Праваабарончы цэнтр «ВЯСНА»

Навіны за 10 лістапада 2008

10.11.2008 Праваабаронцу Яну Палякову прывялі ў суд пад канвоем

10 лістапада ў Салігорску да вядомай праваабаронцы Яны Паляковай прыйшоў міліцыянт і запатрабаваў ісьці зь ім у суд.

10.11.2008 У Сьвіслачы перасьледуюць Анатоля Валюка

У Сьвіслачы, што на Гарадзеншчыне, мясцовая міліцыя перасьледуе Анатоля Валюка, грамадска-палітычнага актывіста, старшыню мясцовай суполкі партыі БНФ.

10.11.2008 Ля Дома правасуддзя – новае затрыманне

Некалькі моладзевых актывістаў, пратэстуючы супраць прысуду маладафронтаўцам, вывесілі над Домам правасуддзя бел-чырвона-белы сцяг. Сярод моладзі – непаўнагадовая актывістка Юлія Міхайлава, удзельніца пікету 7 лістапада. Актывістку затрымалі і ўтрымліваюць зараз у Доме правасуддзя.

10.11.2008 Пераслед клецкага актывіста Яўгена Мікуліча

Пасьля сустрэчы з крыміналістам Клецкага РУУС Сяргеем Касьцюкевічам актывіст Руху «За Свабоду» Яўген Мікуліч зьвярнуўся ў пракуратуру з просьбай абараніць яго і яго сям’ю.

10.11.2008 Пракуратура папярэдзіла Гарбачова за заклікі да акцыі

10 лістапада старшыня грамадзкага аб’яднаньня “За свабоднае разьвіцьцё прадпрымальніцтва (зарэгістравана ва Ўкраіне) Віктар Гарбачоў зноў быў выкліканы па месцы жыхарства ў пракуратуру Барысаўскага раёну.

10.11.2008 Абаронцы гродзенскіх дрэваў атрымалі позвы ў суд

Грамадскія актывісты Гродна, абаронцы дрэваў, атрымалі позвы ў суд, які адбудзецца 13 лістапада. Спроба перашкодзіць супрацоўнікам зялянгаса знішчаць зялёныя насаджэнні 16 кастрычніка бягучага года скончылася складаннем пратакола, паводле якога міліцыянты абвінавачваюць трох жыхароў горада ў здзяйсненні дробнага хуліганства і непадпарадкаванні законным патрабаванням

10.11.2008 Акцыі ў падтрымку зняволенага Аляксандра Баразенкі

Сёньня ў Берасці прайшлі акцыі пратэсту супраць зняволення актывіста кампаніі “Еўрапейская Беларусь” Аляксандра Баразенкі.

10.11.2008 Маладафронтаўцаў даставілі ў Дом правасуддзя (адноўлена, фота)

Скончыўся суд над маладафронтаўцамі. Кожны з актывістаў прысуджаны да трох сутак арышту.

10.11.2008 Полацкіх актывістаў будуць судзіць

На полацкіх моладзевых актывістаў склалі пратаколы за тое, што 7 лістапада яны разгарнулі ў цэнтры горада сьцягі — бел-чырвона-белы і памаранчавы сьцяг руху “Маладая Беларусь” . Сваю акцыю хлопцы знарок прымеркавалі да 7-га лістапада, жадаючы такім чынам падтрымаць антыкамуністычную акцыю моладзі ў Менску.

10.11.2008 Сёньня будуць судзіць маладафронтаўцаў

У судзе Ленінскага раёну Менску сёньня будуць судзіць моладзевых актывістаў, якіх затрымалі 7 лістапада насупраць будынку КДБ. Яны трымалі расьцяжку: “Камунізм пад трыбунал!”. Непаўналетніх адпусьцілі, а супраць пяці сяброў незарэгістраванай арганізацыі “Малады фронт” склалі пратаколы за ўдзел у несанкцыянаваным пікеце.

10.11.2008 Справу Пісальніка пакінулі без разгляду

Суд Кастрычніцкага раёну Гродна пакінуў без разгляду справу аб экстрэмісцкім змесце нумару газэты “Глос з-над Немна ў выгнанні”, ініцыятарам якой выступаў кіраўнік упраўлення КДБ па Гродзенскай вобласці Ігар Сяргеенка.