Праваабарончы цэнтр «ВЯСНА»

Навіны за 6 ліпеня 2011

06.07.2011 Ці дазволяць прадуктовыя перадачы адміністратыўна арыштаваным?

Зварот на гэты конт у Нацыянальны цэнтр заканадаўства і прававых даследаванняў накіроўвала праваабаронца Ксенія Дубіцкая. Па выніках разгляду паведамлення ёй адказалі, што ў законапраект аб змене адміністратыўнага кодэкса былі ўнесены адпаведныя змены.

06.07.2011 Сайт “Вясны” – у “чорным спісе”

Усяго ў гэтым спісе значыцца 13 сайтаў і інтэрнэт-старонак выданняў, якія забараняецца адкрываць падчас працоўнага дня супрацоўнікам дзяржустановаў. Таксама дадзены пералік выданняў, якім “рэкамендавана” не даваць каментароў.

06.07.2011 Алегу Сургану далі 5 сутак арышту

Суд Кастрычніцкага раёну Віцебску прызнаў яго вінаватым у дробным хуліганстве. Спадара Сургана затрымалі 3 ліпеня на падыходзе да плошчы Перамогі, дзе праходзіла мінулая акцыя маўклівага пратэсту.

06.07.2011 Штраф за футболку з надпісам

Гомельскага прадпрымальніка, сябра АГП Уладзімера Няпомняшчых аштрафавалі сёньня на 350 тысяч рублёў. Пастанову на падставе міліцэйскага пратаколу вынес судзьдзя Чыгуначнага раёну Гомеля Ільля Сьвірыдаў.

06.07.2011 Ператрусы ў брэсцкіх адмінаў групы «Вконтакте»

Абшукалі кватэры Яўгена Скрабца і Сяргея Алексіевіча.

06.07.2011 У Гародні працягваюцца суды над удзельнікамі акцыі 3 ліпеня

6 ліпеня ў Ленінскім раённым судзе Гародні працягваюцца суды над удзельнікамі мірнай маўклівай акцыі "Рэвалюцыя ў сацыяльных сетках", якая адбывалася 3 ліпеня. Працэсы вядуць суддзі Наталля Козел, Ганна Леўсік і Дзмітрый Кедаль. З раніцы судовыя паседжанні над некалькімі ўдзельнікамі былі перанесены на пазнейшыя тэрміны.

06.07.2011 У Віцебску – яшчэ адна справа за 3 ліпеня

Усевалада Жураўлёва будуць судзіць за ўдзел у несанкцыянаваным шэсьці. Дата суду пакуль невядомая.

06.07.2011 Праваабаронцы абмеркавалі са спецдакладчыкамі ААН сітуацыю ў Беларусі

Прадстаўнікі праваабарончых арганізацый - Беларускага Хельсінкскага камітэта, Праваабарончага цэнтра “Вясна”, Цэнтра прававой трансфармацыі, Беларускай асацыяцыі журналістаў і Камітэта абароны рэпрэсаваных “Салідарнасць” - на мінулым тыдні наведалі Упраўленне Вярхоўнага камісара ААН па правах чалавека (УВКПЧ) у Жэневе.

06.07.2011 Віцебскага актывіста тэрмінова судзяць

Алега Сургана, затрыманага 3 ліпеня, пад прымусам адвезьлі ў Кастрычніцкі раённы суд. Міліцыянт, які суправаджаў затрыманага ў службовым аўто, патлумачыў: загад аддадзены начальнікам міліцыі грамадзкай бясьпекі Кастрычніцкага райадзьдзелу Аляксандрам Каліноўскім.

06.07.2011 Апублікаваныя “Акрэсцінскія сьпісы”

На Акрэсціна вывешаныя спісы пакараных арыштамі удзельнікаў «маўклівай рэвалюцыі» 3 ліпеня ў Менску. Пра гэта павежамляе ў ЖЖ m-dziatlik. У гэтых спісах 104 прозвішчы. Па звестках праваабаронцаў усяго было затрымана каля 150 чалавек. Вечарам і ўначы 3 ліпеня на волю з РУУСаў адпусцілі непаўнагадовых, жанчын і некалькі журналістаў.

06.07.2011 У Гомелі міліцыя затрымала сябра АГП

У Гомелі на вуліцы Перамогі міліцыя ўчора затрымала прадпрымальніка, сябра АГП Уладзімера Няпошняшчых.

06.07.2011 У Берасьці вобшукі ў актывістаў сеткавай рэвалюцыі

Шаснаццацігадовы актывіст зь Берасьця Сяргей Алексіевіч, які зьяўляецца адміністратарам суполкі сеткавай рэвалюцыі «ВКонтакте» паведаміў, што сёньня, 5 ліпеня, да яго ў кватэру прыходзілі з вобшукам. Ён асабіста пры вобшуку не прысутнічаў, аднак маці паведаміла, што быў выняты кампутар, шукалі любыя электронныя носьбіты інфармацыі.

06.07.2011 Суды ў Слуцку прызначаныя на 14 ліпеня

У Слуцку прызначаная дата суду па адміністрацыйных справах удзельнікаў маўклівай акцыі 3-га ліпеня. Як паведаміла «Свабодзе» тутэйшая грамадзкая актывістка Зінаіда Цімошык, 14 ліпеня будуць судзіць Юлію Балакір і Віталя Амяльковіча. Удакладняе спадарыня Цімошык: