Праваабарончы цэнтр «ВЯСНА»

Навіны за 22 студзеня 2014

22.01.2014 Зварот арганізацый грамадзянскай супольнасці і грамадскіх актывістаў Беларусі з нагоды сітуацыі ва Украіне

У гэтыя дні, калі сітуацыя ва Украіне выйшла з-пад кантролю супрацьстаячых сіл, калі пачалося кровапраліцце, калі ў Кіеве ідуць вулічныя баі з прымяненнем зброі, мы не можам заставацца ў баку.

22.01.2014 Бабруйск: Жадаючых ісці на выбары пакуль няшмат

На ўдзел у выбарах у гарадскі Савет дэпутатаў было пададзена 47 заяў аб рэгістрацыі ініцыятыўных груп, паведамляе сайт гарвыканкама. Колькі з іх прайшлі рэгістрацыю і хто гэтыя людзі, афіцыйная крыніца не паведамляе.

22.01.2014 Актывіста Партыі БНФ звольнілі з працы

Старшыня Рады Менскай абласной арганізацыі Партыі БНФ Зьміцер Шэвель з Лагойску звольнены з пасады сыстэмнага адміністратара замежнага прадпрыемства ТАА «Мінаўта». Сам актывіст зьвязвае непадаўжэньне працоўнага кантракту са сваёй палітычнай дзейнасьцю і ўспрымае яго, як праяву палітычна матываванага перасьледу.

22.01.2014 Прызначаная дата разгляду скаргі на рашэнне пра рээкспарт або знішчэнне кнігі Алеся Бяляцкага

Папярэдняе судовае паседжанне па скарзе праваабаронцы Тацяны Равякі на дзеянні службовых асоб Ашмянскай мытні прызначана на 29 студзеня ў судзе Ашмянскага раёна. Пачатак у 14-30.

22.01.2014 Праект закона аб Альтэрнатыўнай грамадзянскай службе адкліканы з парламента

Пра гэта юрысту Алене Танкачовай паведамілі ў Савеце міністраў. Па словах чыноўнікаў, прычына тэхнічная.

22.01.2014 У Віцебскай вобласці не зарэгістравалі 6 ініцыятыўных груп

Ва ўсіх шасці выпадках у ахвотных вылучацца кандыдатамі ў дэпутаты былі зафіксаваны недакладнасці ў сабраных дакументах. Пра тое, каб не зарэгістравалі ініцыятыўную групу кагосьці з дэмакратычных актывістаў на Віцебшчыне, звестак няма.

22.01.2014 Лукашэнка: мова — не для рэвалюцый

На заўвагу пра тое, што ў Беларусі на нацыянальнай мове друкуецца небагата кніг, Лукашэнка нагадаў, што калісь ужо прапаноўваў беларускім літаратарам напісаць хоць адзін годны твор, аднак пакуль ніхто яму такога не паказаў.

22.01.2014 Заява БАЖ у звязку з падзеямі ва Украіне

ГА “Беларуская асацыяцыя журналістаў” абураная гвалтам, які ў апошні час мэтанакіравана чыніцца ў адносінах да журналістаў, што асвятляюць падзеі ў Кіеве.

22.01.2014 У Валожыне жанчыну пагрозамі змусілі выйсці з ініцыятыўнай групы прамоўцы БХД

У Валожыне мясцоваму грамадскаму актывісту, прамоўцу Беларускай Хрысціянскай Дэмакратыі падчас мясцовай кампаніі Георгію Каржанеўскаму адмовілі ў рэгістрацыі ініцыятыўнай групы.

22.01.2014 Таццяна Равяка: «Лукашэнка дае адмашку для амністыі Бяляцкага»

Праваабаронца Тацяна Равяка ня верыць, што Аляксандар Лукашэнка ня ведае пра справу Алеся Бяляцкага. Так яна камэнтуе даручэньне прэзыдэнта праверыць інфармацыю пра тое, што Алесь Бяляцкі кампэнсаваў матэрыяльную шкоду, якую паставіў яму ў віну суд.

22.01.2014 Наталля Пінчук: Каментаваць можна справы, а не словы

«Я чула заяву Лукашэнкі на прэс-канферэнцыі. Не першы раз такія заявы гучаць, але які сэнс каментаваць словы. Каментаваць можна толькі справы».

22.01.2014 Справа Андрэя Жукаўца набліжаецца да завяршэння

30-га студзеня Акружны суд у Беластоку разгледзіць апеляцыйную скаргу беларускага палітычнага ўцекача на прысуд, паводле якога Андрэя Жукаўца могуць зняволіць на тры гады. Яго звінавацілі нібыта ў махлярстве пры атрыманні крэдытаў у двух беларускіх банках. З гэтай нагоды 23-га студзеня ў Варшаве арганізуецца прэс-канферэнцыя.