Праваабарончы цэнтр «ВЯСНА»

Навіны за 27 верасьня 2012

27.09.2012 Павал Сырамалотаў. 620 дзён за кратамі

Пра гэта Радыё Свабода паведаміла маці былога палітзьняволенага Галіна Сырамалотава. 27 верасьня пасьля абеду ў Магілёве яго пасадзілі на дызэль, і каля 18 гадзіны ён прыехаў дамоў у Бабруйск.

27.09.2012 Сяргей Каваленка. 280 дзён за кратамі

У сераду ўвечары актывіст КХП-БНФ Сяргей Каваленка быў вызвалены з Магілёўскай калёніі і ўначы прыехаў дадому ў Віцебск. Ён быў за кратамі 280 дзён. Трымаў працяглыя галадоўкі пратэсту.

27.09.2012 Палітвязень Алесь Бяляцкі змешчаны ў штрафны ізалятар

Адміністрацыя Бабруйскай папраўчай калоніі №2 па-свойму “павіншавала” вядомага праваабаронцу, старшыню Праваабарончага цэнтру “Вясна” Алеся Бяляцкага з ягоным 50-годдзем: сёння стала вядома, што палітвязня змясцілі ў штрафны ізалятар (ШЫЗА).

27.09.2012 Маці расстралянага Уладзіслава Кавалёва падала наглядную скаргу

Любоў Кавалёва падала наглядную скаргу ў Вярхоўны суд 27 верасня.

27.09.2012 Апостальскі нунцый у Беларусі наведаў палітвязняў

Арцыбіскуп Клаўдыё Гуджэроці быў упаўнаважаны гэта зрабіць як прадстаўнік Рымскага Папы ў Мінску.

27.09.2012 Бюро АБСЕ па правах чалавека прадставіла справаздачу 2012 пра смяротнае пакаранне

26 верасня на штогадовай нарадзе АБСЕ па правах чалавека, якая праходзіць у Варшаве, Бюро АБСЕ па дэмакратычных інстытутах і правах чалавека (БДІПЧ) прадставіла даведачны дакумент аб смяротнай кары ў рэгіёне АБСЕ за бягучы год.

27.09.2012 Парламенцкія выбары ў рэгіянальным зрэзе: Віцебшчына

Доказам таго, што на выбарах маглі дапускацца фальсіфікацыі, можна лічыць якасна розны ўзровень яўкі на выбарчыя ўчасткі Віцебскай вобласці: самы нізкі – 62% - зафіксаваны ў Полацкай гарадской акрузе, самы высокі – 88, 3% - у Сенненскай выбарчай акрузе. На заявы праваабаронцаў і актывістаў у ЦВК з просьбай прызнаць выбары несапраўднымі на асобных участках у Віцебску, Оршы, Гарадку іх аргументацыя была пакінута без увагі, а просьбы не задаволеныя.

27.09.2012 Мінск: камісія зацвердзіла вынікі выбараў, нягледзячы на паступіўшыя скаргі

Акруговая камісія 98-ай Грушэўскага акругі Мінска зацвердзіла вынікі парламенцкіх выбараў, не разгледзеўшы 2 паступіўшыя скаргі. Пра гэта паведаміла назіральнік Наталля Манькоўская.

27.09.2012 Раёнка распавяла, як выбары ашчаслівілі мазырцаў

Большасць раённых газет Гомельскай вобласці падалі справаздачы з прайшоўшых 23 верасня выбараў у Палату прадстаўнікоў у традыцыйным пафасным стылі, выдаючы пажаданае (уладай) за сапраўднае. Але мазырскае «Жыццё Палесся» пайшло далей за ўсіх...

27.09.2012 Парламенцкія выбары ў рэгіянальным зрэзе: Бабруйск

Назіральнікі сцвярджаюць, што выбары ў Бабруйску не адбыліся. Афіцыйныя лічбы, якія былі агучаныя 24 верасня, паказалі на завышэнне яўкі. Што тычыцца “пераможцаў”, то папярэднія прагнозы па кандыдатах пацвердзіліся - імі сталі Мікалай Плаксіцкі, Жана Мішур і Алена Шамаль, якая ідзе ў ПП НС ужо на другі тэрмін.

27.09.2012 “Вясна” ў складзе беларускай дэлегацыі брала ўдзел у канфэрэнцыі АБСЕ па чалавечым вымярэнні ў Варшаве

Намеснік старшыні ПЦ “Вясна” Валянцін Стэфановіч падчас мерапрыемстваў у межах штогадовай канфэрэнцыі АБСЕ па чалавечым вымярэнні сустрэўся з кіраўніком БДІПЧ АБСЕ Янэзам Лянарчычам, а таксама з прадстаўніцтвам ЗША ў АБСЕ. Асноўнымі тэмамі гэтых сустрэчаў сталі вынікі назірання за парламенцкімі выбарамі і наяўнасць палітычных вязняў ў Беларусі.

27.09.2012 Літва не пусціла Мікалая Уласевіча на канферэнцыю і скасавала яму візу

26 верасня грамадскі актывіст з Астравеччыны Мікола Уласевіч з раніцы накіроўваўся ў Вільню на міжнародную навуковую канферэнцыю, якая была прысвечана ядзернай бяспецы. Уласевіч ехаў туды з дакладам па запрашэнні літоўскіх калегаў.

27.09.2012 Ад Леаніда Судаленкі запатрабавалі дэкларацыі аб прыбытках за пяць год

Гомельскі праваабаронца і ўся ягоная сям’я мусяць адсправаздачыцца аб сваіх прыбытках за пяць год. Падатковая інспекцыя Савецкага раёна Гомеля запатрабавала ад Леаніда Судаленкі адпаведныя дакументы.

27.09.2012 Бяляцкаму ў калёніі вельмі цяжка

Палітвязьню Паўлу Севярынцу, які адбывае тры гады на так званай «хіміі», патэлефанаваў адзін з былых вязьняў Бабруйскай калёніі і перадаў прывітаньне ад Алеся Бяляцкага.

27.09.2012 Лукашэнка памілаваў Сяргея Каваленку: вязня выпусцілі з магілёўскай турмы

Вязня выпусцілі з магілёўскай калоніі 26 верасня каля 20:00 і пасадзілі на цягнік да Віцебска. А на вакзале ў родным горадзе яго сустрэлі жонка, сын і сваякі