Праваабарончы цэнтр «ВЯСНА»

Навіны за 30 студзеня 2014

30.01.2014 Маці і бабуля Яўгена Васьковіча наведалі яго ў турме

"Самі разумееце, як праходзяць такія спатканні, праз шкло, праз слухаўку, гэта замінае размаўляць адкрыта, - кажа Рушання Васьковіч. - Але Жэня ўвесь час шчыра, ад душы пасміхаўся, як і ў тыя часы, калі быў на свабодзе". Маці Яўгена кажа, што праблема з выпіскай газет застаецца для сына актуальнай.

30.01.2014 Брэст: міліцыя спрабавала сарваць пікет па збору подпісаў

Прадстаўнікі кааліцыі “Талака”, у якую ўваходзяць сябры Беларускай партыі левых “Справядлівы свет”, Аб’яднанай грамадзянскай партыі, арганізацыі “Маладая Беларусь” ды іншых арганізацый, 30 студзеня ладзілі ў Брэсце першую сумесную акцыю падчас цяперашняй выбарчай кампаніі.

30.01.2014 Віцебскі абласны суд адмовіў Сяргею Вазняку

29 студзеня адзін з лідэраў грамадзянскай кампаніі «Гавары праўду» Сяргей Вазняк абскарджваў у Віцебскім абласным судзе адмову ў рэгістрацыі сваіх ініцыятыўных груп. Суд падтрымаў ранейшыя адмовы раённай і абласной выбарчых камісій.

30.01.2014 Праваабаронцы "Вясны" - лідары па колькасці ўзгадак у публікацыях СМІ

Да такой высновы прыйшоў медыя-эксперт Паўлюк Быкоўскі ў сваім даследаванні «Праца беларускіх НДА ў масмедыя» за 2013 год.

30.01.2014 Справу былога намесніка генпракурора Архіпава перадаюць у суд

У бліжэйшы час справа ў дачыненні да былога намесніка генеральнага пракурора Аляксандра Архіпава будзе прадстаўлены ў Генеральную пракуратуру для вырашэння пытання аб накіраванні ў суд, паведаміў намеснік генеральнага пракурора Беларусі Аляксей Стук.

30.01.2014 Змітру Дашкевічу прысудзілі штраф - 10 базавых велічынь

Актывіста абвінавацілі ў парушэнні парадку прэвентыўнага нагляду. Пасяджэнне вёў суддзя Юрый Гарбатоўскі (суд Першамайскага раёну г.Мінска).

30.01.2014 Бабруйск: Віктара Бузінаева выклікаюць у міліцыю

Старшыня бабруйскай суполкі АГП Віктар Бузінаеў паведаміў, што атрымаў тэлефоннае запрашэнне на сустрэчу, якая мусіць адбыцца ў УУС. "Я ў ад'ездзе, таму змагу патрапіць на сустрэчу толькі заўтра".

30.01.2014 Жыхар Бярозаўшчыны, свінаферму якога знішчылі, шукае справядлівасці ў Брэсцкім аблвыканкаме

Аказваецца, што ніхто прымусова свіней не забіраў. Людзі самі добраахвотна пісалі заявы. Выходзіць, не было пагроз з боку ўладаў у мясцовай газеце “Маяк”, у развешаных па ўсіх вёсках аб’явах, дзе пісалі пра тое, што хто не пагодзіцца знішчаць свіней да 15 жніўня, будуць пакараны.

30.01.2014 “Меркаванне па грамадска-значных пытаннях” бабруйчан выканкамаўцаў цікавіць выключна падчас выбараў

Тэлефонная лінія на перыяд выбарчай кампаніі будзе працаваць з панядзелка па пятніцу, па чатыры гадзіны ў дзень. Гэта ўжо трэцяя выбарчая кампанія, падчас якой у Бабруйску працуе такога кшталту лінія, звычайна на тэлефанаванні тут адказваюць супрацоўнікі ідэалагічных аддзелаў.

30.01.2014 У Баранавічах прапануюць змены па дэмакратызацыі рашэння аб масавых мерапрыемствах

Праваабаронцы і грамадскія актывісты Сяргей Гоўша, Віктар Сырыца, Вячаслаў Болбат, Віктар Мезяк, Мікалай Чарнавус, Рыгор Грык і Анжаліка Камбалава звярнуліся да новага старшыні Баранавіцкага гарвыканкама Юрыя Грамакоўскага з прапановамі аб дэмакратызацыі рашэння аб масавых мерапрыемствах.

30.01.2014 БХК звярнуўся ў ЦВК з просьбай змяніць парадак доступу назіральнікаў на ўчасткі

Зараз рэспубліканскія грамадскія аб'яднанні і партыі могуць накіроўваць назіральнікаў толькі на пасяджанні ЦВК, але не на ўчасткі для галасавання або на паседжанні акруговых і тэрытарыяльных выбарчых камісій, якія з'яўляюцца адным з ключавых механізмаў у арганізацыі выбараў.

30.01.2014 Заява на рэгістрацыю кандыдатуры Алеся Бяляцкага перададзеная ў Нобелеўскі камітэт

Заява на рэгістрацыю кандыдатуры беларускага праваабаронцы Алеся Бяляцкага на Нобелеўскую прэмію міру перададзена ў Нобелеўскі камітэт. Подпісы пад заявай збіралі дэпутаты польскага Сойму ад "Грамадзянскай Платформы" ды партыі "Права і Справядлівасць", кажа ініцыятар акцыі, Адам Ліпінскі з ПіС.