Праваабарончы цэнтр «ВЯСНА»

Навіны за 30 красавіка 2013

30.04.2013 Брэст: шэсце на Першамай дазволена ўладамі

Сацыял-дэмакраты Брэста атрымалі дазвол ад мясцовых уладаў на правядзенне Першамайскага шэсця. Арганізатары заключылі дамовы з міліцыяй, камунальшчыкамі, медработнікамі і данеслі гэтыя дамовы ў Брэсцкі гарвыканкам.

30.04.2013 Сябру кампаніі “Гавары праўду” Аляксандру Кузьміну не даюць азнаёміцца з дакументамі па ягонай справе

Грамадскі актывіст з Белаазёрску Аляксандр Кузьмін на сваю заяву ў Бярозаўскі РАУС аб жаданні азнаёміцца з матэрыламі дазнання ў адносінах да яго па арт. 193 Крымінальнага кодэкса (дзейнасць ад імя незарэгістраванай арганізацыі) атрымаў адказ, што да гэтага часу справу з пракуратуры ў РАУС не атрымалі.

30.04.2013 FIDH і “Вясна” патрабуюць зняцця абвінавачванняў супраць актывістаў і журналістаў, асуджаных пасля “Чарнобыльскага шляху”

FIDH і ПЦ “Вясна” патрабуюць зняцця абвінавачванняў супраць шасці чалавек, у тым ліку двух журналістаў, аднаго праваабаронцы і аднаго актывіста, у сувязі з штогадовай мемарыяльнай акцыяй да ўгодкаў аварыі на Чарнобыльскай АЭС.

30.04.2013 ПЦ "Вясна" далучыўся да салідарнасці з грамадзянскай супольнасцю Расіі

Зараз у Расіі наступаюць складаныя часы, таму вельмі важна звярнуць на гэта ўвагу, аказаць падтрымку грамадзянскай супольнасці і праваабарончаму руху.

30.04.2013 Сяргей Мацкевіч: Абвінавачванні НДА ў «фінансавых парушэннях» - сусветны аўтарытарны трэнд

30 красавіка стартаваў Міжнародны тыдзень салідарнасці з грамадзянскай супольнасцю Расеі.

30.04.2013 Магілёўскі абласны суд вынес чарговы смяротны прысуд

Магілёўскі абласны суд вынес першы ў 2013 годзе смяротны прысуд. Выключная мера пакарання будзе прыменена да ўраджэнца Жытомірскай вобласці 1969 г.н., на рахунку якога чатыры забойствы. Апошняе ён здзейсніў ужо ў турме.

30.04.2013 У Бабруйску існуе спіс "небяспечных грамадзян"?

Адзін з мясцовых грамадскіх актывістаў расказаў бабруйскім праваабаронцам аб спісе "небяспечных грамадзян" з 20 чалавек. Ён сцвярджае, што прозвішчы яму надыктаваў адзін са знаёмых супрацоўнікаў спецслужбаў.

30.04.2013 У Калінкавічах сябру АГП распылілі ў вочы газавы балончык, і яго ж абвінавацілі ў бойцы

На сябра АГП з Калінкавічаў Дзяніса Рабянка міліцыя склала адміністрацыйны пратакол па артыкулу 9.1 КаАП – наўмыснае прычыненне цялеснага пашкоджання, якое не прывяло да кароткачасовай страты здароўя. Зараз актывісту пагражае штраф ад 10 да 30 базавых ці адміністрацыйны арышт.

30.04.2013 “Экстрэмізм” у фотаальбомах абскардзілі

Скончыўся тэрмін абскарджання рашэння Ашмянскага раённага суда, які прызнаў альбомы “Прэс-фота Беларусі 2011” экстрэмісцкімі матэрыяламі.

30.04.2013 Страсбург лічыць, што Цімашэнка сядзіць няслушна

Эўрапейскі суд па правах чалавека ў Страсбуры сёньня вырашыў, што зьняволеньне экс-прэм’ера Ўкраіны Юліі Цімашэнкі ў 2011 годзе было парушэньнем правоў чалавека.

30.04.2013 У Ваўкавыскім раёне вылічылі і звольнілі жанчыну, якая паскардзілася губернатару падчас «жывой лініі»

26 красавіка гэтага года работнікі Ваўкавыскага лясгаса выявілі каля вёскі Залучаны Ваўкавыскага раёна непахаваныя трупы кароў. Несанкцыянаванае пахаванне, а папросту - звалка трупаў была зробленая паспешліва, у вушах засталіся чыпы, якімі працаўнікі сельгаспрадпрыемстваў пазначаюць свой статак. Наяўнасць пазнак і блізкасць размяшчэння дазваляюць зрабіць здагадку, што трупы жывёл былі вывезены з фермы Львоўка.

30.04.2013 Будаўніцтва «Бульбаш-хола» ў Курапатах аднавілася

Аднавіліся працы на будаўнічай пляцоўцы забаўляльнага цэнтра «Бульбаш-хол», якая знаходзіцца побач з Курапатамі, месцам масавых расстрэлаў ахвяраў палітычных рэпрэсій 1930-х.

30.04.2013 Пастанова вайсковага суда: Акім Бянеш вызвалены ад крымінальнай адказнасці, следства спынена

Сёння каля 12-й у Мінскім міжгарнізонным вайсковым судзе мае быць вынесены прысуд па справе 20-гадовага салдата Акіма Бянеша, які супраціўляўся дзедаўшчыне.