Праваабарончы цэнтр «ВЯСНА»

Навіны за 11 верасьня 2012

11.09.2012 Светлагорск: Улёткі праўладнага кандыдата - у недазволеных месцах (фота)

Агітацыйная прадукцыя старшыні Светлагорскага райсавета Галіны Філіповіч расклеена ў месцах, якія не вызначаны для размяшчэння матэрыялаў. Забруджваюцца сцены дамоў, ствараецца неахайны выгляд у дварах мікрараёнаў.

11.09.2012 Уладзімір Целяпун: Што дазволена міжнароднаму назіральніку - забаронена нацыянальнаму

Азнаёміўшыся з прамежкавай справаздачай па назіранні за выбарчай кампаніяй місіі ад СНД, мазырскі праваабаронца Уладзімір Целяпун, спачылаючыся на асабісты досвед доўгатэрміновага назіральніка, адзначае, што не ўсё так “спакойна” і “ў адпаведнасці з Выбарчым кодэксам”, як пішуць прадстаўнікі місіі.

11.09.2012 Магілёў: абласному каардынатару кампаніі “За справядлівыя выбары 2012” прысудзілі штраф у чатыры мільёны

11 верасня суддзя Ленінскага раёна Магілёва Аксана Ратнікава выснесла прысуд адказнаму за незалежнае назіранне на Магілёўшчыне ў межах кампаніі “За справядлівыя выбары 2012” Юрыю Новікаву.

11.09.2012 Бяроза: “Маяк” адмовіўся друкаваць праграму кандыдата ад АГП

Галоўны рэдактар Бярозаўскай раённай газеты “Маяк” Аляксандр Іваноў канчаткова адмовіўся друкаваць праграму кандыдата ў дэпутаты Палаты прадстаўнікоў ад АГП Аляксандра Кабанава. Кандыдат будзе абскарджваць рашэнне рэдактара ў судзе.

11.09.2012 “Панок з неабмежаванай уладай” – рэдактар раёнкі пра назіральніка Гоўшу

Газета Баранавіцкага гарвыканкама “Наш край” у нумары за 6 верасня надрукавала артыкул “Слухаў на два вухі, альбо Мая твая не разумее” - пра назіральніка Сяргея Гоўшу. Аўтар “праўдзівага” слова - галоўны рэдактар Міхась Шубіч - відавочна заняўшы бок старшыні АВК № 5 Таццяны Латышавай, бессаромна бэсціць назіральніка.

11.09.2012 Алег Стахаевіч адсудзіў у «Граніта» 865 тысяч рублёў

Лунінецкі суд пастанавіў спагнаць на карысьць кіраўніка суполкі незалежнага прафсаюзу Алега Стахаевіча 865 тысяч рублёў зь мікашэвіцкага прадпрыемства «Граніт».

11.09.2012 Асвячоны беларушчынай

Так называецца эсэ Алеся Бяляцкага пра лёс і творчасць беларускага пісьменніка Хвядоса Шынклера. “Мяне ў ягоным лёсе зацікавіла і зачапіла праблема выбару. Яна для чалавека – адвечная. І колькі ні пісалася, колькі прыкладаў і разумных высноваў ні было, а жыццё зноў і зноў ставіць яе перад людзьмі, і зноў і зноў хтось спакушаецца, а хтось і не. Іншая справа, што плата зараз непараўнальная з тою, якая была ў 20-я - 50-я гады. Тады людзі плацілі жыццём, а зараз – трантамі і (рэдка) свабодаю”, - піша Алесь Бяляцкі з бабруйскай калоніі, адгукаючыся на публікацыю эсэ ў літаратурна-мастацкім часопісе “Дзеяслоў”.

11.09.2012 “Свабоднае слова”: Назіральнікам АБСЕ спадабалася ў Рагачове

“Міжнародныя назіральнікі Брыгіты Хойер і Джозэф Врчота наведалі Рагачоў, а да гэтага пабывалі ў Рэчыцы, Буда-Кашалёва і Жлобіне. Па словах высокіх гасцей, іх прымалі вельмі добра, давалі ўсю патрэбную інфармацыю, усюды панавала добрая працоўная атмасфера”, – паведаміла раёнка.

11.09.2012 Магілёўскія друкарні адмаўляюцца друкаваць агітулёткі Уладзіміра Шанцава

Праз іх лідэр Магілёўскай абласной арганізацыі АГП заклікае да байкоту. Каб не траціць сродкі, выдаткаваныя яму дзяржавай на перадвыбарчую кампанію, ён стварыў свой уласны фонд, што дазволена выбарчым заканадаўствам.

11.09.2012 Генпракуратура папярэдзіла Калякіна

Нацыянальны каардынатар грамадзянскай кампаніі «За справядлівыя выбары» Сяргей Калякін сёньня атрымаў ліст з Генэральнай пракуратуры Беларусі.

11.09.2012 Хоцімск: кандыдат затрыманы падчас агітацыйнага пікету

Сёння ў Хоцімску супрацоўнікі міліцыі прымусілі апазіцыйнага кандыдата Валерыя Каранкевіча згарнуць пікет, пасля чаго даставілі яго ў мясцовы РАУС для дачы тлумачэнняў. Са слоў міліцыянераў, кіруючы справамі райвыканкама Васіль Мітранкоў патэлефанаваў выконваючай абавязкі пракурора раёна Ірыне Хучэвай наконт пікету, ну а тая ўжо падключыла мясцовы РАУС.

11.09.2012 У Гародні знішчаюць плакаты незалежнага кандыдата

Ужо за першы дзень пасля вывешвання з ста інфармацыйных плакатаў актывіста "Гавары праўду" Дзмітрыя Бандарчука, які ідзе на выбары па Гарадзенскай-Занёманскай акрузе №49, каля 50 былі здзёртыя альбо істотна пашкоджаныя. Па маштабе “атакі” на плакаты можна меркаваць пра іх наўмыснае знішчэнне.

11.09.2012 Лябедзька да ўладаў: “Фальсіфікацыі – гэта ваша палітычная слабасць”

У эфіры “Беларусь-2” адбыліся тэледэбаты кандыдатаў Старавіленскай выбарчай акругі №105. У іх удзельнічалі Анатоль Лябедзька (АГП), Яўген Рыбакоў (БНФ), Максім Солнцаў (ЛДП) і Уладзімір Самасейка (дэпутат Палаты прадстаўнікоў). Асноўная спрэчка абдылася паміж Лябедзькам і Самасейкам і датычылася яна фальсіфікацыі і цэнзуры на выбарах.

11.09.2012 "Аршанская газета" убачыла крымінал у словах "гэтая ўлада несправядлівая"

У рэдакцыі "Аршанскай газеты" адмовіліся прымаць тэкст перадвыбарчай праграмы ў кандыдата ў дэпутаты па Аршанскай-Дняпроўскай акрузе № 27 Мікалая Дзямідава - з-за фразы "Гэтая ўлада несправядлівая. Яе трэба мяняць", якая змяшчаецца ў тэксце праграмы.

11.09.2012 У Оршы спалілі аўтамабіль кандыдата ў дэпутаты ад АГП

Цікава тое, што гэта здарылася праз усяго некалькі гадзін пасля паказу запісу на абласным тэлебачанні дэбатаў, дзе ад імя Аляксея Ціханенкава выступаў яго давераная асоба Павел Левінаў.