Праваабарончы цэнтр «ВЯСНА»

Навіны за 1 лютага 2012

01.02.2012 Кавалёў азнаёміўся з пратаколамі судовага паседжаньня

Адзін з асуджаных на сьмяротнае пакараньне па справе аб тэракце ў менскім мэтро Уладзіслаў Кавалёў і ягоны адвакат скончылі знаёміцца з пратаколамі судовага паседжаньня.

01.02.2012 Вярхоўны суд адхіліў скаргу на прысуд палітвязьню Эдуарду Лобаву

Вярхоўны суд не задаволіў скаргу адваката на прысуд актывісту «Маладога фронту» Эдуарду Лобаву, які адбывае пакараньне 4 гадамі калёніі.

01.02.2012 Непаўнагадовага Лобава аштрафавалі за локшыну на ганку Белтэлерадыёкампаніі

На паседжанні адміністратыўнай камісіі пры адміністрацыі Маскоўскага раёну Менска непаўнагадовага актывіста аргкамітэту па стварэньні Нацыянал-бальшавіцкай партыі Ўладзіслава Лобава аштрафавалі на 30 базавых велічыняў за ўдзел у акцыі 3 сьнежня каля будынку Белтэлерадыёкампаніі.

01.02.2012 Суд стаў на бок Белтэлерадыёкампаніі

Хоць на той час жанчына не мела статуса абвінавачанай па крымінальнай справе, яе паказалі па тэлебачанні ў перадачы «Зона X», сцвярджаючы, што гамяльчанка займалася крымінальным бізнесам. У выніку шматлікіх скаргаў суд перакваліфікаваў абвінавачванне, прычым артыкул «гандаль людзьмі» быў наогул ануляваны.

01.02.2012 Тацяна Севярынец просіць пракуратуру праверыць шпіталь для сухотнікаў

Каардынатарка па стварэнні партыі БХД звярнулася ў Віцебскую абласную пракуратуру, каб там арганізавалі праверку Багушэўскага шпіталя для хворых на сухоты. Яна мае звесткі, што там парушаюцца правы пацыентаў. У прыватнасці, ім пагражаюць рэпрэсіямі, калі яны будуць скардзіцца на ўмовы ўтрымання і лекавання.

01.02.2012 Сутнасць Указу №13 слонімцам абяцаюць растлумачыць толькі к красавіку

Чыноўнікі Слонімскага райвыканкама не ведаюць, як патлумачыць людзям, што будзе адбывацца на рынку жылля і ільготнага крэдытавання будаўніцтва кватэр. Але найперш прадстаўнікі ўлады прасілі, каб людзі не пісалі скаргі і звароты ў Адміністрацыю прэзідэнта, бо яе ўжо завалілі лістамі з усёй краіны.

01.02.2012 Адвакаты Саннікава звярнуліся ў суд з нагоды нядопуску да падабароннага

Як паведаміла жонка экс-кандыдата ў прэзідэнты Беларусі Ірына Халіп, 31 студзеня адвакаты падалі ў магілёўскі суд пазоў з нагоды іх нядопуску да Саннікава ў час яго знаходжання ў турме Магілёва.

01.02.2012 БХК накіраваў у камісію па памілаванні ліст у абарону асуджаных

Прадстаўнікі Беларускага Хельсінскага Камітэта дабіваюцца права прысутнічаць на паседжанні камісіі па памілаванні, якая будзе разглядаць справу прызнаных вінаватымі ў тэрарызме і прысуджаных да смяротнага пакарання Дзмітрыя Канавалава і Уладзіслава Кавалёва.

01.02.2012 Перад праверкай бытоўкі абсталявалі ўмывальнікамі

Пасля скаргі магілёўскага актывіста незалежнага прафсаюза РЭП Аляксея Паўлоўскага ў Камітэт па архітэтуры і будаўніцтву Магілёўскага аблвыканкама была праведзена праверка. Паўлоўскі скардзіўся на парушэнне санітарна-бытавых умоваў знаходжання будаўнікоў на будаўніцтве новага дрэваапрацоўчага завода.

01.02.2012 У маразы адбываць арышт на Акрэсціна небяспечна для здароўя

Умовы ўтрымання ў мінскім ізалятары на Акрэсціна жахлівыя заўсёды, а ў моцныя маразы адбываць адміністрацыйны арышт наогул небяспечна для здароўя.

01.02.2012 “Яркая падзея” для Шклоўскай калоніі – колькасць месцаў павялічана на 140

У Шклоўскай калоніі № 17 уведзены ў эксплуатацыю яшчэ адзін будынак для ўтрымання асуджаных. Пра гэту падзею ў матэрыяле “Яркое событие для ИК-17» распавяла шклоўская раённая газета “Ударны фронт”. У газетным артыкуле пішацца, што “это событие войдёт в историю ИК-17 как наиболее яркое и долгожданное».

01.02.2012 Валянцін Стэфановіч сустрэўся з прадстаўнікамі палітычных колаў і грамадзянскай супольнасці Швецыі

Падчас гэтых сустрэчаў Валянцін Стэфановіч падкрэсліў, што Праваабарончы цэнтр “Вясна” патрабаваў і патрабуе ад уладаў Беларусі неакладнага вызвалення ўсіх палітвязняў у краіне, што з’яўляецца безумоўнай перадумовай для любых кантактаў з боку ЕС з прадстаўнікамі афіцыйнага Менску.

01.02.2012 Заява Абсерваторыі па абароне праваабаронцаў на арышт Алега Волчака

Абсерваторыя рашуча асуджае прысуд сп. Алегу Волчаку, які падаецца скіраваным на пераслед за ягоную праваабарончую дзейнасць.

01.02.2012 У Слоніме нагадваюць пра палітычных вязняў (фота)

У розных грамадскіх месцах: на прыпынках, пад’ездах шматпавярховых дамоў, адміністрацыйных будынках расклеена некалькі сотняў улётак з партрэтамі беларускіх палітычных зняволеных і з заклікам “Свабоду палітвязням!”.

01.02.2012 Сёньня — працяг разгляду справы пра напад актывістаў НБП на БТ

Разгляд адміністрацыйнай справы супраць непаўнагадовага актывіста аргкамітэту па стварэньні Нацыянал-бальшавіцкай партыі Ўладзіслава Лобава перанесены на 1 лютага.