Праваабарончы цэнтр «ВЯСНА»

Навіны за 6 верасьня 2012

06.09.2012 Салігорск: Выбаркам вынес папярэджанне кандыдату Віктару Малочку

6 верасня акруговая выбарчая камісія вынесла папярэджанне апазіцыйнаму кандыдату ў дэпутаты па Салігорскай гарадской акрузе №68 Віктару Малочку. Як паведамляе назіральнік Леанід Мархотка, які прысутнічаў на паседжанні, камісія налічыла чатыры парушэнні выбарчага заканадаўства камандай Віктара Малочкі падчас агітацыі.

06.09.2012 Рэчыца: судовыя выканаўцы спрабавалі спагнаць грошы па месцы працы апазіцыйнага кандыдата

6 верасня трое судовых выканаўцаў Рэчыцкага раённага суда прыбылі на аб’ект прыватнага прадпрыемства, у якім працуе апазіцыйны кандыдат у дэпутаты Палаты прадстаўнікоў Антон Няфёдаў. Яны запатрабавалі аддаць з касы грашовыя сродкі нібыта ў лік запазычанасці прадпрыемства. Калі работнікі адмовіліся, судовыя выканаўцы выклікалі міліцыянтаў.

06.09.2012 У Віцебску з'явіліся першыя агітацыйныя ўлёткі

Гэта друкаваная прадукцыя з агітацыяй за тых, каго людзі называюць "праўладнымі кандыдатамі". Зрэшты, і гэтых улётак па горадзе яшчэ няшмат. А ў падтрымку незалежных кандыдатаў зусім няма ні улётак, ні пікетаў.

06.09.2012 Барыса Хамайду праганяюць ад "сіняга дому"

Штодня міліцыя змушае апазіцыянера пакінуць месца каля дома №28 па вуліцы Леніна, дзе ён больш за 20 год распаўсюджвае незалежную прэсу і ладзіць пікеты. 6 ліпеня на спадара Хамайду склалі пратакол за хуліганства ды ў літаральным сэнсе "прыціснулі да сценкі" сталом і лаўкамі. Актывіст мяркуе, што ўсё гэта – наступствы пікету за байкот выбараў.

06.09.2012 Мінск: Першы агітацыйны кандыдата ад «Гавары праўду!» (фота)

Адзіны зарэгістраваны ў Мінску кандыдат ад кампаніі «Гавары праўду!" Таццяна Караткевіч 6 верасня правяла першы агітацыйны пікет каля гіпермаркета «Карона». Караткевіч балатуецца ў Кальварыйскай акрузе № 104.

06.09.2012 Горкі: апазіцыйнаму кандыдату пагражае папярэджанне акруговай камісіі

Акруговая камісія Горацкай выбарчай акругі № 82 можа вынесці папярэджанне кандыдату ў дэпутаты Палаты прадстаўнікоў Андрэю Юркову, калі той будзе распаўсюджваць улёткі, надрукаваныя за грошы Цэнтрвыбаркама.

06.09.2012 Андрэю Ткачову ў РАУСе вярнулі сканфіскаваную маёмасьць

Асуджаны да 7 сутак арышту мадэратар сацыяльных сетак Андрэй Ткачоў сёньня звярнуўся ў Фрунзенскі РАУС Менску, каб вярнуць сканфіскаваную пад час ператрусу маёмасьць.

06.09.2012 Смаргонь: кандыдат аспрэчвае ў судзе адмову ў прадастаўленні эфіру

Сёння кандыдат ў дэпутаты па Смаргонскай выбарчай акрузе №59 Мікалай Уласевіч паведаміў, што падаў у суд скаргу па факце адмовы ў прадастаўленні тэле- і радыёэфіру. Ягоныя выступы не выйшлі ў эфір у абумоўлены час.

06.09.2012 Рэчыца: “Дняпровец” паведамляе пра кандыдатаў праз 10 дзён пасля рэгістрацыі

Паводле заканадаўства, звесткі аб зарэгістраваных кандыдатах перадаюцца выбарчымі камісіямі ў рэдакцыі СМІ не пазней чым на чацверты дзень пасля рэгістрацыі. Рэгістрацыя кандыдатаў у дэпутаты адбылася 22 жніўня.

06.09.2012 Магілёў: Адмоўлена ў размяшчэнні агітплакатаў у тралейбусах

Магілёўскі гарэлектратранспарт адмовіў кандыдату ў дэпутаты Леаніду Падбярэцкаму ў размяшчэнні агітацыйных плакатаў у салонах тралейбусаў. Намеснік дырэктара Алена Бычкоўская паведаміла, што размяшчэнне агітацыйных матэрыялаў кандыдатаў на транспарце не ўваходзіць у спіс дазволеных месцаў.

06.09.2012 Жлобін: ніводнага стэнда з агітацыйнымі матэрыяламі

У Жлобіне да сённяшняга дня няма ніводнага інфармацыйнага стэнда з агітацыйнымі матэрыяламі, нягледзячы на тое, што да пачатку выбараў засталося 17 дзён. У райвыканкаме патлумачылі, што стэнды павінны ўсталяваць заўтра-паслязаўтра.

06.09.2012 Безвыніковыя “дэбаты” кандыдатаў з Брэстчыны

У першых тэлевізійных дэбатах, што паказваліся 5 верасня ў вечаровым эфіры канала “Беларусь-2”, бралі ўдзел тры з пяці кандыдатаў у дэпутаты з Брэсцкай-Памежнай выбарчай акругі №4 - Анатоль Новік, Уладзімір Базаноў і Сяргей Маркузаў.

06.09.2012 Пінскі раён: кандыдат на школьнай лінейцы дарыў футбольныя мячы

Кандыдат па Пінскай сельскай выбарчай акрузе №15 павіншаваў дзетак з Днём ведаў і са словамі “Надеюсь, что эти мячи – подарок к началу учебного года – помогут вырастить чемпионов в Молотковичской школе…” падараваў спартовы рыштунак.

06.09.2012 Салігорск: сустрэча з апазіцыйным кандыдатам не без эксцэсаў

Падчас мерапрыемства адыёзны афіцэр салігорскай міліцыі Георгій Крывальцэвіч, адказны за шматлікія затрыманні і пераслед апазіцыі ў рэгіёне, спрабаваў аршытаваць давераную асобу кандыдата ад АГП Віктара Малочкі Івана Шылу, пагражаючы яму двума суткамі арышту.

06.09.2012 “Магілёўскія ведамасці” адцэнзуравалі перадвыбарчую праграму Ліліі Сіваковай

Намеснік галоўнага рэдактара Генадзь Ляхаў выкінуў з тэкста фразу “адзін вырашае за ўсіх” з перадвыбарчай праграмы кандыдата ў дэпутаты ад “Справядлівага свету” па Магілёўскай-Кастрычніцкай выбарчай акрузе №86 Ліліі Сіваковай.