Праваабарончы цэнтр «ВЯСНА»

Навіны за 13 ліпеня 2011

13.07.2011 Хроніка "маўклівай акцыі" ў Менску 13 ліпеня (абнаўляецца)

На ўсіх затрыманых складзеныя пратаколы за дробнае хуліганства (арт. 17.1 КаАП РБ), іх адвезьлі ў Цэнтр ізаляцыі правапарушальнікаў на Акрэсьціна. Заўтра маюць адбыцца суды. Дакладная колькасьць затрыманых пакуль невядомая.

13.07.2011 “Маўклівая серада” 13 ліпеня ў рэгіёнах (абнаўляецца)

13 ліпеня ў рэгіёнах Беларусі акцыі маўклівага пратэсту таксама праходзяць у змененым фармаце, аднак месцам збору шмат дзе застаюцца цэнтральныя гарадскія плошчы, а таксама дадаюцца буйныя гандлёвыя кропкі. Шмат у якіх буйных гарадах плошчы агароджаны турнікетамі альбо ачэплены міліцыяй. Ёсць звесткі пра затрыманні.

13.07.2011 У Брусэлі абмеркавалі сытуацыю з правамі чалавека ў Беларусі

Сёньня ў Брусэлі на супольным пасяджэньні камітэтаў Эўразьвязу па міжнародных пытаньнях і па пытаньнях правоў чалавека ішла гаворка аб сытуацыі ў Беларусі. На паседжаньні прысутнічаў Алесь Бяляцкі, старшыня беларускага праваабарончага цэнтру «Вясна».

13.07.2011 Віцебскага сябру БХД звольнілі з "Белвеста" за акцыі па серадах

З сябрам аргкамітэту БХД Зміцерам Літвіном з Віцебска не працягнуты кантракт на прадпрыемстве "Белвест". Прычынай звальнення сталі размовы Зміцера са сваімі супрацоўнікамі і запрашэнне далучыцца да маўклівых акцыяў па серадах. Пра прэс-службе БХД гэта паведаміла віцебская абласная каардынатарка БХД Таццяна Севярынец:

13.07.2011 Асамблея няўрадавых дэмакратычных арганізацый Беларусі зарэгістраваная ў Літве

Асамблея НДА аб'ядноўвае каля 300 грамадскіх арганізацый, фондаў і іншых некамерцыйных структур. Зарэгістравацца на тэрыторыі Беларусі прадстаўнікі асамблеі спрабавалі тройчы, але кожны раз атрымлівалі адмову Міністэрства юстыцыі.

13.07.2011 КДБ здабывае інфармацыю пра «маўклівыя» акцыі праз журналістаў?

Пасля сённяшняга паходу ў КДБ карэспандэнту газеты «Белорусы и рынок» Ігару Ільяшу «настойліва не рэкамендавалі» разгалошваць дэталяў размовы.

13.07.2011 Ля Жодзінскага ізалятара чарга людзей з перадачамі

Каля ізалятара ў Жодзіна не скарачаецца чарга людзей, якія спрабуюць перадаць перадачу сваім затрыманым родным. У панядзелак менавіта сюды – за 60 кіламетраў ад Мінску – перавезлі ўсіх асуджаных за ўдзел у маўклівых акцыях пратэсту на вуліцах беларускай сталіцы 3 і 6 ліпеня.

13.07.2011 Андрэй Пачобут падаў касацыйную скаргу ў Гродзенскі абласны суд

Журналіст польскай «Газеты выборчай» Андрэй Пачобут 13 ліпеня падаў касацыйную скаргу ў Гродзенскі абласны суд на прысуд суда Ленінскага раёна Гродна ад 5 ліпеня.

13.07.2011 Маці затрыманага маленькага хлопчыка не можа паскардзіцца на міліцыю

Вольга Чайчыц са Смалявічаў атрымала адказ на скаргу ў пракуратуру наконт затрымання 3 ліпеня яе паўтарагадовага сына Яна. Адказ чамусьці прыйшоў з суда.

13.07.2011 Зняволеныя анархісты вырашылі ажаніцца

Двое з асуджанных «па справе анархістаў» Мікалай Дзядок і Аляксандр Францкевіч вырашылі ўзяць шлюб за кратамі са сваімі абраніцамі. Мікалай зараз находзіцца ў папраўчай калоніі № 15 у Магілёве, а Аляксандр – у «Воўчых норах» пад Івацэвічамі.

13.07.2011 Брэстчанін прызывае не парушаць правы чалавека

Брэстчанін Павел Казлоў звярнуўся да Савета Міністраў Рэспублікі Беларусь. У звароце брэстчанін просіць прызначыць у краіне чалавека, адказнага за прадстаўніцтва ў Камісіі па правах чалавека краін СНД, паколькі, як высветлілася, такога чалавека няма.

13.07.2011 Зміцер Бандарэнка: Або ў «зону», або аперацыя

Палітвязня паставілі ў СІЗА МУС перад жорсткім выбарам.

13.07.2011 Андрэя Саннікава перавялі ў горшую камеру

Стан здароўя кандыдата ў прэзідэнты таксама пагоршыўся.

13.07.2011 Журналіста газеты «Белорусы и рынок» выклікаюць у КДБ

Як распавёў прэс-службе БАЖ журналіст «Белорусов и рынка» Ігар Ільяш, сёння раніцай яму патэлефанаваў мужчына, які назваўся супрацоўнікам КДБ і запрасіў рэпарцёра на сустрэчу а 14.00.

13.07.2011 Даклад дакладчыка АБСЕ па Беларусі ў рамках Маскоўскага механізму (+ тэкст дакумента)

Прафесар Эмануэль Дэко ў працэсе падрыхтоўкі даклада праз адмову Беларусі супрацоўнічаць з місіяй не змог наведаць Менск. Але ён правёў інтэнсіўныя кансультацыі ў Парыжы, Жэневе, Вене, Варшаве і Вільнюсе з міжнароднымі арганізацыямі, прадстаўнікамі дыпламатычнай супольнасці, няўрадавых арганізацый і грамадзянскай супольнасці.