Праваабарончы цэнтр «ВЯСНА»

Навіны за 5 красавіка 2013

05.04.2013 У Расіі працягваюцца забароны выступаў непажаданых рок-музыкаў з “тэхнічных прычынаў”

“Такіх дзівакоў, як вы, хутка змые жыццё ва ўнітаз гісторыі, з вядомых ужо ўсім нам “тэхнічных прычынаў", - праракае лідэр ДДТ губернатару Бранскай вобласці, які забараніў выступы гурта. Пра прычыны адмены канцэртаў Юрый Шаўчук 4 красавіка выказаўся у сваім блогу на сайце “Эха Масквы”.

05.04.2013 Віцебскі абласны суд адхіліў скаргу Леаніда Аўтухова

Старшыня абласной арганізацыі партыі БНФ хацеў абскардзіць рашэнне суду Кастрычніцкага раёну: 25 сакавіка суддзя Іна Грабоўская пакарала яго пяццю суткамі арышту за быццам бы парушэнне заканадаўства аб масавых мерапрыемствах.

05.04.2013 У Беларусі будзе створана адзіная сістэма судова-медыцынскай экспертызы

Канчатковы праект указа павінен быць распрацаваны на працягу месяца.

05.04.2013 Менчукі аб’ядноўваюцца супраць ушчыльненьня

Ініцыятыўныя групы грамадзян, якія пратэстуюць супраць палітыкі ўшчыльненага будаўніцтва ў Менску, падпісалі мэмарандум аб супрацоўніцтве і ўзаемадапамозе. Пры пасярэдніцтве кампаніі «Эўрапейская пэрспэктыва» яны жадаюць уплываць на горадабудаўнічую палітыку Менгарвыканкаму.

05.04.2013 Што чакае чалавека з інваліднасцю ў турме, у палітыцы і на працы?

Кіраўнік Офіса па правах людзей з інваліднасцю Сяргей Драздоўскі тлумачыць, чаму інваліды не выходзяць на вуліцу, не могуць знайсці працу ці стаць дэпутатамі.

05.04.2013 Марк Нопфлер адмяніў канцэрты ў Расіі з-за пераследу праваабаронцаў

Заснавальнік гурта Dire Straits заявіў, што пратэстуе супраць пераследу расійскімі ўладамі праваабарончых арганізацый. Канцэрты Нопфлера мусілі прайсці ў Маскве і Санкт-Пецярбургу сёлета ў чэрвені.

05.04.2013 Еўрадэпутат заклікае польскія ўніверсітэты ўзяць на працу Ігара Кузьмініча

З такой прапановай Марэк Мігальскі звярнуўся да рэктараў польскіх дзяржаўных і прыватных вышэйшых навучальных установаў. Ён просіць па магчымасці ўладкаваць на працу Ігара Кузьмініча ды іншых навукоўцаў, якіх пераследуе беларуская ўлада.

05.04.2013 Сайт магілёўскай “Вясны” працуе па-ранейшаму

Сайт магілёўскага аддзялення Праваабарончага цэнтру “Вясна” цалкам аднавіў сваю працу. Вернута выдаленая за 2 гады інфармацыя, знішчаныя паклёпніцкія артыкулы, што былі размешчаныя невядомымі асобамі. Спецыялісты займаюцца павышэннем ягонай бяспекі.

05.04.2013 Шведскія праваабаронцы патрабуюць не пускаць Беларусь на Еўрабачанне

А таксама выключыць дзяржаўную тэлевізію Беларусі з Еўрапейскага вяшчальнага саюза. Пра гэта кіраўнік шведскай праваабарончай арганізацыі Östgruppen Марцін Угла заявіў падчас выступу на шведскай тэлевізіі.

05.04.2013 Слонім: у аўторак вокны і форткі ў кватэрах адчыняць забаронена

Супрацоўнікі міліцыі абыходзіць кватэры слонімцаў на Брэсцкай вуліцы і вуліцы Скарыны і папярэджваюць, каб у аўторак ніхто не адкрываў фортачак і вокнаў, а ў каго ёсць паляўнічыя стрэльбы – здалі іх у міліцыю.

05.04.2013 Вячаслава Шведа афіцыйна звольнілі з Гродзенскага ўніверсітэта

Загад пра звальненьне падпісаў рэктар Гарадзенскага ўнівэрсытэту імя Янкі Купалы Андрэй Кароль.

05.04.2013 Альбом “Belarus Press Photo-2011” у КДБ прызналі экстрэмісцкім

Фотажурналістка і суарганізатарка конкурсу Belarus Press Photo Юлія Дарашкевіч паведаміла 4 красавіка ў Facebookу, што ў выданні Belarus Press Photo за 2011 год, партыя якіх была канфіскаваная 12 лістапада 2012 года на памежным пераходзе "Каменны лог", КДБ знайшла матэрыялы экстрэмісцкага зместу.