсітэта адлічаны яшчэ адзін актыўны студэнт, сябра Руху "За Свабоду" - Мікіта Семяненка.

02.04.2014 Алену Каваленку будуць судзіць за несанкцыянаваны пікет

Учора на актывістку КХП-БНФ быў складзены пратакол за адміністратыўнае правапарушэнне (арт.23.34 КаАП РБ). Разгляд справы ў судзе - 15 красавіка.

02.04.2014 Шаран Барроу патрабуе спыніць рэпрэсіі ў дачыненні да сябраў свабоднага прафсаюза Бабруйскага завода ТдіА

Шаран Барроу патрабуе ад ад дырэктара прадпрыемства Аляксандра Аграновіча неадкладна спыніць рэпрэсіі супраць працоўных-сябраў свабоднага прафсаюза.

02.04.2014 ПЦ "Вясна" прыносіць прабачэнні за недакладнасць суддзі Гродзенскага абласнога суда Вячаславу Міхневічу

Недакладнасць мела месца пры згадванні імя дадзенага суддзі ў інфармацыі праваабаронцаў пра разгляд у Гродзенскім абласным судзе касацыйнай скаргі на забарону кнігі Алеся Бяляцкага.