Праваабарончы цэнтр «ВЯСНА»

Навіны за 9 лютага 2012

09.02.2012 Суд над Сяргеем Каваленкам прызначаны на 21 лютага

Пачатак працэсу ў 10.30. Як паведаміў сваякам віцебскага актывіста ягоны адвакат, у Першамайскім райсудзе Віцебску запланаваныя 4 судовыя пасяджэнні – 21, 22, 23 і 24 лютага. Суддзя Алена Жук будзе разглядаць крымінальную справу, распачатую паводле артыкула 415 "Ухіленне ад адбывання пакарпання".

09.02.2012 Канстытуцыйны суд адмовіўся разглядаць зварот Любові Кавалёвай

Любоў Кавалёва звярталася з просьбай вынесці рашэнне аб прызнанні неканстытуцыйным палажэння Крымінальна-выканаўчага кодэкса РБ, якое не прадугледжвае прыпынення выканання смяротнага пакарання ў сувязі з падачай і рэгістрацыяй індывідуальнага паведамлення ў Камітэт па правах чалавека ААН.

09.02.2012 Пракуратура абвяргае наяўнасць “чорных спісаў” (дакумент)

У мінулым месяцы галоўны рэдактар “Бабруйскага кур’ера” Анатоль Санаценка напісаў скаргу ў пракуратуру. Ён прасіў патлумачыць яму частыя візіты міліцыянтаў і наяўнасць “чорнага спіса”, у які ўваходзяць мясцовыя незалежныя журналісты і грамадскія актывісты.

09.02.2012 Дырэктар Магілёўскага праваабарончага цэнтру просіць прыцягнуць да адказнасці чыноўнікаў

“На працягу апошніх трох гадоў жыхары суседніх дамоў неаднаразова звярталіся ў МПЦ па пытанні раскраданя і падпалаў дамоў №15 і 17, якія з’яўляюцца гісторыка-культурнай каштоўнасцю. Уся праблема гэтых дамоў пачалася пасля таго, як з іх перасялілі жыхароў, і яны сталі нежылымі".

09.02.2012 Актывіста АГП ставяць на "прафілактычны ўлік"

8 лютага маладзёжнаму актывісту АГП Аляксандру Сцепаненку паступіў званок з Першамайскага РУУС з прапановай зайсці ў РУУС для азнаямлення з пастановай аб пастаноўцы яго на прафілактычны ўлік.

09.02.2012 Праца "Вясны" працягваецца як і раней (відэа)

Пасля адмовы ў задавальненні касацыйнай скаргі старшыні Праваабарончага цэнтру "Вясна" Алеся Бяляцкага крымінальны прысуд Першамайскага райсуду Менску ад 24.11.2011 набыў законную сілу: 4 з паловай гады калоніі ўзмоцненага рэжыму з канфіскацыяй маёмасці. І хоць перад праваабаронцамі паўстала рэальная пагроза пазбаўлення офіснага памяшкання, пакуль арганізацыя знаходзіцца па старым адрасе.

09.02.2012 Пракурор Бялыніцкага раёна крытыкуе працу праваахоўных органаў

Пракурор Бялыніцкага раёна Міхаіл Андросенка выказвае крытычныя меркаванні наконт працы супрацоўнікаў кантралюючых і праваахоўных органаў у выяўленні правапарушэнняў і злачынстваў карупцыйнай накіраванасці.

09.02.2012 Зняволеныя застануцца без цёплага адзення

Зняволеным у беларускіх турмах забароняць перадаваць цёплыя рэчы. З 1 студзеня наступнага года зімовую вопратку асуджаныя змогуць набываць выключна ў адмысловых крамах на тэрыторыі папраўчай установы.

09.02.2012 Маці і сястра Уладзіслава Кавалёва даслалі каментары да скаргі ў Камітэт па правах чалавека ААН

Маці і сястра асуджанага да смяротнага пакарання Уладзіслава Кавалёва накіравалі ў Камітэт па правах чалавека ААН свае аргументы да каментароў урада Рэспублікі Беларусь.

09.02.2012 Статкевіча трымаюць як небяспечнага крымінальніка

Палітычны зняволены кандыдат у прэзідэнты Мікалай Статкевіч з магілёўскай турмы піша, што трымаюць яго там як асабліва небяспечнага крымінальніка.

09.02.2012 «Рэпартэры бязь межаў» супраць паклёпу БТ

Міжнародная праваабарончая арганізацыя «Рэпартэры бязь межаў» асудзіла распачатую беларускім дзяржаўным тэлебачаньнем кампанію паклёпу супраць Беларускай асацыяцыі журналістаў (БАЖ).

09.02.2012 Камісія не рэкамендавала датэрмінова вызваліць Зміцера Бандарэнку

Сёння, 9 лютага, стала вядома, што камісія па ўмоўна-датэрміноваму вызваленню не будзе рэкамендаваць вызваліць палітзняволенага Зміцера Бандарэнку датэрмінова. Пра гэта паведаміла жонка палітвязня Вольга Бандарэнка пасля візіту ў Магілёўскую папраўчую калонію №15.

09.02.2012 Следчы камітэт праверыць правамернасць дзеянняў міліцыянтаў па скарзе Святланы Вяргейчык

Ці панясуць крымінальную адказнасць за перавышэнне службовых паўнамоцтваў супрацоўнікі Кастрычніцкага УУС Менску? Пенсіянерка Святлана Дзмітрыеўна неадступна патрабуе пакарання для міліцыянтаў, ад рук якіх яна пацярпела – не толькі маральна, але і фізічна.

09.02.2012 За распаўсюд інфармацыі ў СМІ пра намер распачаць страйк брэсцкім рэалізатарам “Суперлато” пагражаюць звальненнем

Кіраўнік Брэсцкага філіяла Нацыянальных спартыўных латарэй Ала Лукіна пачала выклікаць рэалізатараў на размову і папярэджвала, што за “дыскрэдытацыю арганізацыі” яны могуць быць неўзабаве звольненыя, бо не з’яўляюцца штатнымі супрацоўнікамі і дзейнічаюць паводле грамадзянска-прававых дамоў.

09.02.2012 У Слоніме эканомяць на ацяпленні

Такая “эканомія” у горадзе ўзнікла ўпершыню. Сотні жыхароў Слоніма тэлефануюць у мясцовае ЖРЭА з пытаннямі: чаму ў іх кватэрах на Брэсцкай вуліцы, вуліцах Скарыны, Тапалёвай, Яршова і іншых холадна ў кватэрах, тэмпература не перавышае +12-14 градусаў. А на першых паверхах будынкаў яшчэ халадней.