Праваабарончы цэнтр «ВЯСНА»

Навіны за 2 сакавіка 2010

02.03.2010 Чарговая адмова ў рэгістрацыі газеце «Химик. Два города»

Мінінфармацыі ўжо тройчы адмовілася зарэгістраваць новае недзяржаўнае «агульнапалітычнае» выданне. У першы раз міністэрства не задаволіла кваліфікацыя галоўнага рэдактара, у другі — заяўленая тэматыка, у трэці — памяшканне, у якім збіраліся размясціць рэдакцыю.

02.03.2010 Бабруйск: Старшыня гарадскога выбаркаму “не гатовы адказваць” на пытанні

У Бабруйску змяніліся межы выбарчых акругаў. Бабруйчанка Нэлі Паборцава, якая жадае балатавацца ў дэпутаты па выбарчай акрузе № 12, пасля гэтых зменаў не змагла самастойна разабрацца, якія ўчасткі ўваходзяць у яе акругу. Па дапамогу яна звярнулася да старшыні гарадской выбарчай камісіі Уладзіміра Вяткіна.

02.03.2010 Пастар царквы «Новае жыццё» Вячаслаў Ганчарэнка накіраваў Аляксандру Лукашэнку адкрыты ліст

У лісце Вячаслаў Ганчарэнка заклікае беларускага кіраўніка стварыць камісію па вырашэнні канфлікту паміж царквой і менскімі ўладамі, перадае БелаПАН.

02.03.2010 Наваполацк: Ідэолаг зацікавіўся асобай сябра Партыі БНФ

Галоўны ідэолаг “Паліміра” запатрабаваў у кіраўніцтва цэха характарыстыку на супрацоўніка прадпрыемства, сябра Партыі БНФ Уладзіміра Кунцэвіча, які вылучыў сваю кандыдатуру ў гарадскі Савет дэпутатаў.

02.03.2010 Сябру АГП паставілі ультыматум

Начальства ААТ “Завод горнага воску”, што знаходзіцца ў гарадскім пасёлку Свіслач Пухавіцкага раёна Мінскай вобласці, паставіў аднаму са сваіх супрацоўнікаў ультыматум: або працуеш на заводзе, або займаешся выбарамі.

02.03.2010 Магілёў: Сябра БСДП (Г) не пусцілі ў інтэрнат для збору подпісаў

Прэтэндэнта ў кандыдаты, сябра БСДП (Г) Леаніда Падбярэцкага не пусцілі ў інтэрнат №1 Магілёўскага дзяржаўнага ўніверсітэта імя А.Куляшова для збору подпісаў.

02.03.2010 Гомель: Пікетаў па збору подпісаў пакуль ніхто не праводзіць

Абласны каардынатар Руху Петр Кузняцоў лічыць, што праводзіць пікеты немэтазгодна, таму што ў людных месцах гэтага рабіць нельга, а сэнсу стаяць завуголлем няма.

02.03.2010 Жлобін: замест спісу выбарчых участкаў – пустое месца

Пустое месца замест спісу ўчасткаў для галасавання можна ўбачыць на інтэрнет-сайце дзяржаўнай газеты “Новы дзень” Жлобінскага раёна. Такім чынам рэдакцыя газеты размясціла на сваім афіцыйным сайце рашэнне раённага выканкама.