Праваабарончы цэнтр «ВЯСНА»

Навіны за 9 студзеня 2014

09.01.2014 Канцэрт Касі Камоцкай у Менску забаронены

Выступ сьпявачкі меўся быць першым афіцыйным канцэртам у Менску за апошнія 10 гадоў. "Адміністрацыя КЗ “Менск” заявіла, што падпарадкоўваецца не выканкаму, а адміністрацыі прэзыдэнта і не дала дазвол на правядзеньне", - паведаміла Кася Камоцкая парталу tuzin.fm.

09.01.2014 Брэсцкі абласны суд: забарона пікета -- законная

Калегія Брэсцкага абласнога суда па грамадзянскіх справах падтрымала рашэнне суда Бярозаўскага раёна ў справе забароны пікета. Скарга праваабаронцаў Сяржука Русецкага, Тамары Шчапёткінай і грамадскай актывісткі Таццяны Тарасевіч пакінута без задавальнення.

09.01.2014 Гомель: за антыалкагольны пікет Зміцера Карашкова пакаралі штрафам

9 студзеня суддзя суду Цэнтральнага раёна Гомеля Алена Цалкова вынесла пастанову па адміністрацыйнаму пратаколу, складзенаму ў дачыненні каардынатара грамадзянскай ініцыятывы «Хопіць піць – трэба жыць» Зміцера Карашкова. За правядзенне антыалкагольнага пікету суддзя пакарала актывіста штрафам у памеры 10 базавых велічынь.

09.01.2014 Гарадоцкага актывіста затрымалі паводле ананімнага даносу

У Гарадоцкім РАУС Леаніду Аўтухову паказалі ліст за подпісам "Ананім", дзе гаварылася, што ён рыхтуе ў райцэнтры акцыю пратэсту. Сябра Партыі БНФ пратрымалі ў пастарунку тры гадзіны – пакуль не з'ехала абласное начальства, якое прыязжала сустракацца з незадаволенымі мясцовымі прадпрымальнікамі.

09.01.2014 Людміла Кучура: «Кіраўніцтва калоніі вельмі спяшалася «закрыць» майго мужа»

Асуджаны Пётр Кучура, які адбываў пакаранне ў папраўчай калоніі №15 і парушаў спакой адміністрацыі, баронячы свае правы, 30 снежня 2013 года пераведзены на тры гады строгага рэжыму ў магілёўскую турму № 4.

09.01.2014 Малчанава аштрафавалі, заўтра зноў суд

9 студзеня суд у Барысаве прызнаў Аляксандра Малчанава парушальнікам прэвэнтыўнага нагляду. Яго аштрафавалі на 780 тысяч рублёў. 10 студзеня суд мае разгледзіць пытаньне аб працягу прэвэнтыўнага нагляду над былым палітвязьнем.

09.01.2014 Медыкі-пратэстоўцы сустрэліся з чыноўнікамі Мінгарвыканкама

У камітэце па ахове здароўя Мінгарвыканкама створана камісія якая разгледзіць патрабаванні супрацоўнікаў хуткай дапамогі г. Мінска, вылучаныя ў звароце да ўрада.

09.01.2014 Палітуцекача Панамарова завочна асудзілі ў Слуцку

Як паведаміла жонка Сяргея Панамарова Святлана, яна атрымала рашэнне Слуцкага раённага суда. Яе мужу, які ўжо тры гады знаходзіцца за мяжой, завочна прысудзілі штраф — 500 базавых (65 мільёнаў рублёў). Адвакат падаў касацыйную скаргу.

09.01.2014 Мікалаю Аўтуховічу затрымліваюць медыцынскую перадачу

Пра гэта паведаміла маці палітвязня, спасылаючыся на яго адказ у лісце.

09.01.2014 Актывіста “Маладога фронту” адлічваюць па палітычных матывах

Сябру «Маладога фронту» Уладзiславу Макавецкаму пагражае выключэнне з Віцебскага дзяржаўнага тэхналагічнага каледжа.

09.01.2014 Улады не даюць хрысціянскім дэмакратам легалізаваць сваю дзейнасць

Улады берасцейскай вобласці адмовіліся ўзгадняць назву асветніцкага грамадскага аб’яднання “Брэсцкія Хрысціянскія Дэмакраты”, пра гэта паведамляе сайт аргкамітэту БХД. Такім чынам, актывісты арганізацыі спрабавалі зарэгістравацца ўжо ў другі раз.

09.01.2014 Брэст: суд адмовіўся разглядаць скаргу наконт фармавання гарадской тэрытарыяльнай выбарчай камісіі

Суддзя Анатоль Літоўчык у сваім адказе мясцовым праваабаронцам і прадстаўнікам грамадскай супольнасці патлумачыў, што гэтая справа непадсудная для разгляду ў Брэсцкім абласным судзе.

09.01.2014 Інжынера «Магілёўаблаўтатранса» пакаралі за адказ на рускай мове

Пісьмовы зварот, які ён разглядаў, быў беларускамоўным. Ліст аб тым, што вядучы інжынер па бяспецы руху аблаўтатрансу спадар Аржанікаў прыцягнуты да дысцыплінарнай адказнасці (яму аб'яўлена заўвага), быў атрыманы ад намесніка старшыні Магілёўскага аблвыканкама спадара Некрашэвіча.

09.01.2014 Справаздача па выніках назірання за фарміраваннем акруговых выбарчых камісій

Назіранне за выбарамі дэпутатаў мясцовых Саветаў дэпутатаў Рэспублікі Беларусь дваццаць сёмага склікання ажыццяўляецца актывістамі РПГА «Беларускі Хельсінкскі камітэт» і ПЦ «Вясна» ў рамках кампаніі «Праваабаронцы за свабодныя выбары».

09.01.2014 Алесь Бяляцкі павіншаваў баранавіцкіх праваабаронцаў і грамадскіх актывістаў

Алесь Бяляцкі падзякаваў за маральную падтрымку. Ён адзначыў, што ў яго збольшага ўсё звычайна, адчувае сябе добра, як і раней працуе, але сумуе па родных і сябрах. Паведаміў, што сустрэў Божае нараджэнне – для Яго, на думку Алеся Бяляцкага, няма муроў і дроту.