Праваабарончы цэнтр «ВЯСНА»

Навіны за 17 лістапада 2020

17.11.2020 Хроніка пераследу ў Беларусі 17 лістапада

У аўторак, 17 лістапада, працягваецца пераслед людзей па палітычных прычынах у Беларусі. Праваабаронцы "Вясны" збіраюць новыя факты пераследу па ўсёй краіне: затрыманні, вобшукі і іншыя формы ціску.

17.11.2020 Журналістку Марыну Кастылянчанка зноў асудзілі на 15 сутак. Агулам у СІЗА яна правядзе месяц

У аўторак, 17 лістапада, у следчым ізалятары №6 у Баранавічах, дзе цяпер таксама ўтрымліваюцца адміністрацйныя асуджаныя, на выязным судовым паседжанні асудзілі на 15 сутак арышту незалежную журналістку і праваабаронцу “Вясны” Марыну Кастылянчанка.

17.11.2020 Працягваюцца суды за восеньскі сцягапад у Беларусі: сёння - Гомель, Берасце і Івацэвічы

У судзе Цэнтральнага раёна Гомеля 17 ліпеня пачаўся разгляд яшчэ адной крымінальнай справы за “звяржэнне” дзяржаўнага сцяга.

17.11.2020 З-за паказанняў сведкі-міліцыянта справу валанцёра "Вясны" адправілі на дапрацоўку

У судзе Маскоўскага раёна Мінска адбыўся разгляд адміністрацыйнай справы валанцёра “Вясны”, назіральніка за судовымі пасяджэннямі Аляксандра Паплаўскага.

17.11.2020 Праваабарончая праграма "Вясна" на Беларускім Радыё Рацыя

Акцыі памяці Рамана Бандарэнкі і пераслед іх удзельнікаў у Беларусі. Рэпрэсіі ў дачыненні да студэнцтва і сябраў "Вясны". Ці будуць заведзеныя крымінальныя справы на сілавікоў і ці спрацуе народны трыбунал?

17.11.2020 Суд даў 15 сутак хлопцу з інваліднасцю

17 лістапада суддзя Партызанскага раёна Кацярына Чайко прысудзіла 15 сутак Мікіце Лявіцкаму — хлопец мае інваліднасць другой групы.

17.11.2020 Судзяць гарадзенцаў за гвалт у адносінах да супрацоўнікаў ДАІ

У судзе Кастрычніцкага раёна Гродна 17 лістапада распачаўся суд за гвалт у адносінах да супрацоўніка ўнутраных справаў па арт. 364 Крымінальнага кодэкса. На лаве падсудных — гарадзенцы Канстанцін Паляк і Дзмітрый Зімніцкі.

17.11.2020 Экс-амапаўца Уладзіміра Шустава асудзілі на тры гады

У Ленінскім судзе Магілёва 17 лістапада вынесены прысуд па крымінальнай справе індывідуальнага прадпрымальніка Уладзіміра Шустава.

17.11.2020 Судовы канвеер па адміністрацыйных справах працягваецца ў аўторак, 17 лістапада

У аўторак, 17 лістапада, суды ў Мінску і ў іншых гарадах працягваюць разглядаць адміністрацыйныя справы ўдзельнікаў шматлікіх акцый пратэсту і тымі, каго затрымлівалі кропкава.