Праваабарончы цэнтр «ВЯСНА»

Навіны за 9 сьнежня 2020

09.12.2020 9-10 снежня ў Беларусі працягваецца пераслед людзей

Праваабаронцы "Вясны" кожны дзень збіраюць факты пераследу па ўсёй краіне: затрыманні, вобшукі і іншыя формы ціску па палітычных матывах.

09.12.2020 Нацбанк патлумачыў, якія грошы не могуць быць арыштаваныя па рашэнні СК

Нацыянальны банк Беларусі растлумачыў сітуацыю з арыштам рахункаў і спісаннем грошай, выплачаных у якасці кампенсацыі пацярпелым ад гвалту з боку сілавікоў. Пра гэта піша infobank.by.

09.12.2020 Справа Палікарпавай: суд чакае паказанняў судмедэксперта

На папярэднім судовым паседжаннні адвакат заявіў хадайніцтва пра выклік у суд судмедэксперта, які рабіў медычны агляд Марыны Палікарпавай, пасля яе збіцця супрацоўніцамі міліцыі.

09.12.2020 Дэпутат Бундэстага Мануэль Сарацын віншуе з Калядамі свайго "хрэсніка" - палітвязня Ігара Лосіка і праваабаронцаў

Дэпутат Бундэстага Мануэль Сарацын, "хросны" беларускага палітзняволенага Ігара Лосіка, даслаў калядны падарунак свайму "хрэсніку", а таксама праваабаронцам "Вясны".

09.12.2020 Адбылася прэзентацыя даклада «Беларусь, жнівень 2020: "правасуддзе" для пратэстоўцаў»

Ён асвятляе парушэнні стандартаў справядлівага судовага разбіральніцтва над ўдзельнікамі мірных дэманстрацый супраць фальсіфікацый вынікаў прэзідэнцкіх выбараў 2020 года.

09.12.2020 Справа Гэсс: пацярпелы міліцыянт не з’явіўся па прычыне самаізаляцыі

У судзе Заводскага раёна горада Мінска працягваецца разгляд крымінальных справаў у дачыненні да Алены Гэсс. Мінчанка абвінавачваецца па двух артыкулах — 341 КК РБ (апаганьванне збудаванняў і псаванне маёмасці) і 364 КК РБ (Гвалт альбо пагроза ўжывання гвалту ў дачыненні да супрацоўніка органаў унутраных спраў).

09.12.2020 Судзяць удзельнікаў мірных акцый пратэсту – вынікі за 9 снежня

Дзевятага снежня суды ў Мінску і ў іншых гарадах працягваюць разглядаць адміністрацыйныя справы ўдзельнікаў шматлікіх акцый пратэсту і тых, каго затрымлівалі кропкава ў розных месцах як у нядзелю, 6 снежня, так і ў ранейшыя дні.