Праваабарончы цэнтр «ВЯСНА»

Навіны за 19 сакавіка 2013

19.03.2013 Генпракуратура Швецыі распачала расследаванні па справе аб "плюшавым дэсанце"

Генеральная пракуратура Швецыі абвясціла 19 сакавіка пра пачатак расследавання па справе аб незаконным перасячэнні ў пачатку ліпеня 2012 года літоўска-беларускай мяжы самалётам, якім кіраваў шведскі экіпаж. З борта гэтага самалёта, нагадаем, над Беларуссю былі скінуты сотні плюшавых мішак, да якіх былі прымацаваныя запіскі з лозунгамі ў падтрымку свабоды слова.

19.03.2013 "Рэпарцёры без межаў" вітаюць зняцце абвінавачання ў паклёпе супраць прэзідэнта з журналіста Андрэя Пачобута

Праваабарончая арганізацыя "Рэпарцёры без межаў" вітае зняцце абвінавачання ў паклёпе супраць прэзідэнта Беларусі з гродзенскага журналіста Андрэя Пачобута. Пра гэта гаворыцца ў заяве арганізацыі, апублікаванай на яе афіцыйным сайце.

19.03.2013 Слонім: тры заяўкі – тры адмовы

Сёння слонімцы атрымалі трэці адказ з райвыканкама на заяўку аб правядзення 23 сакавіка ў гарадскім парку мітынгу, прысвечанага Дню Волі.

19.03.2013 МЗС: даклад еўрадэпутата Палецкіса па Беларусі дапаможа актывізаваць дыялог паміж Мінскам і Бруселем

Міністэрства замежных спраў Беларусі разлічвае, што даклад еўрадэпутата Юстаса Палецкіса дапаможа ў актывізацыі дыялогу паміж Мінскам і Бруселем. Аб гэтым БелаПАН заявіў прэс-сакратар знешнепалітычнага ведамства Андрэй Савіных, каментуючы сустрэчу Палецкіса з намеснікам міністра замежных спраў Аленай Купчыной.

19.03.2013 Мастак і ў камеры застаецца мастаком (малюнкі Геніка Лойкі)

Вядомы скульптар і адначасна абаронца роднай мовы Генік Лойка, якога 21 лютага абвінавацілі ва ўдзеле ў несанкцыянаваным мерапрыемстве (арт.23.34 КаАП РБ) ды пакаралі арыштам на 5 сутак, зрабіў замалёўкі камеры, у якой ён адбываў пакаранне.

19.03.2013 Апантаныя. Супраць сьмяротнага пакараньня (відэафільм)

Відэафільм, прысьвечаны дзейнасьці кампаніі “Праваабаронцы супраць сьмяротнага пакараньня ў Беларусі”, з’явіўся ў інтэрнэце. Гэтая стужка раскрывае праблему вышэйшай меры пакараньня ў Беларусі, розныя яе аспекты, пра якія звычайна людзі не задумваюцца: таямніца пахаваньня пакаранага сьмерцю, непаведамленьне пра дату растрэлу.

19.03.2013 Крычаўскі “Вольны горад” спрабуюць абвінаваціць у паклёпе

Рэдактара газеты “Вольны горад” Сяргея Няроўнага і яе выдаўца Уладзіміра Кудраўцава 18 сакавіка выклікалі ў Крычаўскі РАУС для дачы тлумачэнняў.

19.03.2013 Колькасць затрыманых за лаянку ў параўнанні з 2012 годам зменшылася

А да адказнасці прыцягваюць найперш тых, хто робіць гэта з “асаблівым цынізмам”. Але спецыяльных “рэйдаў” па выяўленні такіх парушальнікаў грамадскага парадку міліцыянеры не праводзяць. Пра гэта падчас прамой тэлефоннай лініі 19 сакавіка расказаў начальнік мінскай гарадской міліцыі Аляксандр Барсукоў.

19.03.2013 Марына Адамовіч: Палецкіс павінен патрабаваць сустрэчы з палітвязнямі

Жонка Мікалая Статкевіча мяркуе, што дакладчыку дэлегацыі Еўрапарламэнта па Беларусі патрэбна сустрэцца з беларускімі вязнямі сумлення.

19.03.2013 Пачаўся візіт у Мінск дакладчыка дэлегацыі Еўрапарламента па Беларусі Юстаса Палецкіса

З 18 па 21 сакавіка праходзіць візіт у Мінск дакладчыка дэлегацыі Еўрапарламента па Беларусі, намесніка кіраўніка дэлегацыі ЕП па сувязях з Беларуссю 71-гадовага Юстаса Палецкіса (Літва). Мэта візіту — падрыхтоўка даклада аб стане спраў у адносінах паміж ЕС і Беларуссю.

19.03.2013 ФК «Дынама» (Брэст): “Прозвішчы футбалістаў на спартовай форме будуць па-беларуску"

На чэмпіянаце Беларусі прозвішчы футбалістаў на спартовай форме будуць на беларускай мове. Менавіта з такой прапановай, сярод іншых (агучванне матчаў, правядзенне прэсавых канферэнцый на беларускай мове) і звяртаўся Ігар Случак.

19.03.2013 Іспанскія журналісты – пра смяротнае пакаранне ў Беларусі: “Чаму мусяць пакутаваць родныя? Яны ж ні ў чым не вінаватыя”

Журналісты аўтарытэтнай іспанскай газеты “Эль Паіс” Альвара Канкуэра о дэ Гуінера і Сафія Мора правялі ў Беларусі тыдзень, сустракаючыся з грамадскімі актвістамі, дзяржаўнымі чыноўнікамі і роднымі расстраляных людзей.

19.03.2013 Магілёў: Улады не дазволілі гулянняў з нагоды 95-й гадавіны абвяшчэння БНР

Начальнік аддзела ідэалогіі Магілёўскага гарвыканкама Ала Галушка патлумачыла магілёўскім дэмакратам прычыны адмовы ў правядзенні масавых гулянняў у цэнтры горада.

19.03.2013 Гомельская міліцыя не ведае беларускай мовы

Гомельскі актывіст дэмакратычнага руху Кастусь Жукоўскі 19 сакавіка накіраваў заяву ў пракуратуру на дзеянні супрацоўнікаў міліцыі, якія працуюць у службе «102». Актывіст скардзіцца, што міліцыя не рэагуе на вусныя заявы, а таксама не разумее роднай беларускай мовы.

19.03.2013 “Хваля салідарнасці” з палітвязнямі прайшла ў Брэсце

Сябры Аргкамітэта па стварэнні Беларускай Хрысціянскай Дэмакратыі Улад Бароўскі, Яўген Хазіахметаў і Андрэй Шарэнда правялі “Хвалю салідарнасці” у горадзе над Бугам.