Праваабарончы цэнтр «ВЯСНА»

Навіны за 11 красавіка 2013

11.04.2013 Цяпер правядзенню пікета ў Віцебску замінае… бокс

Віцебскія актывісты атрымалі ліст ад “хуткай дапамогі”, якая адмовілася ад дзяжурства на пікеце 12 красавіка. Прычына адмовы – занятасць медыкаў на спаборніцтве па боксу. Мінулым разам лекары цэнтральнай паліклінікі спасылаліся на "успышку сезонных захворванняў " у Дзень Волі і не сталі заключаць дамову з актывістамі на гэтай падставе.

11.04.2013 Салігорск: Петыцыю з подпісамі перадалі ўладам

Он-лайн петыцыю з патрабаваннем будаўніцтва ў сталіцы шахцёраў новай сучаснай паліклінікі падпісала амаль сямсот чалавек. Гэта жыхары Салігорску, а таксама людзі з іншых гарадоў Беларусі і нават замежжа. Стваральнік петыцыі -- мясцовы праваабаронца Аляксей Валабуеў.

11.04.2013 Вярхоўны суд прапануе грамадзянам выказаць сваё меркаванне наконт працы судоў

Анкетаванне праводзіцца ў межах маніторынгу дзейнасці судовай сістэмы Рэспублікі Беларусь.

11.04.2013 Грамадскія слуханні па-магілёўску: спачатку знесці, потым абмеркаваць

У Магілёве абвешчаныя чарговыя “грамадскія слуханні”. Жыхарам горада прапануецца абмеркаваць праект будаўніцтва жылога комплексу ў цэнтры Магілёва на месцы былога хлебзавода па вуліцы Левая Дубравенка.

11.04.2013 Бярозаўскія актывісты ў чарговы раз наведалі Паўла Севярынца

Штомесяц бярозаўскія актывісты наведваюць палізняволенага Паўла Севярынца, які адбывае пакаранне ў спецкамендатуры № 7 у вёсцы Куплін Пружанскага раёна.

11.04.2013 У Брэсце заклікаюць да грамадскага абмеркавання платнага наведвання паліклінік

Такую прапанову вылучыла абласная арганізацыя Беларускай сацыял-дэмакратычнай партыі (Грамада), якая накіравала зварот у мясцовыя саветы дэпутатаў.

11.04.2013 У Мазыры быў абрабаваны прыватны дом праваабаронцы

9 красавіка 2013 года ў Мазыры быў абрабаваны прыватны дом праваабаронцы Уладзіміра Целяпуна, дзе ён зараз пражывае пасля смерці маці. Зламыснікі залезлі ў дом праз вакно, разбіўшы шкло ў двух рамах.

11.04.2013 “Беларусь — гэта тая ж Албанія, толькі без дэмакратыі!”

У вачах праваабаронцаў з усяго свету Беларусь выглядае сапраўдным пеклам. Асабліва пасля таго як у беларускай турме апынуўся віцэ-прэзідэнт Міжнароднай федэрацыі правоў чалавека Алесь Бяляцкі. Еўрарадыё вырашыла даведацца, як прэсуюць праваабаронцаў у іншых краінах свету.

11.04.2013 У Маскве пратэставалі супраць сьмяротнага пакараньня ў Беларусі

Ля будынку беларускай амбасады ў сталіцы Расеі прайшла акцыя Amnesty International супраць прымяненьня сьмяротнага пакараньня ў Беларусі.

11.04.2013 Сёння — другая гадавіна выбуху ў мінскім метро

У другую гадавіну выбуху на станцыі "Кастрычніцкая" Мінскага метрапалітэна ў праваслаўных і каталіцкіх храмах сталіцы пройдуць набажэнствы ў памяць пра загінулых і пацярпелых у выніку гэтай трагедыі.

11.04.2013 Палітоляга Валера Карбалевіча затрымалі ля амбасады

Міліцыянты затрымалі аўтара Радыё Свабода, палітоляга Валера Карбалевіча, які накіроўваўся на сустрэчу ў нямецкую амбасаду. У яго не аказалася дакумэнтаў, таму міліцыянты-ахоўнікі выклікалі нарад міліцыі.

11.04.2013 Вярхоўны суд адмовіў "Маладым дэмакратам"

Вярхоўны суд 10 красавіка прыняў рашэнне не задавальняць скаргу "Маладых хрысціянскіх дэмакратаў" на рашэнне Міністэрства юстыцыі, якое адмовіла арганізацыі ў афіцыйнай рэгістрацыі, паведаміла лідар грамадскага аб'яднання Марына Хоміч.