Праваабарончы цэнтр «ВЯСНА»

Навіны за 28 лютага 2012

28.02.2012 Алесь БЯЛЯЦКI: Гарачая вясна 96-га

"Народная Воля" надрукавала ўжо пяты ліст-успамін зняволенага праваабаронцы Алеся Бяляцкага, напісаны ім за кратамі. Гэтым разам ён згадвае гістарычныя падзеі 1996 году, масавыя вясновыя акцыі, разгоны і ўзбуджэнне крымінальных справаў. Вынікам гэтай гарачай пары якраз і сталася тое, што дырэктар Літаратурнага музея Максіма Багдановіча літаратуразнаўца Алесь Бяляцкі заняўся праваабарончай дзейнасцю і ўтварылася "Вясна".

28.02.2012 Паход у выканкам ледзь не скончыўся адміністрацыйным пратаколам

Рыгора Грыка спыніў супрацоўнік міліцыі і стаў правяраць сумку, у якой былі падпісныя лісты і пакунак недзяржаўнай газеты “Новы час”. Другі супрацоўнік міліцыі кансультаваўся са сваім начальствам па тэлефоне па пытанні складання адміністрацыйнага пратаколу – актывіст так і не зразумеў: за што.

28.02.2012 “Літаратура і нацыя” Алеся Бяляцкага - у шорт-лісце “Залатой літары”

Сёлета ў спіс прэтэндэнтаў на атрыманне суб’ектыўнай літаратурнай прэміі Адама Глобуса “Залатая літара 2011” трапілі 10 кніг, якія глянуліся пісьменніку цягам года, паведамляе сайт “Нашай Нівы”. Галасаванне праходзіць на старонцы Адама Глобуса ў LiveJournal.

28.02.2012 Бабруйчане салідарныя з палітвязнямі (відэа)

27 лютага ў Бабруйску зладзілі дзень салідарнасці з беларускімі палітвязнямі і прымеркавалі яго да дня народзінаў Яўгена Васьковіча.

28.02.2012 На Магілёўшчыне знізіўся давер да міліцыі

У канцы 2011 года толькі 35,9% жыхароў вобласці давярала міліцыянтам. Гэты паказчык на 1,3% ніжэйшы, чым быў у 2010 годзе. У звестках, прыведзеных супрацоўнікамі аддзелу маніторынга штаба МУС Рэспублікі Беларусь, 54,4% магілёўцаў міліцыі давяраюць не ў поўнай меры, а 8,9% не давяраюць зусім.

28.02.2012 БХК атрымаў скаргу на катаванні на Валадарцы

Беларускі Хельсінскі камітэт просіць Генпракуратуру праверыць інфармацыю аб прымяненні катаванняў у СІЗА № 1 Мінска на вуліцы Валадарскага.

28.02.2012 У Бабруйску ўзгадалі беларускіх палітвязняў (фота)

Вечарам 27 лютага бабруйскія актывісты дэмакратычных сіл зладзілі вечарыну ў падтрымку беларускіх палітвязняў. Вечарына была прымеркаваная да Дня нараджэння Яўгенія Васьковіча. Некалькі дзесяткаў дэмакратычных актывістаў сабраліся на офісе АГП, каб выказаць ім сваю салідарнасць і падтрымку.

28.02.2012 КДБ цікавіць лёс палітуцекача Аляксея Прыходзькі

Салігорскі актывіст Аб’яднанай грамадзянскай партыіі Аляксей Прыходзька 3 жніўня 2004 году быў затрыманы і пакараны 15-суткавым арыштам за ўдзел у несанкцыянаваным мерапрыемстве. У той дзень ён разам з дзвюмя салігорскімі паплечніцамі выйшаў на Кастрычніцкую плошчу з расцяжкай “10 гадоў дыктатуры. Сыдзі Лукавы!”.

28.02.2012 Лёнінг: рэпрэсіі ў Беларусі павінны быць спыненыя

Упаўнаважаны фэдэральнага ўраду Нямеччыны па правах чалавека Маркус Лёнінг зрабіў заяву ў сувязі з вынясеньнем прысуду Сяргею Каваленку.

28.02.2012 Міліцыя затрымала распаўсюдніцу газэты «Наш Дом инфо»

26 лютага каля 19 гадзін вечара ў Віцебску па адрасе вул. Церашковай, дом 14 кор. 1 супрацоўнікамі міліцыі была затрыманая добраахвотная памочніца грамадзянскай кампаніі «Наш дом» Ганна Гадлеўская. Валантэрка распаўсюджвала бясплатную газэту «Наш Дом инфо».

28.02.2012 Праваабарончая праграма “Людзьмі звацца!” на Радыё Рацыя

“Падзея тыдня”: суд за бел-чырвона-белы сцяг – справа Сяргея Каваленкі. “Асоба. Дзяржава. Грамадства”: гутарка з Наталляй Пінчук пра жыццё сям’і Алеся Бяляцкага пасля яго зняволення. “Праваабарончы каляндар”: 28 лютага – дзень памяці Улафа Пальмэ, чыё імя носіць прэмія за дасягненні ў праваабарончай дзейнасці.

28.02.2012 У Гародні забаранілі пікет у падтрымку палітвязняў

Гарадзенскім праваабаронцам Віктару Сазонаву і Раману Юргелю гарадскія ўлады адмовілі ў дазволе на правядзенне пікету ў падтрымку палітвязняў, які планавалася правесці 8 сакавіка. Гарвыканкам афіцыйным спаслаўся на тое, што заяўнікі не прынялі належных мераў па арганізацыі бяспечных умоваў правядзення заяўленага мерапрыемства.

28.02.2012 Эштан: ЕС у сакавіку вызначыцца з санкцыямі ў дачыненні да беларускіх прадпрыемстваў і бізнесменаў

Вярхоўны прадстаўнік Еўрасаюза па замежных справах і палітыцы бяспекі Кэтрын Эштан 27 лютага на прэс-канферэнцыі ў Бруселі падкрэсліла, што пазіцыя ЕС застаецца нязменнай — беларускія ўлады павінны вызваліць і рэабілітаваць усіх палітзняволеных, а таксама паважаць правы чалавека.

28.02.2012 Ігар Случак просіць старшыню Вярхоўнага суда яшчэ раз і справядліва разгледзець яго скаргу

Гамяльчук ужо звяртаўся да старшыні ВС, але атрымаў адказ ад яго намесніка, таму яшчэ раз напісаў непасрэдна Валянціну Сукалу. Грамадскі актывіст ужо на працягу шасці месяцаў абскарджвае ў судах адміністрацыйны арышт, які атрымаў нібыта за здзяйсненне дробнага хуліганства (брудная лаянка).

28.02.2012 Дэпутат бундэстага Марылуізэ Бек: супраць дысідэнтаў у Беларусі ідзе мэтанакіраваная барацьба

Прыгавор у дачыненні да віцебскага апазіцыянера Сяргея Каваленкі толькі пацвярджае той факт, што супраць дысідэнтаў у Беларусі вядзецца мэтанакіраваная барацьба, лічыць дэпутат бундэстага ад партыі "Зялёныя" Марылуізэ Бек.