Праваабарончы цэнтр «ВЯСНА»

Навіны за 21 сакавіка 2011

21.03.2011 Падаткавікоў зацікавілі прыбыткі праваабаронцы

Сёння, 21 сакавіка, у Інспекцыю па падатках і зборах па Маладэчанскім раёне быў выкліканы праваабаронца Алесь Капуцкі, дзе яму ўручылі патрабаванне аб прадастаўленні дэкларацыі аб даходах і маёмасці.

21.03.2011 Водгукі выбарчай кампаніі: З пекара ў прыбіральшчыцы

Сябра партыі “Справядлівы свет” з Давыд-Гарадка Вольга Кецько за сяброўства ў выбарчай камісіі ад партыі “Справядлівы свет” была пераведзена дырэктарам хлебазавода Надзеяй Скрабец з пекара на пасаду прыбіральшчыцы вытворчых памяшканняў.

21.03.2011 Следчаму аддалі загад сфатаграфаваць апазіцыянера

Віктара Бузінаева выклікаюць заўсёды па адной прычыне: яго тэлефон быў зафіксаваны ў раёне плошчы Незалежнасці 19 снежня. Ён ужо тройчы наведаў КДБ, пасля чаго яго настойліва пачалі запрашаць на допыт у Мінск. Пра іншыя спробы правесці “фотасесіі” з бабруйскімі актывістамі пакуль нічога невядома.

21.03.2011 У Полацку і Наваполацку пікеты 25 сакавіка не дазволены

У Наваполацку прычынай адмовы назвалі жаданне заяўніка Яўгена Парчынскага падтрымаць падчас акцыі на Дзень Волі палітвязняў. Наваполацкі гарвыканкам заявіў, што 19 снежня ў Мінску прайшла антыканстытуцыйная акцыя, і салідарнасць з палітвязнямі дэманстраваць забаронена.

21.03.2011 Прычына адмовы ў пікеце да Дня Волі – акцыя па барацьбе з туберкулёзам

Віцебскі сябар АГП Сяргей Салодкін атрымаў адмову на правядзенне пікета да Дня Волі ў Парку культуры і адпачынку чыгуначнікаў. Яму напісалі, што якраз у тым самым парку ўвечары 25 сакавіка раённы аддзел аховы здароўя будзе змагацца з турберкулёзам – праводзіць сваю акцыю.

21.03.2011 “Вясна” супраць забароны і цэнзуравання выступаў беларускіх музыкаў і творцаў

Праваабарончы цэнтр “Вясна” прыняў заяву з нагоды аднаўлення антыканстытуцыйнай практыкі забароны і цэнзуравання выступаў музычных гуртоў і выканаўцаў. Праваабаронцы гатовыя дапамагчы забароненым творцам у адстойванні канстытуцыйных правоў.

21.03.2011 Інга Абрамава і Раман Кісляк дамагліся ўвядзення ў штат ІЧУ жанчын–міліцыянераў

Праваабаронца Раман Кісляк атрымаў паведамленне з Ленінскага РАУС горада Брэста, з якога вынікае, што зараз у штаце ІЧУ працуюць супрацоўнікі жаночага полу. Гэта стала рэакцыяй на скаргу Інгі Абрамавай у Камітэт па ліквідацыі дыскрымінацыі ў адносінах да жанчын ААН, дзе яна паведамляла пратое, што жаночыя камеры абслугоўваюцца выключна мужчынамі.

21.03.2011 Барысаўскі выканкам ужо не адмаўляе ў пікетах, а забараняе іх

У Барысаве пікеты ў падтрымку палітвязняў, якія планавалася правесці 19 і 25 сакавіка, апынуліся пад забаронай мясцовага райвыканкама. Калі раней пісалася: «вам адмоўлена ў правядзенні», то зараз напісана: «Паведамляем, што Барысаўскі райвыканкам ЗАБАРАНЯЕ Вам правядзенне мерапрыемстваў».

21.03.2011 Наталья Ільініч зноў звяртаецца ў суд

Звольненая з працы настаўніца гісторыі Талькаўскай сярэдняй школы Наталля Ільініч рыхтуе касацыйную скаргу ў Мінскі абласны суд на рашэнне Пухавіцкага раённага суда, які адмовіў у патрабаванні аднавіць яе на працы.

21.03.2011 На Валадарцы па-ранейшаму выкарыстоўваюць “камеру катаванняў”

Праваабаронцы ўжо паведамлялі пра камеру № 69 у Следчым ізалятар № 1 па вул. Валадарскага ў Менску. Туды, у неналежныя ўмовы ўтрымання, спецыяльна змяшчалі вязняў, якія адмаўляліся супрацоўнічаць са следствам па палітычна матываваных справах. Па некаторай інфармацыі, на сённяшні дзень да такіх людзей пачалі ўжывацца новыя формы ціску.

21.03.2011 Абвіначваньне Дзмітрыю Дароніну пакуль не прад’яўленае

Дзмітрыю Дароніну, які быў затрыманы 14 сакавіка на сваім працоўным месцы і на трое сутак зьмешчаны ў ізалятар часовага ўтрыманьня па вул.Акрэсціна, 17 сакавіка працягнулі тэрмін утрыманьня пад вартай да 10 сутак.

21.03.2011 Барыс Звозскаў: “Не хоча ўлада прызнаваць памылкі”

Беларускія грамадзяне, правы якіх парушаюцца, шмат церпяць ад таго, што не ведаюць, куды можна яшчэ звярнуцца, каб узнавіць справядлівасць, калі ўнутры дзяржавы ўсе механізмы вычарпаны. Як і дзе можна дабіцца аднаўлення парушаных правоў чалавека на міжнародным узроўні -- расказвае вядомы ў Беларусі праваабаронца Барыс Звозскаў.

21.03.2011 Рэгіянальныя СМІ -- ні слова пра лёс былых кандыдатаў

Для жыхара Маладэчна, чыёй пераважнай крыніцай інфармацыі з’яўляюцца афіцыйныя мясцовыя СМІ, не існуе ні палітвязняў, ні палітуцекачоў, ні нават апанентаў дзеючаму прэзідэнту.

21.03.2011 Гомельскія ўлады забаранілі праводзіць пікеты салідарнасці з палітзняволенымі

Чатыры актывісты грамадзянскай кампаніі «Гавары праўду» атрымалі адмову з Гомельскага гарвыканкаму на заяўкі аб правядзенні пікетаў салідарнасці з палітзняволенымі. Масавыя мерапрыемствы былі запланаваныя на 25 сакавіка — Дзень Волі.

21.03.2011 Супрацоўніцтва са спецслужбай ўзамен на рэгістрацыю ў Мінюсце

Кіраўнік Міжнароднага культурна-асьветніцкага грамадзкага аб'яднаньня "Цэнтр разьвіцьця валанцёрства" Мікалай Кванталіані заявіў, што КДБ схіляе яго да супрацоўніцтва.