Праваабарончы цэнтр «ВЯСНА»

Навіны за 5 чэрвеня 2012

05.06.2012 Любоў Кавалёва напісала скаргу старшыні КДБ

Маці расстралянага Уладзіслава Кавалёва, абвінавачанага ў тэрарызме, больш як 30 дзён чакала адказу на свой ліст з СІЗА КДБ. У скарзе на імя старшыні КДБ Вадзіма Зайцава яна піша, што ягоныя падначаленыя парушаюць прэзідэнцкі ўказ пра звароты грамадзянаў.

05.06.2012 У Жодзіна так і не апублікавалі афіцыйныя дадзеныя пра стан ракі (відэа)

У пачатку сакавіка гэтага года ў Жодзіна адбылася лакальная экалагічная катастрофа: з-за аварыі на Жодзінскай ЦЭЦ у вадасховішча на рацэ Пліса вылілася масла. Аднак да гэтага часу праз мясцовыя СМІ адпаведныя інстанцыі так і не знайшлі час апублікаваць вынікі даследаванняў вады.

05.06.2012 Актывістку "Нашага дома" Таццяну Якаўлеву адпусцілі

Супрацоўнікі міліцыі былі відавочна расчараваныя. У грамадскай актывісткі не аказалася ніякай выбухоўкі. Больш за тое, яна не мела з сабой нават ні аднаго рыбалоўнага кручка.

05.06.2012 Гомельскі абласны суд не задаволіў скаргу Уладзіміра Няпомняшчых

Гомельскі абласны суд 5 чэрвеня разгледзеў скаргу сябра АГП і Руху «За свабоду!», пенсіянера МУС Уладзіміра Няпомняшчых на рашэнне суда Цэнтральнага раёна Гомеля. Пастанову раённага суда абласная інстанцыя пакінула без зменаў, а скаргу – без задавальнення.

05.06.2012 Бабруйск: Чарговае паседжанне па справе прафсаюзнага лідэра адбудзецца 8 чэрвеня

5 чэрвеня ў Бабруйску адбылося судовае паседжанне па справе Міхаіла Кавалькова -- лідэра пярвічкі Свабоднага прафсаюза Беларускага на заводзе ТДіА, які судзіцца за права мець вольны доступ на тэрыторыю прадпрыемства.

05.06.2012 Міліцыя вярнула тэхніку “Радыё Рацыя”

Пра вынікі так званай праверкі, якая доўжылася больш за месяц, праваахоўнікі не паведамілі нічога.

05.06.2012 Віцебскую актывістку кампаніі «Наш дом» Тацяну Якаўлеву затрымалі «за тэрарызм»

Спадарыня Якаўлева ехала ў пасёлак Коханава на імпрэзу кампаніі «Наш дом», і везла пакунак зь фірмовымі саколкамі і флікерамі — падарункамі ўдзельнікам.

05.06.2012 На Магілёўшчыне “Белая Русь” вядзе падрыхтоўку да выбараў

Напрыканцы траўня – пачатку чэрвеня справаздачна-выбарчыя канферэныі адбыліся ў Шклоўскім, Дрыбінскім, Касцюковіцкім і шэрагу іншых раёнаў вобласці. Плануецца, што члены “Белай Русі” будуць шырока вылучацца ў склад выбарчых камісій рознага ўзроўню, а таксама ажыццяўляць назіранне.

05.06.2012 Слонім: суд над сябрам БХД Вольгай Пансевіч перанесены

Нагадаем, што 21 красавіка да яе падышлі супрацоўнікі патрульна-паставой службы і прапанавалі паехаць з імі ў аддзел. Жанчына адмовілася. Тады яны сілай яе скруцілі і запіхнулі ў машыну, пры гэтым наносілі ўдары рукамі і нагамі, надзелі кайданкі і завезлі ў аддзел. Там змясцілі ў ізалятар часовага ўтрымання.

05.06.2012 Мікола Аўтуховіч чакае спаткання з маці і не спадзяецца на амністыю

“Мы не бачыліся ўжо больш за сорак месяцаў. Таму цяпер жыву толькі спатканнем. Астатняе ўсё дробязі”. Таксама ў лісце Аўтуховіч абгрунтоўвае сваё меркаванне наконт гульні з магчымай амністыяй для палітвязняў. Па-першае, гэта немагчыма, бо ўсім палітвязням “зроблены” парушэнні і яны не могуць трапіць пад амністыю...

05.06.2012 Дэпутаты не спяшаюцца гуманізаваць заканадаўства ў адносінах да асуджаных

Анжаліка Камбалава атрымала ліст ад Святланы Пішч, у якім дэпутат пісьмова выказала падзяку актывістцы за актыўную грамадзянскую пазіцыю і праяўленую ініцыятыву. Раней мы паведамлялі, што Анжаліка Камбалава накіравала лісты дэпутатам парламента з прапановаю гуманізаваць Крымінальна-выканаўчае заканадаўства краіны ў адносінах да асуджаных.

05.06.2012 У беларускім заканадаўстве з'явіцца вызначэнне паняцця "катаванне" (дакумент)

Пра гэта салігорскім грамадскім актывістам паведаміў у сваім электронным лісце старшыня Пастаяннай камісіі па заканадаўстве і судова-прававых пытаннях Палаты прадстаўнікоў М. Л. Самасейка. Нагадаем, што некалькі салігорцаў накіравалі звароты аб увядзенні ў беларускае крымінальнае заканадаўства паняцця “катаванне” і адказнасці за гэтае злачынства.

05.06.2012 У Брэсце з’явіліся ўлёткі, якія нагадваюць пра выбары

4 чэрвеня актывісты “Маладых дэмакратаў” распаўсюдзілі ў Брэсце ўлёткі, прысвечаныя выбарам у Палату прадстаўнікоў РБ, якія маюць адбыцца восенню гэтага года. Улёткі ўтрымлівалі наступны тэкст: “Мы верым у НЛА, вампіраў, дзеда Мароза і выбары 2012”, а таксама партрэт Бураціна – казачнага персанажа, які часта сутыкаўся з падманам.

05.06.2012 Незалежнага прафсаюза для дырэкцыі “Граніта” не існуе

Суполцы незалежнага прафсаюза на прадпрыемстве “Граніт” у Мікашэвічах дырэкцыя прадпрыемства адмовіла ў выдзяленні памяшкання. Рабочыя па дапамогу ў вырашэнні гэтага пытання звярталіся да дэпутата Палаты прадстаўнікоў Ларысы Вершаловіч, і яна напісала ліст да выканаўцы абавязкаў генеральнага дырэктара «Граніту».