Праваабарончы цэнтр «ВЯСНА»

Навіны за Сакавік 2011

30.03.2011 Радзіну, Халіп і Палажанку выклікаюць у КДБ

Абвінавачваную па крымінальнай справе аб масавых беспарадках рэдактара сайта charter97.org Наталлю Радзіну чакаюць 31 сакавіка ў Менску ў КДБ для «правядзеньня следчых дзеяньняў». Яна знаходзіцца пад падпіскай аб нявыездзе у сябе на радзіме ў Кобрыне. Адвакат журналісткі не выключае, што Натальлі Радзінай могуць прад’явіць канчатковае абвінавачваньне і яе пачнуць знаёміць з матэрыяламі крымінальнай справы для перадачы ў суд.

30.03.2011 Еўрапейскія юрысты патрабуюць спынення пераследу беларускіх адвакатаў

Еўрапейская асацыяцыя адвакатаў European Criminal Bar Association звярнулася да міністра юстыцыі Віктара Галаванава з нагоды фактаў пераследу шэрагу беларускіх адвакатаў з прычыны іх удзелу ў абароне правоў падазраваных і абвінавачаных па крымінальнай справе аб масавых беспарадках.

30.03.2011 Алесь Бяляцкі абскарджвае папярэджаньне Генпракуратуры ў судзе

Старшыня праваабарончага цэнтру “Вясна” Алесь Бяляцкі будзе абскарджваць афіцыйнае пісьмовае папярэджаньне Генеральнай Пракуратуры аб недапушчальнасьці парушэньня заканадаўства за дзейнасьць ад імя незарэгістраванай арганізацыі, вынесенае яму 16 лютага. Адпаведная скарга накіраваная ў суд Цэнтральнага раёна Менска.

30.03.2011 Аналітычны агляд судовага працэсу па справе Мікіты Ліхавіда

Правабарончы цэнтр “Вясна” лічыць, што: 1. Вынесены судом Партызанскага раёна г. Мінска прысуд аб пакаранні Мікіты Ліхавіда 3 гадамі і 6 месяцамі пазбаўлення волі незаконны і палітычна матываваны. 2. Мікіта Ліхавід з’яўляецца палітычным вязнем, у сувязі з чым Праваабарончы цэнтр “Вясна” настойвае на яго апраўданні і неадкладным вызваленні.

30.03.2011 Валянцін Стэфановіч: «Пасля 19 снежня мы жывем у іншай рэчаіснасці»

Беларускія праваабаронцы канстатуюць, што «палітычна-крымінальны пераслед набірае абароты: прад’яўлена абвінавачванне па падзеях 19 снежня яшчэ аднаму кандыдату ў прэзідэнты Дзмітрыю Усу, перакваліфікавана абвінавачванне ў дачыненні да экс-кандыдата Мікалая Статкевіча. У межах заведзенай крымінальнай справы працягваліся допыты і ператрусы. Асцерагаючыся новага арышту, Беларусь пакінуў вызвалены раней пад падпіску аб нявыездзе Алесь Міхалевіч». Ці прадбачыцца «святло ў канцы тунэлю» — падзяліцца сваімі меркаваннямі на гэты конт журналіст «НЧ» Вольга Хвоін папрасіла юрыста праваабарончага цэнтру «Вясна» Валянціна Стэфановіча.

30.03.2011 Заява ГА «БАЖ» з нагоды ўзмацнення ціску на журналістаў (канец сакавіка 2011 г.)

Цягам апошніх дзён у Беларусі зноў рэзка пагоршылася становішча са свабодай журналісцкай дзейнасці.

30.03.2011 Дзяўчат білі нагамі ў жывот

Марыю Квіцінскую і Касю Далідовіч 25 сакавіка збілі ў апорным пункце міліцыі. Іх павалілі на падлогу, а супрацоўнік у цывільным пачаў біць дзяўчат нагамі.

