Праваабарончы цэнтр «ВЯСНА»

Навіны за 4 студзеня 2014

04.01.2014 Рэкорды Гродзеншчыны: 660 за 15 хвілін

4 студзеня ў Гродзенскім аблвыканкаме на паседжанні, якое вёў старшыня гэтай структуры Уладзімір Краўцоў, былі сфармаваныя склады 60 акруговых камісій па выбарах дэпутатаў абласнога Савета. У кожную з камісій было ўключана па 11 чалавек. Фармаванне іх складу заняло ўсяго 15 хвілін.

04.01.2014 Ігар Пастноў – адзін з намінантаў на званне "Чалавек года Віцебска-2013"

Гэтае званне ў 2008 годзе заснавала рэдакцыя незалежнага сайту "Народныя Навіны Віцебска". Ігар Пастноў намінуецца ўжо другі год запар, і ў першы ж дзень галасавання ён стаў лідарам па колькасці галасоў.

04.01.2014 У камісіі не ўключылі, а потым абвінавацілі ў пасіўнасці

Абласная газета "Витебские вести" падвяла вынікі этапа фармавання тэрытарыяльных выбарчых камісій. І паведаміла чытачам, што "на сённяшні дзень актыўнасць палітычных партый ледзве заўважная", бо з партыйцаў "у склад камісій увайшло 17 чалавек, або каля 1%, у тым ліку 13 сябраў КПБ".

04.01.2014 Бабруйск: у складзе гарадской камісіі -- усе знаёмыя асобы

У склад гарадской выбарчай камісіі па выбарах дэпутатаў гарсавета па традыцыі ўвайшлі ўсе знаёмыя асобы - чыноўнікі, начальнікі і сябры праўладных структур. Бальшыня з іх уваходзілі ў камісіі падчас усіх апошніх выбараў.

04.01.2014 Парфянкова трымаюць у Жодзіне

Былы палітвязень Васіль Парфянкоў знаходзіцца ў перасыльным пункце ў жодзінскай калёніі, адкуль яго маюць перавезьці ў калёнію ў Горках.

04.01.2014 Гомель: судзяць за пратэст супраць п’янства

3 студзеня ў судзе Цэнтральнага раёну Гомеля судзілі лідэра кампаніі «Хопіць піць — трэба жыць!» Зьмітра Карашкова. Міліцыя абвінаваціла яго ў арганізацыі несанкцыянаванага мерапрыемства.

04.01.2014 Цэнзура не прапусьціла ліст Статкевіча пра Майдан

Мікалай Статкевіч напісаў свайму брату, які жыве ва Ўкраіне, ліст пра Майдан і стасункі Ўкраіны з Расеяй, але гэты ліст з турмы ў Магілёве, дзе трымаюць былога кандыдата на прэзыдэнта, гэтак і не выйшаў.

04.01.2014 Маці Эдуарда Лобава: Атрымала падарунак — пачула голас сына з калёніі

Палітвязень Эдуард Лобаў на каталіцкія Каляды змог патэлефанаваць дамоў пасьля працяглага маўчаньня.

04.01.2014 Баранавічы: супрацоўнік міліцыі ўзяў тлумачэнне ў Мікалая Чарнавуса адносна пікету супраць карупцыі

У гэтым адзіночным пікеце арганізатар у адзенні Дзеда Мароза трымаў у руках плакат “Старшыні Дзічкоўскі, Язубец – непатапляемыя. Старшыня аблвыканкама Сумар абмануў Прэзідэнта. Карупцыянер у парламенце. Ганьба!!!”