Праваабарончы цэнтр «ВЯСНА»

Навіны за Сакавік 2015

18.03.2015 У Гродна працягваецца ціск на незалежных журналістаў

Гродзенскія сябры БАЖ Алесь Дзянісаў і Алесь Кіркевіч былі выкліканы ў аддзяленне міліцыі па вуліцы Гараднічанскай, дзе ў журналістаў былі ўзяты тлумачэнні адносна матэрыялу, які быў паказаны на тэлеканале “Белсат”.

18.03.2015 Грамадскі кантроль у дзеянні: тэорыя і практыка назірання за мірнымі сходамі і судамі - 23 сакавіка!

Запрашаем вас на комплексны трэнінг па Грамадскім кантролі як форме грамадскага назірання за масавымі мерапрыемствамі і судамі.

18.03.2015 Чарговы пратакол супраць незалежнага журналіста

На берасьцейскага журналіста Алеся Леўчука склалі чарговы пратакол за прафэсійную дзейнасьць. Пра гэта ён паведаміў на сваёй старонцы ў сацыяльнай сетцы facebook.

17.03.2015 Праваабарончая тэматыка на незалежным салігорскім сайце раздражняе інтэрнэт-троляў

Незалежны інтэрнэт рэсуст САЛІГОРСК.org зведаў набег інтэрнэт-троляў пасля публікацыі інфармацыі пра развіццё справы аб забароне ў сталіцы шахцёраў пікета да Дня правоў чалавека.

17.03.2015 Баранавіцкі прадпрымальнік Мікалай Чарнавус замест сустрэчы з прэзідэнтам трапіў у міліцыю

Лідэр баранавіцкіх прадпрымальнікаў Мікалай Чарнавус 17 сакавіка хацеў паехаць у Мінск на анансаваную сустрэчу прадпрымальнікаў з прэзідэнтам Аляксандрам Лукашэнкам. Але замест сустрэчы з кіраўніком дзяржавы грамадскі актывіст трапіў на індывідуальную размову ў гарадскую міліцыю.

17.03.2015 Судовы працэс па ліквідацыі Магілёўскага праваабарончага цэнтра прыпынены па згодзе бакоў

У Магілёўскім абласным судзе працягваўся разгляд пазову галоўнага ўпраўлення юстыцыі аблвыканкама аб ліквідацыі ГА "Магілёўскі праваабарончы цэнтр" (МПЦ). Суд вынес вызначэнне аб прыпыненні разглядаемай справы па ўзаемнай дамове бакоў.

17.03.2015 Палітвязні атрымаюць віншаванні з Днём Волі з Бялыніцкага раёна

У паштоўках бялынічане віншуюць палітвязняў са святам і жадаюць ім мужнасці, стойкасці і цярпення ў нялёгкіх умовах зняволення, а таксама выказваюць спадзяванне на тое, што ўжо ў бліжэйшы час у іх жыцці адбудуцца змены да лепшага, і яны змогуць выйсці на волю.

17.03.2015 Следства па справе Міхаіла Жамчужнага працягнута да 19 красавіка

Заснавальнік праваабарончай арганізацыі «Платформ інавэйшн» Міхаіл Жамчужны знаходзіцца ў Віцебскім СІЗА. Не выключана, што судовы працэс ад Міхаілам жамчужным можа быць закрытым – з улікам спецыфікі абвінавачанняў.

17.03.2015 Затрымалі карэспандэнтку Радыё "Свабода"

Ля гандлёвага цэнтру «Экспабел» затрымалі карэспандэнтку Свабоды Галіну Абакунчык.

17.03.2015 Агляд-хроніка “Вясны”: год 2014 (PDF-версія)

Агляд-хроніка “Сітуацыя з правамі чалавека ў Беларусі ў 2014 годзе” ўключае аналіз важнейшых падзеяў, якія ўплывалі на выкананне правоў чалавека за дадзены перыяд, а таксама найбольш яўныя і характэрныя факты і тэндэнцыі парушэнняў правоў чалавека.

17.03.2015 Выпадкі вынятку друкаванай літаратуры на мяжы (2012-2015 г.г., табліца)

ГА “БАЖ” склала спіс забранай на мяжы літаратуры, грунтуючыся на фактах, што траплялі ў прэсу пачынаючы з 2012 года.

17.03.2015 Праваабарончая праграма “Вясна” на Беларускім Радыё Рацыя

“Падзея”: 12 сакавіка ў магілёўскага журналіста і намесніка старшыні Беларускай сацыял-дэмакратычнай партыі Ігара Барысава супрацоўнікі міліцыі правялі ператрус. Госць рубрыкі “Асоба”: гомельскі актывіст Кастусь Жукоўскі. Ён быў арыштаваны падчас таго, як спрабаваў падаць скаргу.

17.03.2015 Салігорск: Праваабаронцы дамагаюцца адмены выканкамаўскага рашэння

Салігорскія прадстаўнікі Беларускага Хельсіснкага Камітэту рыхтуюць зварот у мясцовы Савет дэпутатаў з патрабаваннем адмены “таямнічага” выканкамаўскага рашэння, згодна з якім забаранеюцца правядзенне мірных сходаў на ўсіх плошчах і вуліцах горада.

17.03.2015 Беларусь: Адзіная зарэгістраваная рэгіянальная праваабарончая арганізацыя пад пагрозай ліквідацыі

Сумесная заява Абсерваторыі па абароне праваабаронцаў, Праваабарончага цэнтра "Вясна" і Беларускага Хельсінкскага Камітэта з нагоды судовага працэсу па ліквідацыі Магілёўскага праваабарончага цэнтра, які пачнецца ў Магілёўскім абласным судзе 17 сакавіка.

16.03.2015 Брэст: на вуліцах горада з’явіліся налепкі “Свабоду Беларусі!” (фота)

Такім чынам мясцовыя актывісты адзначылі чарговы Дзень салідарнасці з беларускімі палітвязнямі, а таксама зніклымі палітыкамі і грамадскімі дзеячамі, пра якіх узгадваюць у 16-ты дзень кожнага месяца.