Праваабарончы цэнтр «ВЯСНА»

Навіны за 23 лістапада 2020

23.11.2020 Патрабуем неадкладнага вызвалення палітзняволеных студэнтаў і выкладчыцы БДУІР

12 лістапада ўлады Беларусі нанеслі ўдар па адной з найстарэйшых моладзевых арганізацый краіны: рэпрэсіўныя органы затрымалі лідэраў і актывістаў Задзіночання Беларускіх Студэнтаў (ЗБС). У кватэрах сябраў студэнцкага аб’яднання і ў офісе арганізацыі адбыліся ператрусы.

23.11.2020 Гомель: Пракурор запрасіла два гады абмежавання волі за "звяржэнне" дзяржаўнага сцяга

У судзе Цэнтральнага раёна Гомеля 23 лістапада працягваўся разгляд крымінальнай справы аб «звяржэнні» дзяржаўнага сцяга. На лаве падсудных - Георгій Васілеўскі.

23.11.2020 23 лістапада: Затрыманні на "Маршы мудрасці" ў Мінску і не толькі

Сёння ў Мінску адбыўся традыцыйны "Марш мудрасці". Але і на ім не абыйшлося без затрыманняў. СМІ паведамлялі пра некалькі затрыманняў у розных кропках гораду. "Вясне" вядома, што сярод затрыманых — 58-гадовы Алег Гжыбоўскі і 72-гадовая Валянціна Няхай.

23.11.2020 Гродна: абвешчаны прысуд Зімніцкаму і Паляку

Суд Кастрычніцкага раёна Гродна 23 лістапада вынес прысуд Дзмітрыю Зімніцкаму і Канстанціну Паляку па артыкуле 364 Крымінальнага кодэкса. Дзмітрый Зімніцкі атрымаў два с паловай гады абмежавання волі з адбыццём па месцы жыхарства (хатняй "хіміі"), а Канстанцін Паляк — тры гады абмежавання волі з накіраваннем ва ўстанову адкрытага тыпу.

23.11.2020 Салігарчаніна аштрафавалі на 5100 рублёў за абразу міліцыянта ў "ВК". Судзілі яго ў будынку міліцыі

Салігорскі суд разгледзеў крымінальную справу паводле артыкула 369 Крымінальнага кодэкса ("Публічная абраза прадстаўніка ўлады ў сувязі з выкананнем ім службовых абавязкаў") у дачыненні да 28-гадовага мясцовага жыхара Рамана Маскадыні.

23.11.2020 Вынікі адміністрацыйных судоў над удзельнікамі акцый у панядзелак, 23 лістапада

У панядзелак, 23 лістапада, суды ў Мінску і ў іншых гарадах працягваюць разглядаць адміністрацыйныя справы ўдзельнікаў шматлікіх акцый пратэсту і тых, каго затрымлівалі кропкава.