Праваабарончы цэнтр «ВЯСНА»

Навіны за 20 ліпеня 2011

20.07.2011 У клубе "6А" затрымалі зь невядомых прычынаў больш за 10 чалавек

Прыкладна каля 21 гадзіны падчас канцэрту ў клубе "6А" ў Менску затрымалі і даставілі ў Ленінскі РАУС больш за 10 чалавек. Нагодай для затрыманьня стала нібыта праверка на алкаголь.

20.07.2011 20 ліпеня ў рэгіёнах: адзінкавыя затрыманні “маўклівых”

Сёння ў беларускіх гарадах і мястэчках удзельнікі “Рэвалюцыі праз сацыяльныя сеткі” збіраліся на цэнтральных плошчах. Удзельнікаў дзевятай па ліку акцыі маўклівага пратэсту былі дзесяткі, затрыманняў – адзінкі.

20.07.2011 Затрыманьні на “маўклівай акцыі” 20 ліпеня ў Менску (абнаўляецца)

У Менску прайшла чарговая акцыя “маўклівага пратэсту”. Удзельнікі сабраліся на Кастрычніцкай плошчы. Навакольныя вуліцы і двары былі запоўненыя міліцыянтамі, АМАПаўцамі і асобамі ў цывільным. Скрайняя левая паласа дарогі ўздоўж праспекта Незалежнасьці перакрытая.

20.07.2011 Сяржук Алексіевіч уцёк ад міліцыянтаў

Пра гэта брэсцкі актывіст сам паведаміў Еўрарадыё.

20.07.2011 У Брэсце затрыманы непаўналетні Сяржук Алексіевiч

Як паведамiў грамадскi актывiст Iван Стасюк, хлопца проста трымаюць у пастарунку без складання пратакола. Прычына затрымання невядомая. Таксама Сержука пазбавiлi магчымасцi патэлефанаваць бацькам.

20.07.2011 Кантакты праваабаронцаў у Мінску і рэгіёнах

З вашай дапамогай мы зможам весці больш якасны маніторынг сітуацыі з правамі чалавека па ўсёй краіне і распаўсюджваць больш дакладную інфармацыю. Каб паведаміць пра незаконныя затрыманні і іншыя факты пераследу грамадзянаў у рэгіёнах Беларусі, звяртайцеся, калі ласка, да мясцовых праваабаронцаў, журналістаў і валанцёраў, чые кантакты падаюцца ніжэй.

20.07.2011 Генпракурор лічыць, што супрацоўнікі органаў унутраных спраў павінны быць у форме

Правы журналістаў не могуць парушацца, заявіў на прэс-канферэнцыі генпракурор Беларусі Рыгор Васілевіч. “На адрас міністра ўнутраных спраў я накіраваў ліст, дзе адзначыў, што ёсць правы ў журналістаў, яны замацаваныя ў Законе "Аб сродках масавай інфармацыі", у тым ліку ў артыкуле 34 – больш дэталёва. Я падкрэсліў, што правы журналістаў не могуць парушацца”.

20.07.2011 Зміцер Дашкевіч сустракае юбілей у карцары

Сёння Наста Палажанка паехала ў горацкую калонію, каб павіншаваць Змітра Дашкевіча з 30-годзьдзем. Аднак замест спаткання з палітвязнем дзяўчына даведалася непрыемную навіну і выслухала шматлікія абразы ў сваю адрэсу ад кіраўніка калоніі А.Кавалёва.

20.07.2011 Актывістка гей-руху Наталля Прадзед арыштаваная на 10 сутак

Такім чынам яе пакаралі за несанкцыянаванае мерапрыемства. Пра гэта паведаміў у жывым эфіры Еўрарадыё актывіст ЛГБТ-руху Сяргей Прадзед.

20.07.2011 Менскія пенсіянеры патрабуюць пакарання для міліцыянтаў, якія іх збівалі

Скаргі ў пракуратуру накіравалі менчукі Уладзімір Марозаў, якога душылі да страты прытомнасці 6 ліпеня ля будынку Нацыянальнай бібліятэкі, і Святлана Вяргейчык, якую ў той жа вечар білі пры затрыманні на плошчы каля ДК Чыгуначнікаў. Абодва пацярпелыя маюць сур'ёзныя праблемы са здароўем, што магло прывесці да незваротных наступстваў. Але хапунам у цывільным, здаецца, усё чалавечае чужое.

20.07.2011 Новы сайт пра палітвязьняў Беларусі

Распачаў працу новы інтэрнэт-сайт, прысьвечаны палітычным зьняволеным у Беларусі. Стваральнікі старонкі актыўна працуюць над распаўсюдам інфармацыі пра беларускіх палітзьняволеных, падымаюць гэтую тэму сярод дэпутатаў Еўрапейскага парламенту ды ў іншых міжнародных структурах.

20.07.2011 Лябедзька пацьвердзіў пра катаваньні ў КДБ ваеннай пракуратуры

Старшыня Аб'яднанай грамадзянскай партыі Анатоль Лябедзька сёньня знаходзіўся ў ваеннай пракуратуры Беларусі.

20.07.2011 Міліцыя трымае магілёўскіх “маўчуноў” пад пільным кантролем

У пачатку кожнага тыдня іх з прафілактычнай гутаркай наведваюць супрацоўнікі міліцыі.

20.07.2011 Катаваньні ў салігорскім ізалятары

Увечары 19 ліпеня, на шостыя суткі арышту, маладафронтаўца Івана Шылу шпіталізавалі. Маладзён быў дастаўлены ў Салігорскі скурвэндыспансэр з-за абвастрэньня алергічнай хваробы, якую ён займеў у беларускім войску пад час палітпрызыву.