Праваабарончы цэнтр «ВЯСНА»

Навіны за 25 жніўня 2021

25.08.2021 Заява праваабарончых арганізацый Беларусі аб прызнанні чатырох палітычных зняволеных

Заява праваабарончай супольнасці Беларусі.

25.08.2021 "Прадстаўляць закон, парушаючы закон". Размова з былым сілавіком — у падкасце "Вясна прыйдзе"

У новым выпуску падкаста былы супрацоўнік ППС Міраслаў распавядае пра свой досвед працы ў міліцыі і Фрунзенскім РУУС горада Мінска, у тым ліку падчас жнівеньскіх падзей 2020 года. А таксама пра тое, як уладкаваная сілавая сістэма і як думаюць тыя, хто ў ёй застаецца.

25.08.2021 Мінскі чыноўнік атрымаў тры гады калоніі за ўдзел у самых масавых жнівеньскіх акцыях і за абразу Лукашэнкі

У судзе Ленінскага раёна Мінска прайшоў разгляд крымінальнай справы супраць начальніка фінансавага аддзела адміністрацыі Ленінскага раёна Юрыя Сянькова, якога абвінавацілі па двух артыкулах Крымінальнага кодэкса: па артыкуле 342 КК (Удзел у групавых дзеяннях, якія груба парушаюць грамадскі парадак) — за ўдзел у акцыях пратэсту 16 і 23 жніўня 2020 года, і па артыкуле 368 КК (Абраза прэзідэнта) — за рэпост у тэлеграме. Мужчына атрымаў тры гады калоніі агульнага рэжыму. Справу разглядала суддзя Таццяна Шоцік, бок дзяржабвінавачвання прадстаўляла пракурорка Юлія Даўгала.

25.08.2021 У Ваўкавыску праходзіць суд за паведамленне ў тэлеграм-чаце. За арганізацыю беспарадкаў мужчыну пагражае да 15 гадоў калоніі

У судзе Ваўкавыскага раёна разглядаецца крымінальная справа па артыкуле за арганізацыю масавых беспарадках (ч. 1 арт. 293 Крымінальнага кодэкса) у адносінах да інжынера Андрэя Крылова.

25.08.2021 Былога настаўніка са Смаргоні пакаралі 1,5 гадамі калоніі за паказ на ўроку відэароліка з "экстрэмісцкім" лагатыпам

Пятроўскага затрымалі ў залі суда пасля абвяшчэння прысуду, да гэтага ён быў пад падпіскай аб нявыездзе.

25.08.2021 Аляксандра Нагелу са Смаргоні адправілі ў калонію на тры гады за 13 каментароў пра міліцыянтаў

У памяшканні суда Смаргонскагна раёна на выязным пасяджэнні Гарадзенскага абласнога суда прайшоў разгляд крымінальнай справы ў дачыненні да жыхара Смаргоні Аляксандра Нагелы – намесніка дырэктара фірмы па вытворчасці спецтранспарту. Мужчыну вінавацяць у злачынстве, прадугледжаным часткай 1 артыкула 130 Крымінальнага кодэкса (распальванне сацыяльнай варожасці). У дадзеным выпадку сацыяльнай групай, у дачыненні да якой Нягела распальваў варожасць, следства палічыла супрацоўнікаў міліцыі.