Праваабарончы цэнтр «ВЯСНА»

Навіны за 26 сакавіка 2017

26.03.2017 У Кіеве прайшла акцыя ў падтрымку рэпрэсаваных у Беларусі

Акцыя ў падтрымку рэпрэсаваных беларускіх актывістаў, якая прайшла 26 сакавіка ў Кіеве каля Амбасады Рэспублікі Беларусь, сабрала каля 100 удзельнікаў.

26.03.2017 Акцыі пратэсту ў рэгіёнах: затрымана больш за 80 чалавек

У сувязі з анансаванымі напярэдадні ў СМІ акцыямі пратэсту, якія плануецца правесці 26 сакавіка ў розных гарадах Беларусі, супрацоўнікі міліцыі працягваюць сёння затрымліваць патэнцыйных удзельнікаў акцый і дэмакратычных актывістаў. Многіх запрашаюць у міліцыю позвамі, у некаторых адбываюцца ператрусы.

26.03.2017 Тадэвуш Кандрусевіч: Выказваю надзею на гуманныя і справядлівыя адносіны да затрыманых і спадзяюся на хутчэйшае іх вяртанне дадому

Cтаршыня Канферэнцыі Каталіцкіх Біскупаў у Беларусі звярнуўся да ўладаў краіны з нагоды падзеяў 25-26 сакавіка.

26.03.2017 Кіраўнік БДІПЧ АБСЕ асудзіў «непатрэбнае прымяненне сілы» беларускімі ўладамі супраць мірных дэманстрантаў

«Пасля ўчорашніх падзей і апошніх дзён я зноў заклікаю беларускія ўлады ўстрымацца ад выкарыстання любых санкцый або непатрэбных сіл для падаўлення іншадумства і права на свабоду сходаў», - сказаў Лінк.

26.03.2017 Уладзімір Някляеў распавёў падрабязнасці свайго затрымання

Пратакола затрымання на палітыка не складалі, аднак правялі пільны асабісты дагляд. Неўзабаве палітыку стала дрэнна і яго на хуткай адвезлі ў шпіталь.

26.03.2017 Разгон акцыі на Кастрычніцкай плошчы

Сярод затрыманых - праваабаронца "Вясны" Таццяна Рэвяка, разам з ёй у аўтазак пасадзілі яшчэ 9 чалавек. Таксама затрыманы кіраўнік Арт-Сядзібы Павел Белавус, блогеры Раман Пратасевіч, Руслан Кісялёў, Стась Карпаў.

26.03.2017 Праваабаронца “Вясны” Таццяна Рэвяка на волі

Праваабаронца Таццяна Рэвяка паведаміла, што ў двары Цэнтральнага РУУСа разам з ёй тварам да сцяны стаялі чалавек 20. Яе і дзвюх дзяўчат адпусцілі. Сярод тых, хто застаецца там - журналіст "Белсата" Алесь Залеўскі.

26.03.2017 Міліцыя аказвае ціск на збітага ў “Вясне” назіральніка

26 сакавіка Аляксею Лойку, які знаходзіцца ў бальніцы хуткай дапамогі, патэлефанавалі з Першамайскага РУУСа і прапанавалі забраць заяву аб збіцці амапаўцамі падчас уварвання ў офіс “Вясны”.

26.03.2017 Справаздача па выніках маніторынгу акцыі “Дзень Волі” ў Мінску 25 сакавіка

Прэвентыўна былі затрыманыя праваабаронцы і назіральнікі, якія збіраліся ажыццяўляць грамадскае назіранне за мірным сходам 25 сакавіка. Падчас акцыі было затрымана не менш за 700 чалавек. Непрафесійныя дзеянні міліцыі прывялі да затрымання вялікай колькасці людзей, якія не ўдзельнічалі ў акцыі.

26.03.2017 Брутальная зачыстка ў Мінску: спісы затрыманых

Каля 700 чалавек затрымана, з іх больш за 100 застаюцца пад арыштамі да суда.

26.03.2017 Фігурантаў «справы графіцістаў» спрабуюць затрымаць з дапамогай пажарных

Сёння з раніцы Міліцыя дзяжурыць каля кватэр Вадзіма Жаромскага і Максіміліяна Пякарскага.

26.03.2017 У Барысаве затрыманы да суда Міхаіл Васільеў

Сябра Аб’яднанай грамадзянскай партыі Міхаіла Васільева затрымалі 25 сакавіка ў Барысаве, але пасля апытання ў РАУСе адвезлі нанач у ізалятар часовага ўтрымання да суда.

26.03.2017 Заява Амбасады ЗША ў Мінску з нагоды супрацьдзеяння дэманстрацыям да Дня Волі

ЗША заклікаюць урад Беларусі неадкладна вызваліць астатніх затрыманых мірных дэманстрантаў, праваабаронцаў і журналістаў і забяспечыць права грамадзян на правядзенне мірных сходаў і свабоду слова ў адпаведнасці з яго міжнароднымі абавязальніцтвамі.

26.03.2017 Amnesty International: «Беларускія ўлады зноў звярнуліся да аўтарытарнай тактыкі»

Беларускія ўлады павінны неадкладна і безумоўна вызваліць усіх арыштаваных да і падчас мірных пратэстаў і спыніць заганную практыку рэпрэсіяў супраць дэманстрантаў, заяўляе міжнародная праваабарончая арганізацыя Amnesty International.