Праваабарончы цэнтр «ВЯСНА»

Навіны за Лістапад 2009

25.11.2009 Алег Гулак: “Смяротнае пакаранне - гэта здзек над людзьмі, над правам, над сучаснасцю”

Алег Гулак, старшыня Рэспубліканскага праваабарончага грамадскага аб'яднання "Беларускі Хельсінскі Камітэт» у межах кампаніі “Праваабаронцы супраць смяротнага пакарання ў Беларусі” падпісаў петыцыю, звернутую да беларускіх уладаў. Праваабаронца назваў свае аргументы супраць пакарання смерцю.

25.11.2009 Уладзімера Асіпенку абвінавацілі ў падрыхтоўцы тэракту

“Было зразумела, што пасьля абвінавачаньня Мікалая Аўтуховіча ў падрыхтоўцы да тэракту на мінулым тыдні такое ж абвінавачаньне ягонаму сябру Ўладзімеру Асіпенку — справа нядоўгага часу. Бо трэба ж, каб была “групоўка”. Але калі суд будзе адкрыты, усе ўбачаць, што гэтыя абвінавачаньні ня маюць доказаў. Улада разьлічвае на пакорных судзьдзяў”, — пракамэнтаваў падзею і будучы працэс Алег Воўчак.

25.11.2009 Улады дазволілі адзначыць Слуцкі збройны чын, але з пэўнымі ўмовамі

Арганізатары мусяць скласці дамовы з камунальнікамі, міліцыяй і лякарняй і аплаціць іх паслугі.

25.11.2009 Арцём Дубскі – закладнік палітычных амбіцый Беларусі

Як стала вядома са слоў адвакаткі Тамары Сідарэнкі, удзельніку “Справы 14-ці”Арцёму Дубскаму яшчэ ў кастрычніку адмовілі ва ўмоўна-датэрміновым вызваленьні: камісія, што была склікана ў калёніі, палічыла недапушчальным прызначаць умоўна-датэрміновае вызваленьне рэцыдывісту, якім лічыцца маладафронтавец Арцём Дубскі. Палітвязень Дубскі з ліпеня 2009 году знаходзіцца ў Магілёўскай калоніі (ПК №19).

25.11.2009 "Гомельская праўда" ігнаруе конкурс пра правы чалавека

Актывіст Руху "За Свабоду" атрымаў адмову на прапанову надрукаваць у мясцовым СМІ інфармацыю пра конкурс, прысвечаны дню прыняцця Усеагульнай дэкларацыі правоў чалавека. Конкурс праводзіць Гомельскае гарадское аддзяленне РГАА "Прававая ініцыятыва".

25.11.2009 Жыхар Смаргоні скардзіцца ў Камітэт па правах чалавека ААН

Жыхар Смаргоні Віктар Іванавіч Кавалеўскі накіраваў скаргу ў Камітэт ААН па правах чалавека. У скарзе ён адзначыў, што гаражна-будаўнічы вытворчы кааператыў №3 горада Смургоні праз суд спагнаў з яго сяброўскія ўнёскі, хаця сябрам гэтага кааператыва ён не з’яўляецца, бо на ўстаноўчым сходзе не прысутнічаў і заяву аб прыняцці ў сябры кааператыва не падаваў.

25.11.2009 Арцёму Дубскаму ў вызваленьні адмоўлена

24 лістапада адвакатка Тамара Сідарэнка наведала сваго падабароннага - палітвязьня Арцёма Дубскага, які зь ліпеня 2009 году знаходзіцца ў магілёўскай калёніі (ПК №19).

25.11.2009 На «БелАЗе» затрымалі актывістаў РЭП

Учора ў другой палове дня каля прахадной завода «БелАЗ» былі затрыманыя прадстаўнікі Беларускага прафсаюза работнікаў радыёэлектроннай прамысловасці, якія раздавалі ўлёткі ў падтрымку работніка прадпрыемства Юрыя Лобана. З апошнім 24 лістапада наймальнік не працягнуў кантракт.

25.11.2009 Тамару Шчапёткіну чакаюць у Бярозаўскай пракуратуры

Грамадскую актывістку і праваабаронцу з Бярозы Тамару Шчапёткіну выклікаюць у якасьці сьведкі ў Пракуратуру Бярозаўскага раёна. 24 лістапада яна атрымала позву з пракуратуры і патэлефанаваўшы туды, пацікавілася пра мэты выкліку. Ёй паведамілі, што позва тычыцца працы ў неакрэдытаваных на Беларусі сродках масавай інфармацыі.

24.11.2009 Злачынцы пакараныя, а забойствы працягваюцца?

У Драгічынскім раёне працягваюцца забойствы пажылых жанчын. І ў некаторых СМІ ўжо прагучалі намёкі на “цыганскі след”: аналагічныя забойствы адбываліся ў гэтым раёне на працягу 2007 года. Злачынцы пакараныя. 30-гадовы жыхар раёна Васіль Юзэпчук прыгавораны да смяротнай кары, а яго 28-гадовы зямляк Сяргей Гучэнка — да пажыццёвага зняволення. З’яўленне новага забойства з падобным почыркам не можа не насцярожваць правабаронцаў.

24.11.2009 Супрацоўнікаў СІЗА, якія забілі вязня, пачалі шукаць?

Генеральная пракуратура загадала расследаваць абставіны смерці вязня бабруйскага следчага ізалятара Дзяніса Клімачова

24.11.2009 У Генпракуратуры не зразумелі сутнасці ліста праваабаронцаў

Праваабаронцы “Вясны” атрымалі чарговы адказ на свой зварот датычна рэгістрацыі скаргаў асуджаных да вышэйшай меры пакарання Васіля Юзэпчука і Андрэя Жука ў Камітэце па правах чалавека ААН. Адказ даслала Генеральная пракуратура.

24.11.2009 Пікет да гадавіны дня абароны правоў чалавека

Старшыня Моладзі БНФ Андрусь Крэчка падаў заяўку на правядзеньне пікета 10 сьнежня. Месца правядзеньня - плошча Якуба Коласа. Час - ад 16 да 18 гадзіны.

24.11.2009 МЗС Беларусі – беларускай дыяспары: вы для нас па-ранейшаму замежнікі

Міністэрства замежных спраў Беларусі адказала на ліст Міжнароднага грамадскага аб'яднання «Згуртавання беларусаў свету «Бацькаўшчына», у якім змяшчаўся Зварот, прыняты на 4‑й канферэнцыі беларусаў Балтыйскага рэгіёна і Беларусі.

24.11.2009 Жанчыны і насілле: новы час – старыя праблемы

З 18 лістапада па 13 снежня ў аддзеле абслугоўвання афіцыйнымі дакументамі (пам. 207) адкрыта кніжная выстаўка “Жанчыны і насілле: новы час – старыя праблемы”, прымеркаваная да Міжнароднага дня барацьбы за ліквідацыю насілля ў адносінах да жанчын.