30.03.2011 Украінцы пачалі кампанію за адкрыты ўезд у Беларусь

Актывісты Украіны 29 сакавіка пачалі ў Украіне грамадзянскую кампанію "За адкрыты ўезд у Рэспубліку Беларусь". Ідэя кампаніі ўзнікла ў сувязі з частымі выпадкамі выправаджэння грамадзян Украіны і Расіі з Беларусі. Падставай для выправаджэння з'яўляецца тое, што прозвішча чалавека знаходзіцца ў нейкіх спісах "неўяздных".

30.03.2011 Класкоўскі азнаёміўся са сваёй справай

Аляксандр Класкоўскі-малодшы разам з адвакатам Ірынай Бурак завяршылі знаёмства з матэрыяламі крымінальнай справы. У бліжэйшыя тыдні два крымінальная справа можа паступіць у суд. Пра гэта "Беларускаму партызану" паведаміў бацька абвінавачанага, журналіст Аляксандр Класкоўскі.

30.03.2011 Справы Статкевіча і Вуса рыхтуюць у суд

29 сакавіка ўпраўленьне папярэдняга расьсьледаваньня ГУУС Менгарвыканкама перадало ў пракуратуру Менску для накіраваньня ў суд матэрыялы крымінальнай справы ў дачыненьні да экс-кандыдатаў у прэзыдэнты Мікалая Статкевіча і Дзмітрыя Вуса.

30.03.2011 “Міжнародная амністыя” абвясьціла Мікіту Ліхавіда вязьнем сумленьня

Праваабарончая арганізацыя “Міжнародная амністыя” выступіла з асуджэньнем апошніх прысудаў, вынесеных беларускімі судамі палітычным актывістам Зьмітру Дашкевічу, Эдуарду Лобаву і Мікіту Ліхавіду.

29.03.2011 Прысуд Мікіту Ліхавіду: 3 гады і 6 месяцаў калоніі ўзмоцненага рэжыму

Пазбаўленне волі на 3 гады і 6 месяцаў у калоніі ўзмоцненага рэжыму – такі прысуд Мікіту Ліхавіду агучаны ў судзе Партызанскага раёна Менска. Праваабаронцы настойваюць на тым, што ў судзе не было ні доказаў віны асуджанага, ні доказаў таго, што 19 снежня на плошчы Незалежнасці мелі месца масавыя беспарадкі.

29.03.2011 Зняволеныя анархісты знаёмяцца з матэрыяламі справы

Зняволеныя актывісты анархісцкага руху Ігар Аліневіч, Мікалай Дзядок, Максім Веткін і Аляксандр Францкевіч знаёмяцца з матэрыяламі справы. Тэрмін азнаямлення скончыцца 12 красавіка, затым справу перададуць у суд.

29.03.2011 Маладэчна. Арганізатар датэрміновага галасавання адпраўлены “ў адстаўку”

Стала вядома, што на маладэчанскім СП "Мінскі мэблевы цэнтр” змяніўся намеснік дырэктара па ідэалогіі. Як сцвярджаюць кампетэнтныя асобы, гэта было наступствам выбарчай кампаніі. Галоўны ідэолаг ММЦ спадар Цюракін М.А. стаў вядомым пасля таго, як арганізаваў на прадпрыемстве датэрміновае галасаванне супрацоўнікаў са строгай справаздачнасцю.

29.03.2011 Сіхем Бэн Седрын: "Я б хацела сказаць некалькі словаў пра Беларусь" (відэа)

Відэавыступ Сіхем Бэн Седрын (Sihem Bensedrine), Спікера Нацыянальнага Савета за асноўныя свабоды ў Тунісе (CNLT), у падтрымку Віцэ-прэзідэнта FIDH і Старшыні праваабарончага цэнтра “Вясна” Алеся Бяляцкага. А таксама тэкст рэзалюцыі па сітуацыі ў Беларусі, прынятай 18 сакавіка на міжнароднай канферэнцыі “Пераход да дэмакратыі у Тунісе” (17-20 сакавіка 2011 года).