Праваабарончы цэнтр «ВЯСНА»

Навіны за Чэрвень 2012

29.06.2012 Апытанне партала govorim.by: большасць не пойдзе на парламенцкія выбары

Па выніках апытанкі, якая размешчана на народным партале беларускіх гарадоў амаль 70% наведнікаў выказалася за тое, што не пойдуць на выбары. Амаль 20% грамадзян выказалася за тое, што на выбары пойдуць і крыху болей за 10% прагаласаваўшых яшчэ не вызначыліся са сваім выбарам.

29.06.2012 Магілёўскія дэмакраты заклікалі грамадзян не ўдзельнічаць у галасаванні на парламенцкіх выбарах

Старшыня Каардынацыйнай рады Юрый Новікаў кажа, што прадстаўнікі дэмакратычных арганізацый Магілёўшчыны ўсё ж будуць вылучаць кандыдатаў у дэпутаты Палаты прадстаўнікоў: “Зараз дэмакратычныя арганізацыі вобласці абмяркоўваюць кандыдатуры тых людзей, якія будуць вылучацца ў якасці кандыдатаў на выбарах".

29.06.2012 Інваліда аштрафавалі як ваеннаабавязанага за адмову ад дактыласкапіі

Позву ў суд наконт адмовы ад дактыласкапіі Ігар Леўчанка атрымаў, калі клаўся ў Белаазёрскую бальніцу. Ён папрасіў адкласці суд, пакуль не выздаравее, на другую павестку не змог адказаць, паколькі ўжо знаходзіўся ў абласной бальніцы. Рашэнне суду аб тым, што аштрафаваны на 2 мільёны рублёў, атрымаў, калі ехаў на камісію атрымліваць інваліднасць.

29.06.2012 Польскаму паслу распавялі аб парушэннях тэхнікі бяспекі на будоўлі, дзе працуюць польскія спецыялісты

Рабочы-будаўнік Аляксей Паўлоўскі праінфармаваў пасла Польшчы Лешака Шарэпку аб парушэннях тэхнікі бяспекі на будаўніцтве завода па вырабу мэблі “ІКЕА” у Магілёве. Заказчыкам завода з’яўляецца ЗТАА ВМГ “Індустры”. Нагадаем, што прэзідэнт Беларусі Алякснадр Лукашэнка загалаў стварыць у краіне найлепшыя ўмовы для інвестараў.

29.06.2012 Гарадзенскія журналісты выступаюць у падтрымку Андрэя Пачобута

Гарадзенскія журналісты звяртаюцца да Генеральнага пракурора Рэспублікі Беларусь з заявай, у якой выказваюць пратэст у звязку з узбуджэннем чарговай крымінальнай справы ў дачыненні да публіцыста Андрэя Пачобута. Усяго пад заявай ужо падпісалася каля 20 чалавек.

29.06.2012 Барыс Звозскаў: “Наша задача даць уяўленне пра тое, што такое правы чалавека” (відэа)

Першага прэзідэнта Беларускага дома правоў чалавека ў выгнанні Барыса Ігаравіча Звозскава, які пайшоў з жыцця 17 чэрвеня, заўжды вылучаў грунтоўны падыход да выкладання міжнароднай сістэмы правоў чалавека.

29.06.2012 Моўчана будуць судзіць за несанкцыянаванае пікетаваньне

Судовую справу зьбітага міліцыянтамі актывіста «Эўрапейскай Беларусі» Андрэя Моўчана будуць разглядаць у судзе Першамайскага раёну Менску 4 ліпеня.

29.06.2012 Павел Вінаградаў абвясціў галадоўку

Лідар «Змены» — моладзевага крыла руху «Гавары праўду» — Павел Вінаградаў абвясціў галадоўку. Вінаградаў адбывае 15 суткавы адміністрацыйны арышт у турме на вуліцы Акрэсціна.

29.06.2012 Кэтрын Эштан заклікае спыніць рэпрэсіі ў Беларусі

Заяву Вярхоўнай прадстаўніцы ЕС па замежных справах і палітыцы бяспекі распаўсюдзіла ў чацвер яе прэс-служба.

28.06.2012 Афіцыйны Мінск выступае супраць увядзення мандата спецдакладчыка ААН па Беларусі

Беларусь "возьме пад увагу" меркаванні, выказаныя падчас дыскусіі ў Савеце па правах чалавека ААН, заявіў па выніках сённяшняга абмеркавання пастаянны прадстаўнік краіны пры ААН у Жэневе Міхаіл Хвастоў.

28.06.2012 Брэст: апазіцыя вылучае сваіх актывістаў у выбаркамы

У Брэсцкай вобласці апазіцыйныя партыі вылучылі 32 прадстаўніка ў акруговыя выбарчыя камісіі па выбарах дэпутатаў Палаты прадстаўнікоў. Найбольшая колькасць вылучэнцаў належыць да Беларускай партыі левых “Справядлівы свет” - 13 чалавек, з якіх чатыры вылучаныя ў абласным цэнтры.

28.06.2012 Баранавічы: грамадскі актывіст прапануе дэмакратызаваць выбарчы працэс

Віктар Сырыца накіраваў пісьмовую заяву ў Баранавіцкі гарвыканкам. Ён прапануе: 1) дзяржаўнай тэлекампаніі “Інтэкс” стварыць тэлевізійную праграму “За справядлівыя і сумленныя выбары” з удзелам грамадскасці горада, дзеючых і кандыдатаў у дэпутаты; 2) адмовіцца ад стварэння ўчастковых выбарчых камісій па прынцыпу “дырэктар – падначаленыя”.

28.06.2012 Кандыдаты ў дэпутаты выступяць у прайм-тайм

Цэнтрвыбаркам паабяцаў, што прэтэндэнтам у народныя абраннікі прадаставяць самы рэйтынгавы эфірны час - з 17.00 да 20.00 гадзінаў. Сакратар ЦВК Мікалай Лазавік падчас нарады з прадстаўнікамі СМІ ўдакладніў, што ў розных абласцях час для выступаў можа адрознівацца ў залежнасці ад колькасці акруг і колькасці зарэгістраваных па іх кандыдатаў.

28.06.2012 Цэнтр прававой трансфармацыі адзначыў сваё 16-годдзе

Пачынаючы з 1996-га года Цэнтр некалькі разоў зачынялі, яго заснавальнікаў неаднаразова выклікалі ў Вярхоўны суд і Міністэрства юстыцыі, але юрысты працягвалі даваць прававыя кансультацыі беларускім грамадзянам і НДА.

28.06.2012 Пасланне Аун Сан Су Чжы ўсім палітычным зняволеным

«Вязьні сумленьня усяго свету, я б хацела сказаць: Ніколі не адступайцеся ад сваіх прынцыпаў! Павага да чалавецтва пачынаецца з павагі да саміх сабе. Маё пасланне вам вельмі простае: калі вы паважаеце саміх сябе, не адмаўляйцеся ад сваёй барацьбы. І не думайце, што вы адны".