Праваабарончы цэнтр «ВЯСНА»

Навіны за 4 сакавіка 2010

04.03.2010 Бабруйск: Ціск на хрысціянскіх дэмакратаў у сувязі з выбарамі ўзмацняецца

Больш за астатніх адчуваюць на сабе ціск людзі, якія нядаўна прыйшлі ў БХД ці сталі сябрамі ініцыятыўных групаў вылучэнцаў на выбары ў мясцовы Савет.

04.03.2010 Вярхоўны суд: адмова “Залатому льву” ў рэгістрацыі – законная

Вярхоўны суд падтрымаў рашэньне Гарадзенскага абласнога суда адносна нерэгістрацыі слонімскай арганізацыі “Залаты леў”. Касацыйную скаргу культурна-асьветніцкага аб’яднаньня 4 сакавіка разглядзела калегія па грамадзянскіх справах Вярхоўнага суда пад старшыньствам судзьдзі Валерыя Самалюка. Касацыйная інстанцыя прызнала рашэньне Гарадзенскага абласнога суда абгрунтаваным, а адмову – законнай.

04.03.2010 Лібералізацыя для АБСЕ

На сайце Менскага аблвыканкама з'явіўся інфармацыйны матэрыял "Выбары ў мясцовыя Саветы дэпутатаў як фактар падвышэння эфектыўнасці працы мясцовага кіравання і самакіраванні", прымеркаваны да так званага Дня інфармавання, які павінен прайсці на прадпрыемствах і ў арганізацыях вобласці 18 сакавіка. Тэкст падрыхтаваны Інфармацыйна-аналітычным цэнтрам пры Адміністрацыі прэзідэнта Рэспублікі Беларусь.

04.03.2010 Папсаванае свята

Студэнтаў, якія ўдзельнічалі ў “Свяце беларускай мовы” прымусілі пісаць тлумачальныя запіскі наконт правядзення імпрэзы. Свята сёлета ўпершыню планавалася зладзіць афіцыйна і маштабна, аднак нечакана для арганізатараў, кіраўніцтва Палаца культуры МАЗ скасавала дамову.

04.03.2010 Спэктакль пра насаджанае “двуязычые” пазбавілі афішаў

Прэм’ерныя паказы спэктакля “Translations” у Купалаўскім тэатры засталіся бяз кідкіх зазыўных афішаў. Днямі менская публіка заўважыла, што ў тэатральных касах зьніклі плякаты з выявай дзяўчыны, у якой рот залеплены стужкай, і з надпісам “Translations” (“Пераклады”).

04.03.2010 Бабруйск: “Людзі не ведаюць, і ім усё роўна”

Прэтэндэнты ў кандыдаты распавядаюць, што падчас збору подпісаў пераважная большасць гараджанаў не жадае адчыняць дзверы, паколькі не ведае, пра якія выбары ідзе гаворка.

04.03.2010 Віцебск: Збор подпісаў у актывістаў БХД праходзіць нягладка

Актывісты партыі "Беларуская хрысціянская дэмакратыя" - адной з найбольш актыўных і масавых грамадскіх структур Віцебшчыны - нягледзячы на цяжкасці і перашкоды з боку ўладащ, змаглі за некалькі дзён сабраць больш за тысячу подпісаў. Ініцыятыўныя групы Паўла Папова, Раісы Зарачанскай, Сяргея Уласава, Уладзіміра Рамановіча сабралі больш за 100 подпісаў кожны пры неабходных 75. Аднак працэс збору подпісаў, як і выбарчая кампанія ў цэлым, у віцебскіх хрысціянскіх дэмакратаў праходзіць нягладка.

04.03.2010 На Бярозаўскім шклозаводзе “Нёман” скарачэнні

На Бярозаўскім шклозаводзе “Нёман”, што ў Лідзкім раёне, больш за 30 рабочых атрымалі пісьмовыя папярэджаньні пра тое, што празь месяц у іх сканчаецца кантракт і больш працягвацца ня будзе.

04.03.2010 Баранавіцкую газету “Наш край” пытанні пра выбары не хвалююць

2 сакавіка на сайце дзяржаўнай газеты “Наш край” з’явіўся вялікі артыкул пад назвай “Пытанні, якія хвалююць”. Мэр горада Баранавічы Віктар Дзічкоўскі адказваў на пытанні гараджан. Зразумела, што ніводнага пытання пра мясцовыя выбары апублікаванана не было.

04.03.2010 Магілёў: Леаніду Падбярэцкаму пакуль не дазволілі збіраць подпісы ва ўніверсітэцкім інтэрнаце

У рэктараце Леаніду Падбярэцкаму сказалі, што рэктар перадаў вырашаць гэтае пытанне юрысту. Калі кандыдат у дэпутаты звязаўся з юрыстам універсітэта, той сказаў, што дадзенае пытанне знаходзіцца ў яго на разглядзе і сп.Падбярэцкі атрымае пісьмовы адказ праз два тыдні, то бок пасля таго, як скончыцца збор подпісаў.

04.03.2010 Журналістку Ірыну Халіп дапыталі ў міліцыі

Вядомую беларускую журналістку Ірыну Халіп і яе мужа, лідэра грамадзянскай кампаніі «Еўрапейская Беларусь» Андрэя Саннікава дапыталі па так званай «паляўнічай справе»

04.03.2010 Магчымых кандыдатаў – на ўмацаванне баяздольнасці?

У Глыбокім ініцыятыўная група Зміцера Лупача, прадстаўніка незарэгістраванай Беларускай Хрысціянскай Дэмакратыі, актыўна збірае подпісы для вылучэння яго ў гарадскі Савет дэпутатаў. Тым часам самога вылучэнца меліся забраць на вайсковыя зборы, што павінны праходзіць у Баравусе пад Полацкам з 5 па 30 красавіка.

04.03.2010 Рагачоў: Зручная пляцоўка для агітацыі можа пуставаць

Рагачоўскі райвыканкам вызначыў зручнае месца для мерапрыемстваў, якія маглі б праводзіць будучыя кандыдаты ў дэпутаты: у цэнтры гораду, у людным месцы, са сцэнай. Аднак выступаць там, хутчэй за ўсё, не будзе каму.

04.03.2010 Аляксандр Лукашэнка прызнаны ў Кракаве персонай нон грата

Гарадская рада Кракава 3 сакавіка прыняла рэзалюцыю, у якой прызнала Аляксандра Лукашэнку персонай нон грата ў старажытнай сталіцы Польшчы. За рэзалюцыю прагаласавалі не ўсе чальцы рады, але пераважная большасць.

04.03.2010 Актывіста БХД Андруся Кашэўскага “закрылі” на 15 сутак

Тым самым улады пазбавілі магчымасці патэнцыйнага кандыдата ў дэпутаты мясцовых саветаў ад Беларускай Хрысціянскай Дэмакратыі своечасова здаць подпісы ў выбаркам дзеля рэгістрацыі.