Праваабарончы цэнтр «ВЯСНА»

Навіны за 4 ліпеня 2011

04.07.2011 У Менску судзяць затрыманых 3 ліпеня (абнаўляецца)

Сёньня ў Менску распачнуцца суды над затрыманымі падчас параду і пратэстных акцыяў 3 ліпеня. Агулам у сталіцы было затрымана прыкладна 160 чалавек. Пакуль у канцылярыях судоў няма дакладнай інфармацыі пра разгляд справаў у дачыненьні канкрэтных затрыманых.

04.07.2011 Рух "За Свабоду" звярнуўся ў МУС у сувязі з нападамі невядомых на мінакоў

Рух "За Свабоду" звярнуўся ў МУС Беларусі ў сувязі з тым, што «апошнім часам фіксуюцца шматлікія факты нападу невядомых грамадзян на мінакоў ў розных гарадах краіны.

04.07.2011 Суды ў рэгіёнах (абнаўляецца)

БЕРАСЬЦЕ: Паводле праваабаронцы Рамана Кісьляка, сёньня адбываюцца суды над грамадзкімі актывістамі Іванам Стасюком, Аляксандрам Чаркашыным і Артурам Анісімавым. Усе абвінавачваюцца ў дробным хуліганстве. Артур Анісамаў ужо асуджаны на 6 сутак арышту.

04.07.2011 Гомель: прысуды ўдзельнікам "маўклівай" акцыі

Судзьдзя Цэнтральнага суда Гомеля Алена Цалкова на падставе адміністрацыйных пратаколаў, складзеных у Цэнтральным РАУСе за лаянку й парушэньне грамадзкага парадку, пакарала арыштамі: на 15 сутак — праваабаронцу Анатоля Паплаўнага, на 2 сутак — Валера Хамутоўскага і Зьмітра Сьцепанца.

04.07.2011 Артура Анісімава ў Берасьці асудзілі на 6 сутак

Берасцейскага грамадскага актывіста Артура Анісімава, пасля заслухання двух сведак, суддзя Харытанюк прысудзіла да шасці сутак адміністрацыйнага арышту.

04.07.2011 Ігар Банцар атрымаў 10 сутак арышту

Ігар Банцар пакараны адміністратыўнам арыштам у выглядзе 10 сутак, ён аб’явіў галадоўку, але сказаў, што будзе піць і таму яго жонка збіраецца прынесці яму сокі, ваду.

04.07.2011 Міністр Дэвід Лідынгтан: Вялікабрытанія працягне барацьбу за захаваньне правоў чалавека ў Беларусі

На сустрэчы з прадстаўнікамі арганізацыі Index on Censorship брытанскі міністр па справах Еўропы Дэвід Лідынгтан зрабіў заяву: "Вялікабрытанія будзе па-ранейшаму знаходзіцца на пярэднім краі барацьбы міжнароднай супольнасьці за захаваньне правоў чалавека і дэмакратыю ў Беларусі".

04.07.2011 Ж.Літвіна: Мы патрабуем ад улады тлумачэння збіцця журналістаў

Беларуская асацыяцыя журналістаў жорстка асуджае збіццё, затрыманне і атручванне слезацёчным газам удзельнікаў акцыі супрацоўнікамі сілавых органаў 3 ліпеня ў Мінску і іншых гарадах Беларусі.

04.07.2011 Удзельнікаў маўклівай акцыі ў Гародні будуць судзіць сёння

Па учарашніх звестках, у Гародні было затрымана не менш 120 чалавек. Прынамсі такая лічба была чутна з міліцэйскіх рацый.

04.07.2011 2 ліпеня Рагачоўскі раённы суд вынес вырак па адміністрацыйнай справе кіраўніка мясцовай філіі БХД Дзяніса Дашкевіча.

2 ліпеня Рагачоўскі раённы суд вынес вырак па адміністрацыйнай справе кіраўніка мясцовай філіі БХД Дзяніса Дашкевіча.

04.07.2011 15 адміністратыўных пратаколаў складзена ў Магілёве

Падчас правядзення "маўклівай" акцыі пратэсту, арганізаванай праз сацыяльныя сеткі ў інтэрнэце ў Магілёве было затрымана 15 чалавек. Шасцёра з іх былі адпушчаныя позна вечарам. Апошнім з пастарунку вызвалілі праваабаронцу Барыса Бухеля. На ўсіх затрыманых удзельнікаў акцыі пратэсту былі складзеныя пратаколы аб адміністратыўным правапарушэнні па арт 23.34 КаАП РБ (удзел у масавым мерапрыемстве).