Праваабарончы цэнтр «ВЯСНА»

Навіны за 20 сакавіка 2013

20.03.2013 Уладзімір Яроменак патрапіў у шпіталь

Самаадчуваньне актывіста Маладога Фронту Уладзіміра Яроменка пагоршылася пасьля судовага паседжаньня. Маладафронтавец выклікаў хуткую дапамогу, лекары зафіксавалі падвышаны артэрыальны ціск і павезлі актывіста ў шпіталь.

20.03.2013 Незалежных журналістаў не пускаюць на будоўлю АЭС

Каб зрабіць рэпартаж пра будоўлю станцыі, карэспандэнт "Радыё Свабода" Міхаіл Карневіч падаў у Дырэкцыю будаўніцтва Астравецкай АЭС усе дакументы, якія там ад яго запатрабавалі.

20.03.2013 Антон Сурапін спадзяецца, што з яго здымуць усе абвінавачанні

Да сённяшняга дня ён знаходзіцца ў статусе абвінавачанага і пад падпіскай пра нявыезд (перанесенай са Слуцку ў Мінск, дзе хлопец вучыцца). «Мяне не выклікаюць у КДБ, не тэлефануюць і не вяртаюць тэхніку», – сказаў сябра ГА «БАЖ».

20.03.2013 Юстас Палецкіс: Прымітыўныя абмены — не стыль ЕС

Так пракаментаваў БелаПАН дакладчык дэлегацыі Еўрапарламента па Беларусі, намеснік кіраўніка дэлегацыі ЕП па сувязях з Беларуссю літовец Юстас Палецкіс апасенні, выказаныя 18 сакавіка Андрэем Саннікавым у інтэрв'ю сайту www.charter97.org.

20.03.2013 Арганізатары "плюшавага дэсанта" ўпэўненыя, што шведскія ўлады не экстрадуюць іх у Беларусь

Прадстаўнікі шведскай рэкламнай кампаніі Studio Total, якая арганізавала ў ліпені 2012 года "плюшавы дэсант" над тэрыторыяй Беларусі, не хвалююцца наконт распачатага Генпракуратурай Швецыі расследавання справы аб незаконным перасячэнні літоўска-беларускай мяжы.

20.03.2013 Палецкіс лічыць, што Менск гатовы вызваліць палітвязьняў

Праблема вызваленьня палітвязьняў застаецца галоўнай у дачыненьнях паміж афіцыйным Менскам і Брусэлем. Пра гэта ў эксклюзіўным інтэрвію «Свабодзе» заявіў сёньня дакладчык па Беларусі Эўрапейскага парлямэнту Юстас Палецкіс.

20.03.2013 Правы чалавека, якімі вы іх яшчэ не бачылі! Вялікі семінар у Мінску 30-31 сакавіка

Ці ёсць мяжа паміж палітыкай і правамі чалавека і дзе яна? Чаму праваабаронцы гэта не палітыкі і што такое грамадскі інтарэс? Як абараняць свае правы і як працуе міжнародная салідарнасць? Падавайце да 27 сакавіка заяўкі на вялікі праваабарончы семінар з міжнароднымі экспертамі ў Мінску!

20.03.2013 Еўрапейскі банк рэканструкцыі і развіцця будзе ўлічваць вызваленне і рэабілітацыю палітвязняў у сваёй дзейнасці ў Беларусі

Днямі Еўрапэйскі банк рэканструкцыі і развіцця (ЕБРР) апублікаваў новую стратэгію працы ў дачыненні да Рэспублікі Беларусь, разлічаную на бліжэйшыя тры гады.

20.03.2013 Баранавічы: забаранілі пікет да 95-х угодкаў БНР

Грамадскі актывіст Віктар Сырыца 20 сакавіка атрымаў ліст за подпісам намесніка старшыні Баранавіцкага гарвыканкама Дз. Касцюкевіча. У ім паведамляецца, што гарвыканкам не дае згоды на правядзенне пікета 25 сакавіка 2013 года, прысвечанага 95-м угодкам БНР.

20.03.2013 “Маладафронтаўцу” Уладзю Яроменку суд “далічыў” трое сутак арышту

У судзе Першамайскага раёна Менска 20 сакавіка паўторна разглядалася справа актывіста “Маладога фронту” Уладзі Яроменкі, якога раней пакаралі арыштам за парушэнне прэвентыўнага нагляду. Не пагадзіўшыся з ранейшым прысудам (12 сутак арышту), Яроменак абскардзіў яго ў Менгарсудзе.

20.03.2013 Ідзе збор сродкаў на помнік Галіне Сямдзянавай. Спрычыніцеся!

Пра збор сродкаў на надмагільны помнік праз інтэрнэт аб’явілі сябры выбітнай прадстаўніцы беларускага незалежніцкага руху. Яны просяць тых, хто ведаў і шанаваў Галіну Георгіеўну Сямдзянаву, спрычыніцца да гэтае справы.

20.03.2013 Суд у Брэсце адхіліў пазоў незалежнай журналісткі аб абароне гонару і годнасці

20 сакавіка ў судзе Маскоўскага раёна Брэста абвешчана рашэнне ў справе Міланы Харытонавай, якая падала пазоў супраць карэспандэнта дзяржаўнай газеты “Брестский вестник” Уладзіміра Міневіча.

20.03.2013 Мікалай Аўтуховіч: Прыемная навіна толькі аб тым, што зноў адчыніцца офіс “Вясны”

Бялыніцкі журналіст Барыс Вырвіч 20 сакавіка атрымаў ліст ад палітвязня Мікалая Аўтуховіча, з якім ён знаходзіцца ў сталай перапісцы. Палітвязень дзеліцца сваімі ўражаннямі аб апошніх навінах у грамадскім і палітычным жыцці ў Беларусі.

20.03.2013 Адміністрацыя "Полацак-Шкловалакна" не пагадзілася аднавіць на працы прафсаюзнага актывіста

19 сакавіка ў Полацкім гарсудзе прайшлі папярэднія слуханні паводле зыску Віктара Стукава, звольненага кіраўніка "пярвічкі" Свабоднага Прафсаюза Беларускага (СПБ). У бакоў была магчымасць замірыцца, калі б адміністрацыя прадпрыемства падтрымала патрабаванні актывіста.

20.03.2013 Як забяспечваюцца моўныя правы ў Салігорску

Грамадзяне Салігорску звярнуліся да мясцовых уладаў з прапановай забяспечыць фактычную роўнасць беларускай мовы з другой дзяржаўнай мовай - рускай, як таго патрабуе артыкул 17 Канстытуцыі і закон “Аб мовах у Рэспубліцы Беларусь”.