Праваабарончы цэнтр «ВЯСНА»

Навіны за Красавік 2018

25.04.2018 Вярхоўны суд лічыць законным караць некалькі разоў за адзін мірны сход

Вольга Мікалайчык атрымала адказы на скаргі, датычныя двухразовага прыцягнення яе да адміністрацыйнай адказнасці за ўдзел у мірным сходзе 3 ліпеня.

25.04.2018 Праваабаронцу ізноў не ўключылі ў склад ГНК

Міністэрства юстыцыі ў чарговы раз адмовіла ва ўключэнні старшыні «Прававой ініцыятывы» Вікторыі Фёдаравай у склад грамадскай назіральнай камісіі, якая ажыццяўляе кантроль за дзейнасцю папраўчых устаноў.

25.04.2018 “Такіх, як ты, не павінна існаваць. Ты – біясмецце”. Падрабязнасці затрымання анархіста за порна

Актывіст Фёдар Бабанаў, які зараз знаходзіцца пад падпіскай аб нявыездзе, распавёў ПЦ “Вясна” пра псіхалагічны ціск, які аказвалі супрацоўнікі ГУБАЗіК падчас яго затрымання і трохсуткавага арышту.

25.04.2018 Камітэт супраць катаванняў vs Беларусь: прававы аспект

Што такое «катаванне», як працуе Камітэт супраць катаванняў і навошта ўсё гэта трэба Беларусі - у прававым лікбезе ад "Вясны".

25.04.2018 На 63 сесіі Камітэта супраць катаванняў ААН праваабаронцы прадставяць альтэрнатыўную справаздачу

Рэспубліка Беларусь прадставіць чарговую справаздачу па выкананні дзяржавай Канвенцыі супраць катаванняў і іншых жорсткіх, бесчалавечных ці прыніжаючых годнасць відаў абыходжання і пакарання на 63 сесіі Камітэта супраць катаванняў ААН 27 красавіка.

25.04.2018 Зміцер Дашкевіч: Горацкая калонія “праславілася” даўно…

Былы палітычны зняволены Зміцер Дашкевіч распавёў сайту palitviazni.info пра тое, ці ёсць шанц у палітвязняў выйсці з-за кратаў раней часу, пра “справу Жамчужнага” і ціск на “палітычных” у Горацкай калоніі.

24.04.2018 КПЧ ААН заклікае Мінск прыцягнуць вінаватых па справе Саннікава да крымінальнай адказнасці

Камітэт ААН па правах чалавека прызнаў, што ўлады Беларусі парушылі правы былога кандыдата ў прэзыдэнты Андрэя Саннікава.

24.04.2018 Праваабарончая праграма "Вясна" на Беларускім Радыё Рацыя

“Падзея”: У Гомелі адкрылася фотавыстава “Лісты палітвязняў: ад 1996 году да нашых дзён”. “Каментар эксперта”: Каардынатар кампаніі “Праваабаронцы супраць смяротнага пакарання” Андрэй Палуда дзеліцца ўражаннямі ад круглага стала “Прававыя аспекты адмены смяротнага пакарання ў Рэспубліцы Беларусь”.

24.04.2018 Вярхоўны суд вызначыўся з датай разгляду скаргі асуджанага да смяротнага пакарання

У Вярхоўным судзе Беларусі на 29 траўня прызначаны разгляд апеляцыйнай скаргі асуджанага да смяротнага пакарання Аляксандра Жыльнікава.

24.04.2018 З офіса АГП знялі бел-чырвона-белы сцяг і склалі пратакол

Пакуль беларускія сілавікі ганяюцца за кожным вывешаным гістарычным бел-чырвона-белым сцягам, прэзідэнт Малдовы Ігар Дадон вылучыў заканадаўчую ініцыятыву аб прызнанні гістарычнага сцяга Малдовы, які павінен быць узняты абавязковым парадкам ва ўсіх дзяржаўных установах.

24.04.2018 Суд адмовіў "Народнай грамадзе" ў скарзе

Суд Маскоўскага раёна г. Мінска 24 красавіка адмовіў у задавальненні калектыўнай скаргі актывістаў "Народнай грамады" на рашэнне Мінгарвыканкама, якім было забаронена шэсце 25 сакавіка.

24.04.2018 Міхаіла Жамчужнага змясцілі яшчэ на два месяцы ў ПКТ і адмовілі ў пераводзе ў іншую калонію

ПЦ “Вясна” стала вядома, што 10 красавіка адміністрацыя калоніі №9 у г. Горкі вынесла палітвязню Міхаілу Жамчужнаму чарговае – ужо 27 спагнанне – у выглядзе дву' месяцаў змяшчэння ў ПКТ.

24.04.2018 Светлагорск: Ларысу Шчыракову судзяць за Якімаву Слабаду

Суд Светлагорскага раёна разглядае адміністрацыйную справу журналісткі-фрылансера Ларысы Шчыраковай, якую вінавацяць па арт 22.9 КаАП, за працу без акрэдытацыі на замежнае СМІ.

24.04.2018 “Кожны мае права ведаць свае правы”. Экскурсія па выставе ў Віцебску

Некалькі дзён у межах “Уік-энду па правах чалавека” ў Віцебску працавала перасоўная выстава “Кожны мае права ведаць свае правы”.

24.04.2018 Палітвязьня Зьмітра Паліенку перавялі са шпіталя ў калёнію

Зьмітра Паліенку з Жодзінскага шпіталя перавялі ў Бабруйскую калёнію, дзе ён адбывае двухгадовы тэрмін за напад па міліцыянта. У Жодзінскім шпіталі палітвязень лячыў нагу.