Праваабарончы цэнтр «ВЯСНА»

Навіны за 18 верасьня 2012

18.09.2012 Наста Палажанка: "Жыве Беларусь!" (відэа)

У сеціве з’явіўся чарговы фільм з серыі "Хроніка суднага часу", які прысвечаны намесніцы старшыні зарэгістраванай у Чэхіі арганізацыі "Малады Фронт" Насце Палажанцы.

18.09.2012 Бабруйск: Назіральнікі рэгіструюцца не без праблем

Наталлю Камінскую ўвёў у зман супрацоўнік міліцыі. Учора яна прыйшла на ўчастак № 35 (Ленінская акруга) каля 16.00, каб зарэгістравацца назіральніцай. На месцы быў толькі міліцыянт, які паведаміў, што сакратар пакуль адсутнічае, але “прыйдзе ў 18.00 і будзе дзяжурыць усю ноч”. Але калі жанчына вярнулася на ўчастак праз две гадзіны, там ужо нікога не было.

18.09.2012 Гомель: кандыдаты і выбаршчыкі не цікавяць адзін аднаго

На прыкладзе Гомельскай-Цэнтральнай акругі №33 можна зрабіць высновы, што выбаршчыкаў не цікавяць кандыдаты ў дэпутаты, як і кандыдатаў не цікавяць выбаршчыкі. Пачалося датэрміновае галасаванне, а на Цэнтральнай акрузе кандыдаты фактычна не праводзяць працы з выбаршчыкамі (па акрузе балатуюцца чатыры кандыдаты).

18.09.2012 Назіральнік Леанід Гаравы “дэстабілізаваў працу ўчастковай камісіі”

"Дэстаблізацыя" заключалася ў тым, што назіральнік БСДП(Грамада) спадар Гаравы сфатаграфаваў панараму выбарчага ўчастка, а пасля пратэсту старшыні патэлефанаваў у акруговую выбарчую камісію.

18.09.2012 Бабруйск: апазіцыянера знялі з выбараў толькі пасля тэлефанавання Ярмошынай

У бабруйскага сябра АГП Мацвея Хатары ўзніклі часовыя цяжкасці са зняццём з выбараў. Вырашылася пытанне толькі пасля прамога загаду старшыні АВК з Цэнтральнай выбарчай камісіі.

18.09.2012 Відэазварот прадстаўнікоў кампаніі "Праваабаронцы за свабодныя выбары" да выбаршчыкаў

Каардынатары кампаніі "Праваабаронцы за свабодныя выбары" Алег Гулак і Валянцін Стэфановіч заклікаюць выбаршчыкаў паведамляць пра прымус да ўдзелу ў датэрміновым галасаванні. Такімі сведчаннямі могуць быць любыя аўдыа, відэа і фотадакументы.

18.09.2012 Кандыдата хочуць дапытаць пра пікет салідарнасці з палітвязнямі

Да Яраслава Берніковіча, які балатуецца па Наваполацкай выбарчай акрузе №25 і раздае ўлёткі мясцовым мінакам, падышлі супрацоўнікі міліцыі і прадстаўнік акруговай камісіі. Яны сказалі, што маюць пытанні наконт пікету, "пра які напісана ў інтэрнэце".

18.09.2012 Слуцк: Віталь Амяльковіч абскардзіў рашэнне адміністрацыйнай камісіі ў судзе

Грамадскі актывіст не згодны з рашэннем адміністрацыйнай камісіі Слуцкага райвыканкама, якая прызнала яго вінаватым у расклейванні налепак і аштрафавала на мільён рублёў.

18.09.2012 У Менску затрыманыя моладзевыя актывісты і журналісты (абноўлена)

Журналіста Аляксандра Баразенку адпусцілі без складання пратаколу. Актывісты "Zмены" застаюцца ў Фрунзенскім РУУС: на іх складаюць пратаколы (па якім артыкуле, пакуль невядома) і забіраюць рэчы.

18.09.2012 У Магілёве назіральнікаў ад АГП не дапускаюць да назірання

Усё гэта адбываецца на тэрыторыі Магілёўскай-Прамысловай выбарчай акругі №87. Вядома пра нядопуск да назірання за галасаваннем не меней як 30 чалавек - насуперак рэкамендацыям Цэнтрвыбаркаму.

18.09.2012 Алесь Анціпенка: “Незалежныя СМІ сталі меньш актыўнымі ў асвятленні выбараў”

Падчас маніторынгу аналітыкі БАЖ прыйшлі да высновы, што выбары не сталі асноўнай тэмай беларускіх СМІ, хоць трэці этап кампаніі быў прысвечаны агітацыйнаму перыяду. Выбары па-ранейшаму саступаюць такім тэмам, як спорт і надвор’е.

18.09.2012 Віцебск: датэрміновае галасаванне пачалося са студэнтаў і затрыманння назіральніка

Пра тое, што моладзь ідзе на выбарчыя ўчасткі падчас заняткаў, паведамілі адразу некалькі назіральнікаў, якія працуюць у Віцебскай-Кастрычніцкай выбарчай акрузе №20. Каля 14 гадзін міліцыянты затрымалі актывіста аргкамітэту па стварэнні партыі БХД Яўгена Гуцалава, які акрэдытаваны назіральнікам на 71-ым выбарчым участку.

18.09.2012 Салігорск: “тэхнічны” кандыдат усё ж сыйшоў у адпачынак

Напачатку верасня сябра БХК Леаніда Мархотка накіраваў у выбарчую камісію па Салігорскай гарадской выбарчай акрузе №69 зварот аб парушэнні кандыдатам у дэпутаты Ігарам Дзялендзікам артыклуа 77 Выбарчага кодэксу. На думку праваабаронцы, спадар Дзялендзік мусіў быць вызвалены ад выканання працоўных абавязкаў з даты рэгістрацыі кандыдатам да дня выбараў.

18.09.2012 Мінск: сябра акруговай камісіі ад партыі "Зялёныя" папрасілі "не дурыць галаву"

Перад пачаткам датэрміновага галасавання Лагуцёнак прапанаваў камісіі разгледзець дзве ініцыятывы. Па-першае, пашырыць правы назіральнікаў і дазволіць ім знаходзіцца ў месцах захоўвання скрыняў для галасавання, у тым ліку і ўначы. Па-другое, прадстаўнік "Зялёных" прапанаваў паасобна лічыць бюлетэні.

18.09.2012 Барысаў: калі прагаласавалі «дзясяткі вайскоўцаў» - загадка

“Скарыстацца сваім канстытуцыйным правам і зрабіць свой выбар загадзя змаглі ўжо і некалькі дзесяткаў ваеннаслужачых”, - піша аўтар. Час, калі публікацыя апынулася на сайце газеты - 10.02 18.09.2012 г. - дазваляе рабіць выснову, што за дзве хвіліны галасавання ў выбарах ужо прынялі ўдзел «некалькі дзесяткаў ваеннаслужачых”.