Праваабарончы цэнтр «ВЯСНА»

Навіны за 22 верасьня 2012

22.09.2012 Вынікі назірання за перадвыбарчай агітацыяй

Зафіксаваны шматлікія выпадкі забароны трансляцыі, цэнзуры выступаў і праграм апазіцыйных кандыдатаў. Гэта істотна абмежавала іх правы і правы выбаршчыкаў на атрыманне поўнай і аб’ектыўнай інфармацыі аб кандыдатах і іх праграмах.

22.09.2012 Каманда кандыдата Анташкевіча правяла пікет у абарону палітвязняў

У апошнія дні агітацыйнай кампаніі ў розных раёнах Оршы можна было сустрэць пікеты, арганізаваныя камандай кандыдата ў дэпутаты Канстанціна Анташкевіча ў падтрымку палітвязняў.

22.09.2012 Вынікі назірання за чацвёртым днём датэрміновага галасавання

Пашыраецца тэндэнцыя да несупадзення колькасці прагаласаваўшых, якая агучваецца афіцыйна, з дадзенымі назіральнікаў ад кампаніі "Праваабаронцы за свабодныя выбары". Пасля 4-га дня датэрмінована галасавання такія несупадзеніі зафіксаваны больш чым на 40% участкаў.

22.09.2012 ЦВК прызнала, што ў Віцебску дрэнна палічылі выбаршчыкаў

Два знесеныя дамы па вуліцы Чапаева выключаны з межаў віцебскай Кастрычніцкай выбарчай акругі, і два дамы па вуліцы Броўкі, няўлічаныя ўчастковай камісіяй №44 , уключаныя ў Віцебскую Чкалаўскую акругу.

22.09.2012 У Віцебску з участка выдалілі назіральніка Яна Дзяржаўцава

Спадар Дзяржаўцаў быў зарэгістраваны назіральнікам ад БХК на ўчастку №14 Віцебскай Чыгуначнай выбарчай акругі. Да абеду ў апошні дзень датэрміновага галасавання яму абвясцілі папярэджанне, а пасля абеду – выдалілі ўвогуле.

22.09.2012 Брэст: “пластылінавыя гарантыі” недатыкальнасці скрыняў (фота)

На выбарчым участку № 7 выбарчай акругі № 1 у Брэсце скрыня на ноч і на перапынак захоўваецца наступным чынам: шчыліна закрываецца паперай, якая прыціскаецца кавалачкамі пластыліна.

22.09.2012 Назіральнікі Гомельшчыны: колькасны паказчык перавышае якасны

Мазырскі праваабаронца Уладзімір Целяпун, назіральнік выбарчага участка №18 (выбарчая акруга №42), за пяць дзён назірання за датэрміновымі выбарамі нікога з зарэгістраваных ад прадзяржаўных арганізацый так і не убачыў.

22.09.2012 Цэнтрвыбаркам паказвае неіснуючыя нумары тэлефонаў участковых камісій.

Аказалася, не па ўсіх з гэтых нумарах можна датэлефанавацца. Напрыклад, гадзінамі безвынікова можна набіраць паказаны на вышэйзгаданым сайце тэлефон 27-46-23 Браздечынскага ўчастка № 17, які ўваходзіць у склад Аршанскай Дняпроўскага акругі № 27.

22.09.2012 Фарбы дзяцінства для Алеся Бяляцкага

У адным з нядаўніх лістоў Алесь распавёў пра стракаты феерверк з паштовак ад галандскіх дзетак, якія афарбавалі ў эмацыйныя колеры яго будні за кратамі. Кожная з іх – гэта шчыры і непасрэдны водгук дзіцячай душы на гісторыю пра аднаго чалавека, які ахвяруе ўласнай свабодай дзеля роўнасці, свабоды, справядлівасці і павагі для ўсіх.

22.09.2012 Магілёўскі выбарчы ўчастак №69 нагадвае райаддзел міліцыі

Галасаванне адбываецца ў сховішчы, дзе знаходзіцца сейф з каштоўнасцямі, якія кругласутачна ахоўваюць двое ўзброенных міліцыянтаў. Некалькі разоў на дзень іх прыязджаюць кантраляваць вышэйстаячыя начальнікі.

22.09.2012 У Магілёве яшчэ адзін назіральнік атрымаў папярэджанне

Калі лідэр Магілёўскай абласной арганізацыі партыі левых “Справядлівы свет”, прафесар Беларуска-Расійскага ўніверсітэту Валеры Беразіенка і надалей будзе ўмешвацца ў працу выбарчай камісіі №45, то яго пазбавяць акрэдытацыі, і ён мусіць пакінуць участак.

22.09.2012 Салігорцы дэманстратыўна галасуюць супраць усіх

Назіральнік Уладзімір Шыла фіксуе пратэстныя настроі выбарцаў на 77-м і 78-м выбарчых участках Салігорскай сельскай выбарчай акругі. Большасць выбарцаў, па яго словах, галасуе супраць усіх кандыдатаў.

22.09.2012 Лунінец: чыняць перашкоды для агітацыі за незалежнага кандыдата

У апошнія дні агітацыйнай кампаніі мясцовыя ўлады і кіраўніцтва некаторых прадпрыемстваў перашкодзілі кандыдату ў дэпутаты па Лунінецкай выбарчай акрузе №13 Віталю Каратышу ў правядзенні сустрэчаў у працоўных калектывах.

22.09.2012 Салігоршчына: бітва за яўку ў дзряжаўных СМІ

"Па ўзроўні напружання гэта параўнальна з “бітвай за ўраджай”. Штодня тэлеканал СТК падае зводкі з учасковых камісіяў аб працэнце выбарцаў, прагаласаваўшых датэрмінова, - кажа сябра БХК Аляксей Валабуеў. - Газета “Шахцёр”, у сваю чаргу, публікуе недвухсэнсоўныя заклікі мясцовых чыноўнікаў ды начальнікаў да актыўнага галасавання”.

22.09.2012 Мінск: студэнты галасуюць пад пагрозамі

Прымус да датэрміновага галасавання зафіксаваны на ўчастку №595 мінскай Усходняй выбарчай акругі № 107, які знаходзіцца ў будынку Політэхнічнага каледжу. Паводле назіральнікаў, студэнты ў час галасавання даволі часта імкнуцца завесці гаворку пра прымус. Аднак прадстаўнікі камісій у такіх выпадках перарываюць студэнтаў, а слухаць іх скаргі адмаўляюцца.