Праваабарончы цэнтр «ВЯСНА»

Навіны за 13 красавіка 2017

13.04.2017 Камітэт па правах чалавека ААН прызнаў парушэнне правоў зніклага палітыка Юрыя Захаранкі

У рашэнні КПЧ ААН адзначана, што дзяржава парушыла права Юрыя Захаранкі на жыццё, на абарону ад катаванняў і жорсткага бесчалавечнага абыходжання і на свабоду і асабістую недатыкальнасць.

13.04.2017 Праваабаронцы прадставілі ў ЕС ключавыя рэкамендацыі для вырашэння сітуацыі ў Беларусі

Падчас рабочага візіту ў Брусель нацыянальныя і міжнародныя праваабаронцы правялі сустрэчы ў структурах Еўрапейскага Саюза ў сувязі з падзеямі апошніх месяцаў у Беларусі, заклікаўшы дзяржавы-сябры ЕС да шэрагу рашучых мераў у дачыненні да беларускай дзяржавы дзеля дасягнення прагрэсу ў галіне правоў чалавека ў краіне.

13.04.2017 Прызначана дата суда па справе Вячаслава Касінерава

Праз два тыдні ў судзе Маскоўскага раёна Мінска распачнецца разгляд крымінальнай справы актывіста анархісцкага руху Вячаслава Касінерава, якога пераследуюць за перфоманс са статуяй паліцэйскага-гарадавога каля будынка МУС.

13.04.2017 Міліцыянты казалі: прасіць вады і правы чалавека будзеш у Расіі

Вольга Рошчына правяла 13 сутак на Акрэсціна і атрымала забарону на ўезд у Беларусь на 10 гадоў. Беларускія СМІ пісалі, што Вольга — шараговая турыстка, якая апынулася не ў тым месцы і не ў той час. Але гэта не зусім так.

13.04.2017 Гомельскія чыноўнікі цкуюць маці, якая заступілася за прыёмнага сына

Жыхарка Гомеля Марына К., якая доўгі час дамагаецца праверкі па фактах гвалтоўных дзеянняў у гомельскім СІЗА ў дачыненні да свайго прыёмнага сына Віталя Г., адчувае моцны прэсінг з боку мясцовых уладаў.

13.04.2017 Віталя Рымашэўскага аштрафавалі за Бабруйск на 40 базавых

Суд Менскага раёна аштравафаў сустаршыню Беларускай хрысціянскай дэмакратыі Віталя Рымашэўскага на 40 базавых велічынь за ўдзел у Маршы недармаедаў 26 лютага ў Бабруйску.