Праваабарончы цэнтр «ВЯСНА»

Навіны за Ліпень 2013

30.07.2013 “Вольны горад” зноў вінавацяць у паклёпе

Адміністрацыя КУП “Чэрыкаўскае ПМК-280” падала чарговы пазоў у суд Крычаўскага раёна, у якім зноў вінаваціць газету “Вольны горад” у дыскрэдытацыі кіраўніцтва прадпрыемства і падрыве дзелавой рэпутацыі ПМК-280. Падставай для пазова паслужыў артыкул “З абвяржэннем пачакаем”, падпісаны Ганнай Владавай.

30.07.2013 Прымусовае высяленне цыганоў пад Гомелем

У мястэчку Бальшавік, які знаходзіцца ў Гомельскім раёне, мясцовыя ўлады прымусова высяляюць цыганоў з аварыйных дамоў. Цыганскія сем'і застаюцца без даху над галавой. Шматдзетная маці Хрысціна пазбавілася свайго жытла некалькі месяцаў таму.

30.07.2013 Роберт Тышкевіч: Польшча салідарная з Алесем Бяляцкім

4-га жніўня спаўняецца другая гадавіна з дня зняволення кіраўніка Праваабарончага цэнтра “Вясна” і віцэстаршыні Міжнароднай федэрацыі па правах чалавека Алеся Бяляцкага.

30.07.2013 Люстрацыя для Беларусі: быць ці ня быць?

У Менску адбыўся круглы стол, на якім прадстаўнікі грамадскіх рухаў, кіраўнікі партый ды праваабаронцы абмеркавалі канцэпцыю люстрацыі пры пераходзе ад аўтарытарнага рэжыму да дэмакратыі.

30.07.2013 Касьцёл пацьвердзіў арышт ксяндза Лазара

Ад падрабязных камэнтароў пра справу арыштаванага ксяндза Ўладзіслава Лазара, пробашча парафіі ў Барысаве, у менскай курыі Рыма-каталіцкага касьцёла адмаўляюцца, спасылаючыся на адсутнасьць дакладнай інфармацыі.

30.07.2013 Суд адхіліў скаргу Тамары Сяргей на Генпракуратуру

Суд Цэнтральнага раёна Мінска не задаволіў скаргі праваабаронцы Тамары Сяргей на неправамерныя дзеянні Генеральнай пракуратуры.

30.07.2013 Актывіста КХП-БНФ затрымалі ля царквы

У Мінску затрымалі актывіста Кансерватыўна-хрысціянскай партыі БНФ Алеся Макава. Ён знаходзіцца ў Першамайскім РУУСе.

30.07.2013 Праваабарончая праграма “Людзьмі звацца!” на Беларускім Радыё Рацыя

“Хроніка пераследу”: выпадкі адміністратыўнага пераследу ў Мінску, забарона пікету супраць расійскіх вайсковых базаў, пераслед каталіцкага ксяндза Уладзіслава Лазара ды інш. "Асоба. Дзяржава. Грамадства": госць рубрыкі - гісторык Ігар Кузняцоў, які з’яўляецца сябрам Працоўнай групы па распрацоўцы канцэпцыі люстрацыі ў беларускім грамадстве пры пераходзе ад аўтарытарнага рэжыму да дэмакратыі.

30.07.2013 Салігорскія праваабаронцы просяць дапусціць іх у ізалятар

Салігорскія сябры Беларускага Хельсінкскага камітэту Леанід Мархотка і Аляксей Валабуеў сустрэліся з начальнікам Салігорскага РАУС Аляксандрам Астрэйкам. Тэмай для размовы стала пытанне допуску ў Салігорскі ізалятар часовага ўтрымання праваабаронцаў БХК.

30.07.2013 Магілёў: справа аб знявазе БСДП усё ж будзе разгледжана ў касацыйным парадку

29 ліпеня суд Ленінскага раёна Магілёва ў асобе суддзі Андрэя Юрчанкі аднавіў тэрміны на касацыю рашэння Ленінскага раённага суда ад 31 траўня 2013 года з нагоды абароны дзелавой рэпутацыі БСДП, а таксама гонару, годнасці і дзелавой рэпутацыі сябра БСДП Мікалая Залознага.

29.07.2013 Суды над актывістамі "Альтэрнатывы" (аднаўляецца)

У судзе Партызанскага раёна Менска 29 ліпеня праходзяць суды над трыма актывістамі кампаніі "Альтэрнатыва" Алегам Корбанам, Змітром Сільчанкам і Алегам Кералем. Суд пачнецца каля 9.30 ў памяшканні суду па вул. Сямашкі, 33. Адміністратыўную справу Алега Корбана разглядае суддзя Паўлоўская, а Змітра Сільчанка суддзя Кацярына Чайко.

29.07.2013 Бабруйск: Супрацоўнікі УУС адрэагавалі на інфармацыю пра свастыку

Вольга Піманава, бабруйская грамадская актывістка, нечакана для сябе атрымала ліст з УУС за подпісам Віталя Харлапава, часова выконваючага абавязкі начальніка упраўлення. "Справа ў тым, што я не пісала ніякіх заяў у міліцыю, і інфармацыя пра свастыку з’явілася толькі ў інтэрнэце", - кажа Вольга Піманава

29.07.2013 Шэсце ў падтрымку Алеся Бяляцкага ў Гомелі ўлады не дазволілі

Шэсце ў падтрымку Алеся Бяляцкага ў Гомелі ўлады не дазволілі, бо па маршруту шэсця размешчаны падземны пераход і будынак выканкаму. Гомельскі гарвыканкам разглядзеў заяву грамадзян Юрыя Варонежцава, Леаніда Судаленкі і Анатоля Паплаўнага на правядзенне вулічнага шэсця і не даў на масавае мерапрыемства дазвол.

29.07.2013 Дашліце паштоўку салідарнасці Алесю Бяляцкаму!

Усе жадаючыя падтрымаць праваабаронцу-палітвязня Алеся Бяляцкага, два гады з дня арышту якога міне 4 жніўня, могуць падпісаць паштоўкі для яго ў офісе ПЦ "Вясна" па адрасе: г. Мінск, вул. Мяржынскага, 8-26.